ஏதோ ஒரு நாள் எஞ்சியிருக்கும் நம் காதலின் கணம் – ஒரு கணம் உன்னை உதைக்க கூடும்..! தயங்காதே! உன் வருகைக்காய் என் வீட்டு அழைப்புமணிகள் தவித்துக் கிடக்கின்றன..! வாசலில் இரட்டை ரோஜாக்கள் தினம் தினம் பூத்து உதிர்கின்றன..!! கவி எழுதி நிறைந்த காகிதக் கிடங்கு உன்னை கண்டு தன்னை சீராக்க தவம் செய்கின்றன..!! நீ குடியிருந்த என் இதயத்தில் உனக்கான இடம் இன்னமும் அப்படியேதான் இருக்கிறது..!! தனிமை குடியேறக்கூடாதென உன் நினைவுகளை தினமும் ஒலிக்கச் செய்வேன்..! இடைக்கிடை கண்ணீர் மழை தூவி நினைவுகளின் பசுமையை காத்து வருகின்றேன்..!! தயக்கம் கொள்ளாதே உன்னை தவிர்த்திருப்பேன் என ஏக்கம் கொள்ளாதே…!! நீ என்பது வெறும் நினைவுகளல்ல — என் இளமைக் கால வாழ்க்கையின் மொத்தம்…!💔 #அவளுக்காக