കേരളത്തിന്റെ അടിസ്ഥാന സൗകര്യ വികസനത്തിൽ പുതിയ മുന്നേറ്റം സൃഷ്ടിക്കാൻ പര്യാപ്തമായ സുപ്രധാന പദ്ധതികൾ മുഖ്യമന്ത്രി പിണറായി വിജയൻ നാടിന് സമർപ്പിച്ചു. പശ്ചിമതീര ജലപാതാ വികസനത്തിൻ്റെ ഭാഗമായി പൂർത്തിയാക്കിയ ആക്കുളം-ചേറ്റുവ ജലപാത ഒന്നാംഘട്ടം, ചിലക്കൂർ വിനോദ സഞ്ചാര പദ്ധതി, ഇൻലാൻഡ് നാവിഗേഷൻ വകുപ്പ് പൂർത്തിയാക്കിയ വിവിധ പദ്ധതികൾ എന്നിവയാണവ. തിരുവനന്തപുരം മുതൽ കാസർഗോഡ് ബേക്കൽ വരെ 616 കിലോമീറ്റർ നീളുന്ന ഈ ജലപാത യാഥാർത്ഥ്യമാകുന്നതോടെ കേരളത്തിന്റെ ഗതാഗത, വിനോദസഞ്ചാര, ചരക്കുനീക്ക മേഖലകളിൽ വലിയ മാറ്റങ്ങളുണ്ടാകും. ✅ ആക്കുളം-ചേറ്റുവ ജലപാത (ഒന്നാം ഘട്ടം): തിരുവനന്തപുരം മുതൽ തൃശൂർ വരെ 280 കിലോമീറ്റർ നീളുന്ന ജലപാതയുടെ നവീകരണം പൂർത്തിയായി. ഇതിന്റെ ഭാഗമായി തൃശൂർ കാട്ടൂർ സെക്ഷനിൽ ഉൾപ്പെടെ ആഴവും വീതിയും കൂട്ടി നവീകരണ പ്രവർത്തനങ്ങൾ നടത്തി. ✅ ചിലക്കൂർ ടണൽ നവീകരണം: 1876-ൽ നിർമ്മിക്കപ്പെട്ട ഈ എഞ്ചിനീയറിംഗ് അത്ഭുതത്തെ അതിന്റെ പൈതൃകം ചോരാതെ വീണ്ടെടുത്തു. അത്യാധുനികമായ ലൈറ്റ് ആൻഡ് സൗണ്ട് ഷോയോടു കൂടി വിനോദസഞ്ചാരികളെ ആകർഷിക്കുന്ന ഹെറിറ്റേജ് സെന്ററായി ചിലക്കൂർ ടണൽ മാറും. ✅ തൃക്കുന്നപുഴ ലോക്കിന്റെ നിർമ്മാണം കൂടി പൂർത്തിയാകുന്നതോടെ ദേശീയപാതയിലെ തിരക്ക് കുറയ്ക്കാനും ചരക്കുഗതാഗതം ജലപാത വഴി സുഗമമാക്കാനും സാധിക്കും. 40 ടാങ്കറുകൾ കൊണ്ടുപോകുന്ന അസംസ്‌കൃത വസ്തുക്കൾ കേവലം രണ്ട് ബാർജുകളിലേക്ക് മാറ്റാൻ ഇതിലൂടെ കഴിയും. ✅ കോഴിക്കോട് മൂഴിക്കൽ ലോക്ക്-കം-ബ്രിഡ്ജ്, തിരുവനന്തപുരം സെന്റ് ആൻഡ്ര്യൂ പാലം, 14 കി.മീ നീളമുള്ള വടകര-മാഹി കനാൽ എന്നിവയും നാഷണൽ വാട്ടർവേ നിലവാരത്തിൽ പൂർത്തിയാക്കി. വികസന പ്രവർത്തനങ്ങൾ നടത്തുമ്പോൾ ജനങ്ങളെ ചേർത്തുപിടിക്കുക എന്നതാണ് ഈ സർക്കാരിന്റെ നയമെന്ന് മുഖ്യമന്ത്രി പറഞ്ഞു. പദ്ധതികളുടെ ഭാഗമായി പുനരധിവാസം ആവശ്യമായി വന്ന 580-ഓളം കുടുംബങ്ങൾക്ക് സുരക്ഷിതമായ താമസസൗകര്യം ഇതിനോടകം ഉറപ്പാക്കി കഴിഞ്ഞു. ആധുനികവും സുസ്ഥിരവുമായ വികസനത്തിലൂടെ നവകേരളം എന്ന ലക്ഷ്യത്തിലേക്ക് നമ്മൾ അതിവേഗം മുന്നേറുകയാണ്. #🆕 ലേറ്റസ്റ്റ് അപ്ഡേറ്റ്