🙏ஆன்மீகம் #🙏ஆன்மீகம் #🤔 ஆன்மீக சிந்தனைகள் #ஆன்மீக #திருமுறை #பன்னிரு திருமுறை *"திருமுறை ஓதாய் திருமுறையே தாய்"* தினம் ஒரு திருமுறை அறிவோம் 🙏பத்தாம் திருமுறையில் இருந்து திருமூலர் அருளிய திருமந்திரம் - *எட்டாம் தந்திரம் - 21. பரலட்சணம்*இறைவனின் திருநாமம் - சிவபெருமான் இறைவி - உமையம்மை அமைவிடம் : பொதுபதிகம் பற்றிய சுருக்கமான விளக்கம் : திருமூலர் இயற்றிய திருமந்திரம் ஒன்பது தந்திரங்களை (இயல்களை)க் கொண்டது. மூவாயிரம் பாடல்களை உடையது. வேதம், ஆகமம் ஆகிய இரண்டிற்கும் இத்திருமந்திரம் அரிய விளக்கமாய்ப் பொலிந்து விளங்குகின்றது. மேலும் இந்நூல் சைவ ஆகமம் என்று போற்றப்படும் பெருமையினை உடையது. திருமந்திரம். வேதாந்தம் - சித்தாந்தம், சித்தி - முக்தி, யாகம் - யோகம் ஆகியவற்றிற்கு விளக்கம் அளிக்கிறது.*திருமூலர் அருளிய திருமந்திரத்தில் எட்டாம் தந்திரம், ஒரு ஆன்மா தனது பாசத் தளைகளிலிருந்து விடுபட்டு, இறைவனோடு இரண்டறக் கலக்கும் உயர்ந்த நிலைகளைப் பற்றி விளக்குகிறது. இது சுமார் 526 பாடல்களைக் (2122 - 2648) கொண்டது*. *எட்டாம் தந்திரத்தில், 21-வது அதிகாரமாக விளங்குவது பரலட்சணம் ஆகும். பரலட்சணம் என்பது இறைவனது (பரம்பொருளின்) சிறப்பியல்பு அல்லது அதன் உண்மையான நிலையை விளக்குவதாகும். இந்த அதிகாரத்தில் உள்ள பாடல்கள், ஆன்மா எவ்வாறு தனது சிற்றறிவை நீக்கி, இறைவனின் பேரறிவை அடைந்து அவனது இயல்பை (லட்சணம்) உணர்ந்து கொள்ள முடியும் என்பதை விளக்குகின்றன*.*பதி (இறைவன்) இயல்பு : பதியாகிய பரம்பொருள் தோற்றமும் அழிவும் இல்லாதது. அது எங்கும் நிறைந்த பேரொளியாகவும், உயிர்களுக்கு அறிவை வழங்கும் ஆதாரமாகவும் விளங்குகிறது*.*அதீத நிலை : இறைவன் எல்லா நிலைகளுக்கும் அப்பாற்பட்டவன் (அதீதத்து உள்ளவன்). அவன் எங்கும் விரிந்து பரந்திருப்பவன் என்பதைக் குறிக்க "அதீதத்து ளாகி அகன்றவன் நந்தி" என்று திருமூலர் குறிப்பிடுகிறார்*.*உயிர் விளக்கம் : அறிவில்லாத நிலையில் இருக்கும் ஆன்மா, இறைவனது அருளைப் பெற்று அறியாமை என்னும் இருளை நீக்கும்போது, அது பரம்பொருளுடன் ஒன்றிணையும் தன்மையைப் பெறுகிறது*.*பரை ஒளி : பரலட்சணம் என்பது பரை ஒளியின் (சக்தி அல்லது இறைவனின் ஆற்றல்) இயல்பைப் பற்றியும் விரிவாகப் பேசுகிறது*.பாடல் வரிகள் : *21. பரலட்சணம்*2452 அதீதத்து ளாகி அகன்றவன் நந்திஅதீதத்து ளாகி அறிவிலோன் ஆன்மாமதிபெற் றிருள்விட்ட மன்னுயிர் ஒன்றாம்பதியிற் பதியும் பரவுயிர் தானே. 12453 ஆதியும் அந்தமும் இல்லா அரும்பதிசோதிப் பரஞ்சுடர் தோன்றத்தோன் றாமையின்நீதிய தாய்நிற்கும் நீடிய அப்பரபோதம் உணர்ந்தவர் புண்ணியத் தோரே. 22454 துரியங் கடங்கு துரியா தீதத்தேஅரிய வியோகங்கொண்டு அம்பலத் தாடும்பெரிய பிரானைப் பிரணவக் கூபத்தேதுரியவல் லார்க்குத் துரிசில்லை தானே. 32455 செம்மைமுன் னிற்பச் சுவேதம் திரிவபோல்அம்மெய்ப் பரத்தோடு அணுவன்உள் ளாயிடப்பொய்மைச் சகமுண்ட போத வெறும்பாழில்செம்மைச் சிவமேரு சேர்கொடி யாகுமே. 42456 வைச்ச கலாதி வருதத்து வங்கெடவெச்ச இருமாயை வேறாக வேரறுத்துஉச்ச பரசிவ மாம்உண்மை ஒன்றவேஅச்சம் அறுத்தென்னை ஆண்டவன் நந்தியே. 52457 என்னை அறிய இசைவித்த என்நந்திஎன்னை அறிந்து அறி யாத இடத்துய்த்துப்பின்னை ஒளியிற் சொரூபம் புறப்பட்டுத்தன்னை அளித்தான் தற்பர மாகவே. 62458 பரந்தும் சுருங்கியும் பார்புனல் வாயுநிரந்தர வளியொடு ஞாயிறு திங்கள்அரந்த அறநெறி யாயது வாகித்தரந்த விசும்பொன்று தாங்கிநின் றானே. 72459 சத்தின் நிலையினில் தானான சத்தியும்தற்பரை யாய்நிற்கும் தானாம் பரற்கு உடல்உய்த்தரும் இச்சையில் ஞானாதி பேதமாய்நித்தம் நடத்தும் நடிக்கும்மா நேயத்தே. 82460 மேலொடு கீழ்பக்கம் மெய்வாய்கண் நாசிகள்பாலிய விந்து பரையுள் பரையாகக்கோலிய நான்சுவை ஞானம் கொணர் விந்துசீலமி லாஅணுச் செய்திய தாமே. 92461 வேறாம் அதன்தன்மை போலும்இக் காயத்தில்ஆறாம் உபாதி அனைத்தாகும் தத்துவம்பேறாம் பரவொளி தூண்டும் பிரகாசமாய்ஊறாய் உயிர்த்துண்டு உறங்கிடும் மாயையே. 102462 தற்பரம் மன்னும் தனிமுதல் பேரொளிசிற்பரம் தானே செகமுண்ணும் போதமும்தொற்பதம் தீர்பாழில் சுந்தரச் சோதிபுக்குஅப்புறம் மற்றதுஇங்கு ஒப்பில்லை தானே. 112463 பண்டை மறைகள் பரவான் உடலென்னும்துண்ட மதியோன் துரியாதீ தந்தன்னைக்கண்டு பரனும்அக் காரணோ பாதிக்கேமிண்டின் அவன்சுத்தம் ஆகான் வினவிலே. 122464 வெளிகால் கனல்அப்பு மேவுமண் நின்றதனியா இயதற் பரங்காண் அவன்தான்வெளிகால் கனல்அப்பு மேவுமண் நின்றவெளியாய சத்தி அவன்வடி வாமே. 132465 மேருவி னோடே விரிகதிர் மண்டலம்ஆர நினையும் அருந்தவ யோகிக்குச்சீரார் தவம்செய்யில் சிவனருள் தானாகும்பேரவும் வேண்டாம் பிறிதில்லை தானே. 14திருச்சிற்றம்பலம் 🕉️🙏திருமூலர் சுவாமிகள் திருவடிகள் போற்றி 🕉️🙏ஓம் நமசிவாயம் 🕉️🙏சிவாய நம ஓம் 🕉️🙏நற்றுணையாவது நாதன் நாமம் நமச்சிவாயவே🕉️🙏🙏🙏🙏🙏🙏🙏🙏🙏🙏 video A Mohan Raj - ShareChat