राजस सुकुमार.. 🙏🚩🚩 आज संत तुकाराम यांची बीज म्हणजेच संतश्रेष्ठाच्या सदेह वैकुंठगमनाचा दिवस....भक्ती, समता आणि मानवतेच्या दिव्य परंपरेचा जागर करणारा पवित्र क्षण आहे. झोपडीच्या फाटलेल्या धडप्यातूनही अलगद येऊन कानावर अभंग पडावेत आणि मी बालपणी आईकडून हे अभंग एकत हरिभक्ती शिकावी. त्या गर्दीत बा इठ्ठला पुढं नेऊन माझे आईने उभं करावं आणि पाहताच क्षणी डोळ्यातून घळा घळा अश्रू यावेत इतकं सुंदर रूप. तुकोबा ज्ञानोबा तर आत्माच की व या छत्रपतींच्या मातीचा. आपला इठूबा गरिबांचा देव. मनापासून प्रेमाने चटणी भाकरी द्यावी तरी ओरबाडून खाईल एवढा मोठ्या मनाचा 😥.. आणि त्याच इठूबाच्या भक्तीत प्रपंचींक साधना करत परमार्थ शिकवला तुकोबा ज्ञानोबान.. उभं महाराष्ट्राच्या मातीमध्ये ज्यांनी अभंगांचे बी पेरले आणि त्या बीजापासून संपूर्ण समाजाला विचारांची हिरवीगार फळबाग दिली, त्या तुकोबांच्या चरणी कृतज्ञतेने नतमस्तक होण्याचा हा दिवस आहे. सतराव्या शतकातील महाराष्ट्र अनेक सामाजिक विषमतांनी, अंधश्रद्धांनी आणि दु:खांनी भरलेला होता. अशा काळात देहूच्या साध्या घरात जन्मलेला हा संत पुढे संपूर्ण समाजाचा मार्गदर्शक ठरेल, असे कोणाला वाटले असते? माघ शुद्ध पंचमीच्या पवित्र दिवशी जन्मलेल्या तुकाराम महाराजांनी आयुष्यभर केवळ एकच साधना केली...भक्तीची, सत्याची आणि समाजजागृतीची. त्यांचे आराध्यदैवत म्हंजी इठूबा . व्हय इठूबा. थकलेल्या म्हातारीने वट्यावरून हाक मारावी आण धावत यावं माझ्या राजाने.. अगदी ही भावना रुजवली तुकोबांनी ज्ञानूबानी मातीत.. पंढरपूरच्या विठ्ठलाच्या चरणी अर्पण केलेल्या त्यांच्या भावनेत इतकी निर्मळता होती की, त्यांच्या प्रत्येक अभंगात भक्तीचा गंध आणि समाजसुधारणेचा तेजस्वी प्रकाश दिसतो. तुकाराम महाराज हे केवळ संत होते ते लोककवी होते, लोकशिक्षक होते, समाजसुधारक होते. त्यांच्या अभंगांनी सामान्य माणसाच्या मनात विचारांची क्रांती घडवली. “जे का रंजले गांजले, त्यासी म्हणे जो आपुले” अशी करुणा शिकवणारा संत म्हणजे तुकोबा. व्हय कधीच नाय माझा मराठी भाव कुणा गरिबांवर अन्याय करत.त्यांनी भक्तीला केवळ मंदिरात नाहीतर ती जीवनाच्या प्रत्येक क्षणात उतरवली. त्यांच्यासाठी हरिनाम म्हणजे जगण्याचा श्वास होता. तुकाराम महाराज नेहमी भावावस्थेत असत. विठ्ठलनामाच्या प्रेमात ते इतके तल्लीन होत की, त्यांना देहभान राहत नसे. लोक म्हणतात तुकोबा देहात असूनही देहात नसल्यासारखे होते. त्यांच्या अभंगांमध्ये इतकी ताकद होती की ते थेट मनाला भिडतात. समाजातील अन्याय, अहंकार, खोटेपणा आणि ढोंगीपणावर त्यांनी कठोर शब्दांत प्रहार केला. पण त्या शब्दांमध्ये द्वेष नव्हता, ते होते केवळ जागृतीचे आर्त आवाहन. वारकरी संप्रदायात तुकाराम महाराजांना “जगद्गुरु” म्हणून मान दिला जातो. आजही कीर्तनाच्या शेवटी सर्व वारकरी एकत्रितपणे जयघोष करतात “पुंडलीक वरदे हरी विठ्ठल, श्री ज्ञानदेव तुकाराम..” हा जयघोष महाराष्ट्राच्या आध्यात्मिक परंपरेच स्पंदन आहे. त्या जयघोषात भक्तीची ऊर्जा आहे, समतेचा संदेश आहे आणि संतांच्या पावन स्मृतीची अखंड ज्योत आहे. तुकाराम महाराजांनी पाच हजारांहून अधिक अभंगांची निर्मिती केली. “तुकारामाची गाथा” ही मराठी संस्कृतीची आध्यात्मिक संपत्ती आहे. त्यांच्या शब्दांत साधेपणा आहे, पण त्या साधेपणात अनंत गूढता दडलेली आहे. ते म्हणतात भक्ती म्हणजे मनाची निर्मळ अवस्था आहे. जेथे अहंकार नाही, तेथेच विठ्ठलाचा वास आहे. फाल्गुन कृष्ण द्वितीयेला, म्हणजेच तुकाराम बीजेच्या दिवशी, देहू येथे त्यांनी सदेह वैकुंठगमन केले असे मानले जाते. लोकपरंपरेनुसार ते विठ्ठलाच्या दूतांसह वैकुंठाला गेले. देहू येथे ज्या ठिकाणाहून ते गेले, तेथे आजही नांदुरकीचा वृक्ष आहे. वारकरी श्रद्धेने सांगतात की तुकाराम बीजेच्या दिवशी दुपारी त्या वृक्षाच्या पानांत एक हलकी थरथर जाणवते. आजच्या काळातही तुकोबांचे विचार तितकेच जिवंत आहेत. स्पर्धा, स्वार्थ आणि ताणतणावांनी भरलेल्या आधुनिक जगात त्यांचा संदेश अधिकच महत्त्वाचा वाटतो. त्यांनी शिकवलेली समता, करुणा आणि सत्याची वाट ही आजही समाजाला दिशा देणारी आहे. भक्ती म्हणजे हिमालयात पलायन नाही तर ती जीवन जगण्याची उंच पद्धत आहे. मानवतेचा धर्म पाळला, तरच देवाची खरी पूजा होते. आज संत तुकाराम बीजेच्या दिवशी आपण त्यांच्या चरणी कृतज्ञतेची फुले अर्पण करूयात. त्यांच्या अभंगांचा सुगंध आजही महाराष्ट्राच्या प्रत्येक वाऱ्यात दरवळतो. पंढरीच्या वाटेवर चालणाऱ्या वारकऱ्यांच्या टाळ-मृदंगाच्या नादात तुकोबांचे नाव अजूनही घुमते. आणि म्हणूनच महाराष्ट्राच्या भक्तीपरंपरेत एक भावपूर्ण सत्य आजही जिवंत आहे...तुकाराम गेले नाहीत… ते प्रत्येक अभंगात, प्रत्येक हरिनामात, आणि प्रत्येक भक्ताच्या हृदयात आजही जिवंत आहेत. चला वृक्ष वल्लीशी सोयरिक करत आपला अस्सल महाराष्ट्र पुन्हा अनुभवूयात 🚩🚩 लहानपण दे गा देवा मुंगी साखरेचा रवा ।। ऐरावत रत्न थोर तया अंकुशाचा मार ।। ज्याचे अंगी मोठेपण तया यातना कठीण ।। तुका म्हणे जाण व्हावे लहानाहून लहान ।। #maharashtra #🙏संत तुकाराम बीज दिन🌹 #🙏विठ्ठल नामाची शाळा भरली #🙏भक्तीमय सकाळ🎬 #🙏जय हरी विठू माउली🙏 #🙏ध्यानी मनी विठ्ठल