🙇🚩 हनुमंत जन्मोत्सवाचा अखंड दिवा रायगडावर लागला.... हळूहळू त्यातील तेल कमी होत तसतसे त्या मध्ये आपल्या भरल्या डोळ्यांनी तेल घालत हनुमंत पुढे पुतळा बाई आपल्या सौभाग्याचं तेज मागत होत्या... छत्रपतींच्या शयनकक्षात हळूहळू अस्मानावर चढणाऱ्या भगव्याचा रंग उधळत निघाला..हळूहळू आता क्षात्रतेजसुर्याचा रंग मात्र अधिकच तेजस्वी दिसायला लागला... तोंडात आपल्या पदराचा बोळा घेऊन रडणार्या सोयराबाई आणि बाजूला हात धरून बसलेल्या लहानग्या राजारामांना बघत ते शरीर एवढेच बोलत होते... " या समयी आम्ही दौलत ती मोठी ठेवून जात आहोत... त्या दौलतीत माणीक नाही, सोने नाही, चांदी नाही किंवा हिरेही नाहीच.... ती दौलत या स्वराज्याची आहे..." आजवर लढणाऱ्या मावळ्यांची... , आम्हाला एकदा शंभुस बघण्याची ती इच्छा पण ते येईपर्यंत कदाचित आम्हास समय नसावा... म्हणून एक बाब त्यास सांगावी... " तुमच्या आबासाहेबांनी तुमच्या साठी शिवधनुष्य ठेवलाय तो स्वराज्य नावाचा तो तुम्हास धरणे ते पुर्ण बळाने...आजवर आम्ही जे काही कमवले ते माणसच आणि ही माणसच आम्हाला छत्रपती बनवून गेली... ही तख्त एका नरसिंह प्रमाणे असतं जे विराचं रक्त मागतं आणि आमच्या विरांनी या तख्तासठी अनेकदा रक्त दिले....ही धन दौलत ती नश्वर आणि माणसे ती खरी दौलत त्यास जपा,न्याय द्या, रुद्र व्हा , तलवार आमचा अलंकार आणि हर हर महादेव आमची वाणी , इथली गवताची पातही समशेर आणि ही भुमी आपलं सर्वस्व..... !! आज आम्ही पुन्हा आमच्या सईस भेटणार तिला मिठी मारून तुमच्या शौर्य आणि धैर्य चे कथन करणार , आमचे बाजी , रायाजी, शिवा , मुरारबाजी, सुर्याजी, प्रतापराव असे अनेक माणसं आमची वाट बघत आहेत...!! एक लक्षात ठेवा शंभु बाळ वर जाताना जी माणसं आम्हास लाभतात तीच पुन्हा परतीच्या मार्गाला सुद्धा असतात.... आम्हास तुमची चिंता आणि जगदंबेवर विश्वास भवानी ती थोर ती जपेल सर्व... मग हळूहळू बोलणारे ओठ शांत झाले जगदंब....जगदंब... पुटपुटले... जगदंबेने आपली परडी उघडली , त्रिशूळ मध्ये ती आत्मा एकरूप व्हायला लागली.... आऊसाहेबांचा चेहरा तेवढा डोळ्यासमोर आला....आणि शिव शिवात सामावला... हनुमंत पुढे पेटलेला दिवा विझला... आणि स्वराज्यधनुष्य वर प्रत्यंचा चढवण्या शंभु सिद्ध झाला.... अक्षय चंदेल , अग्निगंध...✍️ #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩मी शिवबा भक्त #🚩शिवरायांचे भक्त