सोबतच्या बातम्या पाहा. रिक्षा-टॅक्सीवाल्यांनी मराठी शिकावं नाहीतर परवाने रद्द होतील असं सरकारने नुसतं म्हटल्यावर पेटून उठलेले मराठी- अमराठी पुढारी यात दिसतील. चारोळीकार,नाना पटोले यात आहेत.अबू आझमी नावाचा उत्तर भारतीय वहाबी मुसलमानांचा माफिया पुढारी आहे.शरद पवार गट अस्तित्वात आहे असं मान्य केलं तर त्यांचा प्रवक्ताही आहे. बाप परवडला असं वाटावा असे तोतया समाजवादी शशांक रावही आहेत. सरकारने हा निर्णय मागे घेतला नाही तर यांच्या युनियन आंदोलन करणार आहेत. देशाची भाषिक,सांस्कृतिक विविधता जपण्यासाठी असा आग्रह धरणं योग्य नाही असं सर्वांना वाटतंय. यात वेल्डिंगचा चष्मेवाला आणि त्याची मानहलवी पत्नी यांचा व्हीडिओ,तसेच धारावीकर भगिनींपैकी एकीचा नळावर भांडल्यासारख्या आवाजातला व्हीडिओ दिलेले नाहीत.ते ज्याने त्याने आपापल्या जबाबदारीवर पाहावेत. एकात गायकवाड ताई मराठी पण पाहिजे,पण नकोही असलं कर्ता,कर्म,क्रियापद रानोमाळ हरवलेलं बोलताहेत.दुसऱ्यात वेल्डिंगचा चष्मेवाला प्रताप सरनाईकांना गांडुळे म्हणाला आहे. चॅनलवाल्यांनी आधी ते सर्व लोकांना दाखवून झाल्यावर आता बीप बीप केलंय. तर हे असं आहे. हे असं का आहे? महाराष्ट्रात आपण पोट भरायला येतो,आपले राज्यकर्ते आपल्याला रोजगार पुरवायला अक्षम आहेत याचं भान विसरून हिंदी ही राष्ट्रभाषा आहे असा गैरसमज पसरवणाऱ्या लोकांची या राज्यात एवढी संख्या वाढली आहे की या राज्याची भाषा शिकणं त्यांना अन्यायकारक वाटू लागलं आहे. या पापाची सुरुवात कॉंग्रेसने केली.भाजपने त्याला शिखरावर नेले. आम्ही महाराष्ट्रातून गेलो तर महाराष्ट्र बंद पडेल अशा धमक्या देण्यापर्यंत यांची हिंमत गेली आहे. आताच स्थानिक पातळीवरही परप्रांतीय निवडून येऊ लागलेत. हे कसं थांबेल? त्यांनी मराठी शिकावं ही रास्त अपेक्षा आहे. जे शिकणार नाहीत त्यांच्या त्या निर्णयाचं सरकारने स्वागत करून त्यांना त्यांचा कुटुंबकबिला,रिक्षा-टॅक्सी व इतर वाहनांसह सप्रेम नारळ दिला पाहिजे. त्यांनी त्यांच्या भाषेच्या राज्यांत जाऊन आनंदाने जगावं,मराठीशी काही संबंध ठेवू नये.आपण त्यांना शुभेच्छा द्याव्यात. त्यानंतर महाराष्ट्राचं जे काही बरं वाईट होईल ते मराठी लोक पाहून घेतील. मराठी शिकण्याला विरोध करणाऱ्या संघटनांना सुद्धा महाराष्ट्रद्रोहाची भूमिका घेतल्याबद्दल त्यांच्या मान्यता काढून घेतल्या पाहिजे. आपल्याकडच्या सामंजस्यवादी मंडळींना हे पटणार नाही,पण गायपट्टयातला देशांतर्गत वसाहतवाद हा चर्चेने आणि संवादाने सुटणारा प्रश्न राहिलेला नाही हे आपण लक्षात घेतले पाहिजे. घटनेच्या कलम १९ चा दाखला उत्तरेतले लोक सतत देतात.घटनाकारांना जर अंदाज आला असता की एखाद्या राज्यातनं कोट्यवधी लोक जगण्यासाठी बाहेर पडतील आणि जिथे पोट भरण्याची सोय होते त्यांच्यावरच शिरजोरपणा करतील,तर त्यांनी या कलमाचा फेरविचार केला असता. त्यांनी केला नसला तरी महाराष्ट्रहितासाठी आपण तो केला पाहिजे. तातडीने केला पाहिजे. रिक्षावाल्यांना मराठी सक्ती,अमराठी शाळांमध्ये मराठी शिक्षक या प्रश्नांना हे गुवाहाटी टोळी आणि पाशवी बहुमत यांच्यातल्या लढाईचाही पदर आहेच. राजकारण टाळून भाषेचा विचार करता येत नाही. आपण रोगाच्या लक्षणांवर बोलण्याऐवजी रोगाच्या कारणांवर काम करूया. बेसुमार स्थलांतराचं काय करायचं आणि हिंदुत्वाला छेद देणारं मराठीकारण कसं उभं करायचं या प्रश्नांची उत्तरं आपल्याला द्यायची आहेत. समोर दिसणाऱ्या या लढायांमध्ये महाराष्ट्रधर्मासाठीची फौज शोधणं ही आपली कसोटी आहे. त्यासाठी सामूहिक ताकद पणाला लावूया. जय मराठी ! जय महाराष्ट्र ! #🔴आजचे ताजे अपडेट्स📰 #1️⃣महाराष्ट्र अपडेट्स #🏛️राजकारण #👌हृदयस्पर्शी फोटो #👌प्रेरणादायी स्टेट्स