*वारकरी संप्रदाय आणि घुसखोरी* ! वारकरी भोळा असला तरी बावळट नाही,त्याला कोण हभप कसा आहे? हे बरोबर समजते,संतांच्या नावाचा वापर करीत कोण कसले कट्टर विचार पेरतोय यातील कावा आता सामान्य वारकरी ओळखायला लागले आहेत.मात्र वारकरी संप्रदायाची ढाल वापरत संघ,भाजपचा प्रचारक बनलेल्या लोकांना खरे वारकरी म्हणावेत की घुसखोर हे ठरविण्याची वेळ आली आहे. ----------------- सामान्य भाविक आणि ईश्वर यातील दलाल व्यवस्था उखडून टाकण्यासाठी महाराष्ट्रात मराठी संतांनी एका व्यापक चळवळीचा पाया घातला,ती समतेची,मानवतेची आणि भक्तीची चळवळ म्हणजे आपला वारकरी संप्रदाय होय. लाखो भाविकांना थेट पंढरीच्या पांडुरंगाशी आपली नाळ जुळवायची असेल,त्याच्याशी थेट संपर्क करायचा असेल तर मध्ये कुणाचीही गरज नाही या तत्वाने वारकरी संप्रदायाने ईश्वर भक्तीचा पाया रचल्याचे लक्षात येते.याच वारकरी संप्रदायात कधीच कुणाला जात,धर्म किंवा कनिष्ट,श्रेष्ठ असा भेदभाव करण्याची गरज पडली नाही.म्हणून या मेळ्यात सगळे संत समान हक्काने वावरत असल्याचे जाणवते. मुळात समानता,मानवता आणि सगळ्या प्रकारचे पाखंड खंडन करण्यासाठी ही चळवळ उभी राहिली ,सामान्य भाविकांना बरे वाईट काय याची जाणीव होऊन त्यांचे जगणे सुकर व्हावे,उत्तम परमार्थ साधता यावा यासाठी संतांनी आपली लेखणी झिजवली आहे.संत नामदेव,ज्ञानेश्वर आणि तुकारामांनी तर लोकजीवनात पदोपदी कामात येतील अश्या अभंगाची रचना करीत लोकांना मार्ग दाखवला आहे.जातीभेद,विषमता,चुकीच्या रूढी,परंपरा आणि अंधश्रद्धा यावर सगळ्या संतांनी प्रहार करीत निरपेक्ष भक्तीचा पुरस्कार केला आहे. वारकरी संतांचा लढा समाजातील वाईट प्रवृत्तीच्या विरोधात होता,त्यासाठी त्यांनी ' भले तरी देऊ गांडेची लंगोटी " अश्या जहाल शब्दाचा वापर केला आहे.दुसऱ्या बाजूला आम्ही विष्णूचे दास अगदी मेनाहुनी मऊ असल्याची कबुली देत तर कधी प्रपंच नेटका करण्याची शिकवण दिली आहे.त्यांनी लोकांना धर्म आणि रोकडा धर्म सुद्धा सांगितला आहे,मात्र त्यानी सांगितलेला धर्म कुणावर माणूस म्हणून अन्याय करणारा नव्हता परंतु गेल्या काही वर्षात वारकरी संताच्या अभंग आणि शिकवणूक यांचा सोयीचा अर्थ लावत अनेक कीर्तनकार समाजाला वेगळ्या वाटेने घेऊन जायला निघाले आहेत. ज्येष्ठ नेते शरद पवार यांनी दिल्लीत झालेल्या महिला अधिकाऱ्यांच्या साहित्य संमेलनाच्या समणिकेत एक लेख लिहून या विषयाला वाचा फोडली आहे,वारकरी संप्रदायात काही घुसखोर शिरले असल्याचे त्यांनी म्हटले आहे.त्यांचा संदर्भ देत त्यांच्या पक्षाचे प्रदेश प्रवक्ते आणि संत साहित्याचे अभ्यासक विकास लवांडे यांनी पत्रकार परिषद घेऊन वारकरी संप्रदायात शिरलेल्या 20 घुसखोरांची यादी जाहीर केली.त्यात पश्चिम विदर्भातील 3 लोकांचा समावेश आहे,त्यात पहिले आहेत संजय महाराज पाचपोर,दुसरे प्रकाशबुवा जवंजाळ आणि तिसरे आहेत उद्बोध पैठणकर तसे हे तिन्ही बुवा बुलडाणा जिल्ह्याचे आहेत. संजय महाराज पाचपोर यांना नुकताच राज्य सरकारने ज्ञानोबा पुरस्कार दिला आहे, त्यांचा चाहता वर्ग सुद्धा खूपमोठा आहे.प्रकाशबुवा जवंजाळ यांनी आजवर दोनवेळा चिखली मतदार संघातून भाजपवर विधानसभा निवडणूक लढवली आहे.थोडक्यात लवांडे यांनी जाहीर केलेल्या या यादीतील सर्व बुवा भाजप,संघ परिवाराशी संबंधित आहेत.विश्व हिंदू परिषदेच्या विविध धार्मिक उपक्रमात हे लोक सहभागी असतात,काही तर उघडपणे विहिपचे पदाधिकारी आहेत.याचा अर्थ हे लोक वारकरी संप्रदायात घुसखोर आहेत असे मात्र होत नाही.यापैकी अनेकांच्या कुटुंबात वारीची परंपरा शेकडो वर्षे चालत आली आहे. वरकऱ्यात शिरून हे लोक संघ,भाजपची भाषा बोलतात किंवा त्यांचा अजेंडा चालवतात हे मात्र खरे आहे.वारकरी संप्रदाय आणि संघ संप्रदाय या दोघांचा विचार एक असू शकत नाही ,उलट दोघांचे अनेक विचार एकमेकांना खटकणारे आहेत,त्यामुळे या 20 लोकांनी मूळ विचारधारा सोडली आहे म्हणजे वारकरी विचारांशी द्रोह केला आहे असे म्हटल्यास वावगे ठरू नये.अलीकडे तर कोणत्याही पक्षाने वारकरी आघाडी स्थापन केली आणि त्यावर कुण्या कीर्तन,प्रवचनकार बसवला की पुढे त्याचे प्रस्थ वाढते आणि तो स्वतःला मोठा महंत किंवा मठाधिपती समजायला लागतो. अनुयायी वाढले की मग संघ परिवार,सनातन किंवा अन्य कट्टर संघटनांच्या विचारांचा प्रसार सुरू होतो ,सध्या सगळीकडे तेच झाल्याचे दिसत आहे. वारकरी भोळा असला तरी बावळट नाही,त्याला कोण हभप कसा आहे? हे बरोबर समजते,संतांच्या नावाचा वापर करीत कोण कसले कट्टर विचार पेरतोय यातील कावा आता सामान्य वारकरी ओळखायला लागले आहेत.मात्र वारकरी संप्रदायाची ढाल वापरत संघ,भाजपचा प्रचारक बनलेल्या लोकांना खरे वारकरी म्हणावेत की घुसखोर हे ठरविण्याची वेळ आली आहे. #🔴आजचे ताजे अपडेट्स📰 #👌प्रेरणादायी स्टेट्स #1️⃣महाराष्ट्र अपडेट्स #👌हृदयस्पर्शी फोटो #🏛️राजकारण