ఓ మంచి నటుడు,చెప్పుకోదగ్గ కమెడియన్ అయిన ఫిష్ వెంకట్ గారు ఆనారోగ్య కారణాలతో అతి చిన్న వయస్సులో స్వర్గ ప్రాప్తి పొందడం అనేది అత్యంత దురదృష్టకరం!( 18 - 7 - 2026)! - తొలి వర్ధంతిని పురస్కరించుకొని! మనకు మనం జాగ్రత్తగా వుంటూ సంపాదించుకున్న సొమ్మును ఉన్నంతలో పొదుపు చేసుకోవాలి తప్ప ఈ స్వార్థ,బొత్తిగా మానవత్వం అడుగంటిన నేటి సమాజంలో పరులు ఎవరో వచ్చి సహాయం చేయాలనుకోవడం అనేది ఓ అత్యాశ మాత్రమే. అందుకే వున్నప్పుడు ' ఉగాది లేనప్పుడు సంక్రాంతిలా ' మన జీవితాలను చేజేతులారా చెడు వ్యసనాలకు లోను కానించి,బ్రష్టు పట్టించుకుంటే మాత్రం మనల్ని పట్టించుకునే నాథుడు ఎవ్వరూ వుండరు,ముఖ్యంగా ఈ కలి కాలంలో.అందుకే గబ్బర్ సింగ్,హిప్పి,దేశదిమ్మరి,కిడ్నాప్,ఆది,దేవుడు చేసిన మనుషులు,రంగ రంగ వైభవం,గుంటూరు టాకీస్,స్పీడ్ ఉన్నోడు వంటి అనేక చిత్రాలలో నటించి తెలుగు సినిమా ప్రేక్షక మహాశయుల హృదయాలను అలరించిన టాలీవుడ్ సినిమా నటుడు ఫిష్ వెంకట్ గారి విషాద ఉదంతాన్ని చూసైనా చిన్న చిన్న పాత్రలు పోషించే నటులు ఎలాంటి పరిస్థితుల్లో చెడు అలవాట్లకు లోనుకాకుండా,బానిసలు అవ్వకుండా తమ తమ జీవితాలను చక్కదిద్దుకుంటే వారితో పాటు వారి కుటుంబాలు సైతం సుఖ,సంతోషాలతో మరో పది కాలాల పాటు వర్దిల్లుతాయి.లేకపోతే ఫిష్ వెంకట్ గారి మాదిరి తనతో పాటు తన కుటుంబాన్ని సైతం దెబ్బతీసినవారవుతారు.అయితే ఫిష్ వెంకట్ గారు ఏ విధంగా చావును కొనితెచ్చుకున్నారు అనే విషయాన్ని కాస్త పక్కన పెడితే ఆయన పార్టీవ శరీరాన్ని చూసేందుకు తెలుగు సినిమా పరిశ్రమలో ఒక్క పెద్ద నటుడు కూడా రాకపోవడం అత్యంత బాధాకరం.అదే పేరుమోసిన నటులు అయితే ఇలా చేసే వారా అనే విషయం తెలుగు సినిమా పరిశ్రమ పెద్దల వివేకానికే మనం వదిలేద్దాం.జరిగింది ఏదో జరిగిపోయింది కనీసం ఇప్పటికైనా సినిమా పరిశ్రమ పెద్దలు కాస్త మానవతాదృక్పథంతో వ్యవహరించి ఇంటి పెద్దను కోల్పోయి తీవ్ర దుఃఖ సాగరంలో మునిగిపోయి,ఎవ్వరి ఆసరా లేని వారిగా మిగిలిపోయిన ఫిష్ వెంకట్ గారి కుటుంబానికి ఆర్థిక సహాయం చేయాల్సిన గురుతర బాధ్యత మరియు ఫిష్ వెంకట్ గారి కుమారుడికి మంచి సినిమా అవకాశాలు కల్పించాల్సిన కర్తవ్యం తెలుగు సినిమా పరిశ్రమ పెద్దలపై ఎంతైనా వుంది. ఏమైనా పోయినోరు ఇకరారు ఎవరికీ ఎవ్వరూ తోడు అన్న విధంగా తమ కుటుంబానికి అన్ని తానై,ఒక పెద్ద దిక్కుగా నిలిచిన ఒక మంచి నటుడు,కమెడియన్ అయిన ఫిష్ వెంకట్ గారిని కోల్పోయినా ఆ బాధ,తీవ్ర వ్యధ,భరించలేని శోకం వారి కుటుంబానికి మాత్రమే తెలుస్తుంది తప్ప పగవారికి కాదు.ఇతరులు కేవలం వారి కుటుంబం పట్ల కాస్తంతా సానుభూతి చూపడమో లేదా మొసలి కన్నీరు కార్చడమో చేస్తారో తప్ప వారి నుంచి ఆ ఫిష్ వెంకట్ గారి కుటుంబానికి ఒరిగింది ఏమి లేదు.అన్నింటికి మించి పుట్టెడు దుఃఖంలో కూరుకుపోయిన ఈ కష్ట సమయంలో ఫిష్ వెంకట్ గారి కుటుంబానికి ఆ దేవదేవుడే ఏదైనా మార్గం చూపాలని మనమంతా మనసా,వాచ,కర్మణ కోరుకుందాం. ఏదిఏమైన ఫిష్ వెంకట్ గారి విషాదాంతం ఒక్క సినిమా పరిశ్రమకు చెందిన వ్యక్తులకు మాత్రమే కాదు ప్రతి ఒక్కరికి ఓ అతి పెద్ద గుణపాఠం వంటిది అనడంలో ఎలాంటి సందేహం లేదు.ఏమైనా అన్నింటికి మించి మనం జీవించి వున్నప్పుడే మన కుటుంబ సభ్యులకు ఏ తృణమో పణమో మిగల్చడమో లేదా అన్ని అనుకూలంగా వున్నప్పుడే,సంపద సమకూరినప్పుడే మన ఇల్లు చక్కబెట్టుకోవడం వంటి సిద్ధాంతాలకు మనం ఎల్లవేళలా కంకణ బద్దులై ఉండాలి.అప్పుడే మనతో పాటు మన కుటుంబాలు సుఖ సంతోషాలకు కేంద్ర బిందువుగా,కేర్ ఆఫ్ అడ్రస్ గా నిలుస్తాయి అనడంలో ఎలాంటి సందేహం లేదు. అయితే ' పుట్టినవాడు గిట్టకమానడు' అనే నీతి సూత్రం ఒక పచ్చి యదార్థం అయినప్పటికి తాము జీవించి వున్నన్నాళ్ళు మన కుటుంబ సభ్యులను ఏ మాత్రం ఇబ్బందులకు గురి చేయకుండా కంటికి రెప్పలా చూసుకోవాలి.అంతేకాదు ఎప్పుడో ఒకప్పుడు మనం ఈ భూమ్మీద నుంచి శాశ్వత నిష్క్రమణ తీసుకోవడం తథ్యం అనేది ఎంత యదార్థమైన మన తదనంతరం కూడా మన పేరు చిరస్థాయిగా నిలిచిపోయేలా,మన కుటుంబ పేరుప్రతిష్టలు ఇనుమడించేలా,అందరి నోళ్లలో నానేలా మనల్ని మనం మలచుకొని మన జీవితాలకు ఒక గొప్ప చరితార్థికత చేకూర్చుకోవాలి.ఈ కడు బాధాకరమైన సమయాన దివికేగిన ఫిష్ వెంకట్ ఆత్మకు ఆ స్వర్గంలో శాంతి చేకూరాలని తెలుగు సినిమా అభిమానులం అయిన మనమంతా హృదయపూర్వకంగా కోరుకుందాం!ఓం శాంతి!✍️✍️✍️✍️✍️ - బుగ్గన మధుసూదనరెడ్డి,సామాజిక విశ్లేషకుడు,బేతంచెర్ల,నంద్యాల జిల్లా! #తెలుగు
688 views 11 days ago
00:00 00:15
#💕हिंदी रोमांटिक फिल्में🎥 #📻 मनचाहे गीत 🎷 #🤩हीरो हीरोइन👫 #🎥 मूवी सॉन्ग एंड क्लिप #😃 शानदार स्टेटस
26K views 7 days ago
00:00 00:22