🌿 *இன்றைய தேவ வார்த்தை* 🌿 📖 *தேவ வசனம்* *“மோசே தன் கையைச் செங்கடலின்மேல் நீட்டினான்; கர்த்தர் இரவெல்லாம் பலமான கிழக்குக் காற்றினால் கடலைப் பின்வாங்கச் செய்து, கடலை உலர்ந்த நிலமாக்கினார்; தண்ணீர்கள் பிளந்தது.”* — *யாத்திராகமம் 14:21* *“எகிப்தியர் துரத்தினார்கள்; பார்வோனின் குதிரைகளும், ரதங்களும், அவன் குதிரைசேனையும் கடலின் நடுவே அவர்களைப் பின்தொடர்ந்தன.”* — *யாத்திராகமம் 14:23* 🎙️ *செய்தி* இஸ்ரவேல் மக்கள் செங்கடலின் முன் நின்றபோது, முன்புறம் கடல், பின்னால் பார்வோனின் சேனை — மனிதரீதியாக பார்த்தால் தப்பிக்க வழியே இல்லை. ஆனால் தேவன் வழியில்லாத இடத்தில் வழியை ஏற்கனவே உருவாக்கி வைத்திருந்தார். பார்வோன் துரத்தினாலும், தேவன் தமது ஜனங்களுக்கு பாதுகாப்பாக இருந்தார். செங்கடல் அவர்கள் முன் தடையாக இருந்தது; ஆனால் அதே கடல் அவர்களுக்கு இரட்சிப்பின் பாதையாக மாறியது. இன்று உங்கள் வாழ்க்கையிலும் “செங்கடல் அனுபவம்” இருக்கலாம் — முன் பிரச்சனை, பின் துரத்தும் சிக்கல். ஆனால் நினைவில் கொள்ளுங்கள்: 👉 தேவன் உங்களை வெளியே கொண்டு வந்தவர். 👉 அவர் ஆரம்பித்ததை நிறைவேற்றுவார். 👉 எதிரிகள் பின்தொடர்ந்தாலும், அவர்கள் வெற்றி பெறமாட்டார்கள். நீங்கள் அமைதியாக இருங்கள்; கர்த்தர் உங்களுக்காக யுத்தம் செய்வார் (யாத்திராகமம் 14:14). இன்று உங்கள் செங்கடல் அனுபவம் இரட்சிப்பின் சாட்சியாக மாறும்! உங்களை முன்னேற விடாமல் அடிமைப்படுத்த துரத்தும் எதிரியின் சேனைகள் முழுவதும் அழிக்கப்படும்! 🙏 *ஜெபம்:* கர்த்தாவே, வழியேயில்லாத, வழிகளை உருவாக்க சாத்தியமில்லாத சூழ்நிலைகளில் நீர் இரகசிய வழியை உருவாக்கி தருகிற தேவன் என்று நம்புகிறோம். எங்கள் பயத்தை விசுவாசமாக மாற்றி, எங்களைத் துரத்தும் தீய சக்திகளின் மீது, அடிமைபடுத்த நினைக்கும் எதிரிகள் மீதும் வெற்றி கொடுக்குமாறு ஜெபிக்கிறோம். ஆமென். -- ✍️*சகோ சுதாகர் காட்வின்* 🔥*ஹெப்ரான் ஜெப ஊழியங்கள்* #சகோ சுதாகர் காட்வின் #ஹெப்ரான் ஜெப ஊழியங்கள் #பைபிள் #🤞வாழ்த்துக்களுடன் நம்பிக்கை செய்தி🙏