#📙 നോവൽ - മുറ ചെറുക്കൻ...... 🔻 ഭാഗം _25 ✍️രചന - Aysha akbar അന്ന് രാവിലെ ഉറക്കമുണർന്നെഴുന്നേറ്റപ്പോളെന്തോ മൂക്കടയും പോലെ തോന്നി ഇഷാനിക്ക്....... അവൾ പതിയെ മുറിയിൽ നിന്ന് പുറത്തേക്ക് നടന്നു...... ഇന്നലെ പകൽ വല്ലാതെ മഴയുണ്ടായിട്ടില്ല..... പക്ഷെ രാത്രി നിർത്താത്ത മഴയുള്ളത് പോലെ മുറ്റമാകെ നനഞ്ഞിട്ടുണ്ട്..... ഓട്ടിൻ പുറത്ത് നിന്ന് വെള്ള തുള്ളികൾ ഇറ്റി വീഴുന്ന ശബ്ദം നിലച്ചിട്ടില്ല...... മുറ്റത്ത് വീണു കിടക്കുന്ന ഇലകളെല്ലാം മണ്ണിൽ അമർന്നിരിക്കുന്നത് പോലെ....... പൂക്കളെല്ലാം വെള്ളം വീണെന്ന വണ്ണം അവശരായിട്ടുണ്ട്..... പറമ്പിൽ നിന്നോ മറ്റോ വരുന്ന വെള്ളം മുറ്റം കടന്ന് പാടത്തേക്ക് ഒലിച്ചു പോകുന്നുണ്ട്..... ശരീരമാകെ കുളിരുന്നത് പോലെ തോന്നിയവൾക്ക്..... അവളാ നടു മുറ്റത് നിന്ന് കൊണ്ട് ആകാശം കണ്ടു...... കാർ മേഘങ്ങൾ അകന്ന ശേഷം തെളിയാൻ ശ്രമിക്കുന്ന മാനം നോക്കി നിന്നവൾ..... ഹേയ്.... സിൻഡ്രല്ല എഴുന്നേറ്റോ...... ഗോപി അത്‌ ചോദിച്ചതും അവളൊന്നു പുഞ്ചിരിച്ചു..... വാ....വന്നു നല്ല ആവി പാറുന്ന പുട്ട് കടല ക്കറി കൂട്ടിയടിക്കാം..... ഗോപി വീണ്ടും ഒരു താളത്തോടെ അത്‌ പറഞ്ഞപ്പോൾ ഇഷാനി വീണ്ടും ചിരിച്ചു..... ഏറെ വശ്യമായൊരു ചിരി....... ഞാൻ പോയി പല്ല് തേച്ചിട്ട് വരാം..... ആർദ്രമായ പതിഞ്ഞ ശബ്ദത്തിൽ അവളേറെ ഉത്സാഹത്തോടെ അത്‌ പറയുമ്പോൾ ഗോപിക്കവളോടെന്തോ വല്ലാത്തൊരു സ്നേഹം തോന്നിയിരുന്നു..... അല്ലെങ്കിലും ആർക്കും ഇഷ്ടപ്പെടുന്ന തരത്തിലൊരു നൈർമല്യം ഉണ്ടവൾക്ക്... ഇഷാനിയുടേ ശബ്ദമെന്താ ചിലമ്പിച്ചത് പോലെ...... അപ്പുറത്തായി നിന്നിരുന്ന അമ്മുവായിരുന്നു പെട്ടെന്നത് ചോദിച്ചത്.. ശരിയാണല്ലോ.... പനി വല്ലതുമുണ്ടോ..... തനൂജയും അത്‌ ശെരി വെച്ചെന്ന വണ്ണം അവളുടെ കഴുത്തിലൊന്ന് തൊട്ടു നോക്കി.... ശരിയാണല്ലോ..... ചെറിയൊരു മെയ് കാച്ചിലുണ്ടല്ലോ...... തനൂജ അത്‌ പറയുമ്പോഴാണ് ഉള്ളിലെ കുളിരും മൂക്കടപ്പും അതിന്റെതാകുമെന്ന് ഇഷാനിക്ക് തോന്നിയത്..... ഹാ..... എങ്കി സച്ചിവിനോട് മരുന്ന് കൊടുക്കാൻ പറ.... അത്‌ പറഞ്ഞു കൊണ്ടങ്ങോട്ട് വന്നത് മുത്തശ്ശിയായിരുന്നു...... അത്‌ വേണ്ടാ..... അവൾക്കതൊന്നും ശീലമില്ലാത്ത തല്ലെ..... അവനോടൊന്ന് ഹോസ്പിറ്റലിൽ കൊണ്ട് പോകാൻ പറ....... അത്‌ ശെരിയാ..... ഗോപിയത് പറഞ്ഞതും തനൂജയും അത്‌ ശെരി വെച്ചിരുന്നു..... അവനോട് കൊണ്ട് പോകാൻ പറയെന്ന വാക്കിൽ ഇഷാനിയുടെ നെഞ്ചേന്തോ ഒന്ന് പിടച്ചത് പോലെ.... ഉള്ളിലെ കുളിരിലേക്ക് ഒരു ചെറു ചൂട് പടർന്നത് പോലെ.... സച്ചു..... നീ പോകും മുമ്പ് ഇഷാനിയെ കൂട്ടി ഹോസ്പിറ്റലിലോന്ന് പോയി വാ.... അവൾക്ക് ചെറിയൊരു പനിയുണ്ട്.... വെച്ചിട്ടധികമാക്കേണ്ടല്ലോ...... മാറ്റിയൊരുങ്ങി അങ്ങോട്ട് വന്ന സച്ചുവിനോട് തനൂജയത് പറഞ്ഞതും അവനിലൊരു വെപ്രാളം നിറഞ്ഞത് തന്റെ തോന്നലാണോ യെന്ന് ഇഷാനിക്ക് സംശയം തൊന്നി..... ഞാൻ.... ഞാൻ കടയിലേക്ക് പോകുകയാണ്..... സാധങ്ങളിറക്കണം.... സച്ചു മുഖത്ത് നോക്കാതെ അത്‌ പറഞ്ഞതും ഇഷാനിയുടെ മുഖമൊന്നു വാടി..... അതിനിപ്പോ തന്നെ എന്തിനാ ഏട്ടാ...... നീ കടയിക്കൊക്കെ പോയി തിരക്കൊക്കെ കഴിച്ചു വാ... അപ്പോഴല്ലേ ഹോസ്‌പിറ്റലും തുറക്കു.... മുടി ചീകി കൊണ്ട് അങ്ങോട്ട് വന്ന മീനു വത് പറഞ്ഞതും സച്ചു അവളെയൊന്ന് കൂർപ്പിച്ചു നോക്കി.. അവളത് കണ്ടില്ലെന്ന വണ്ണം ഇഷാനിയെ നോക്കിയൊന്ന് കണ്ണ് ചിമ്മിയിരുന്നു .... അത്‌ ശെരിയാ.... നീ പോയി വാ.... അപ്പോഴേക്കും അവളൊരുങ്ങി നിൽക്കും.... തനൂജ അതും കൂടി പറഞ്ഞു കൊണ്ട് പാത്രത്തിലേക്ക് അവന് പുട്ടും കടലയും ഇട്ട് കൊടുക്കുമ്പോഴും അവന്റെ ഉള്ളിലെന്തോ ഒന്ന് അസ്വസ്ഥമാക്കിയിരുന്നു.... അവളുടെ കൂടെ താൻ സമയം ചിലവഴിക്കും തോറും അവളുടെ ഉള്ളിലെ മോഹം കൂടുകയേ യുള്ളൂ എന്നവന് വ്യക്തമായിരുന്നു..... അവൾക്ക് തന്നോട് തോന്നിയ ഇഷ്ടം എന്തിന്റെ പേരിലായാലും അതൊന്നും നടക്കാൻ പോകുന്നില്ലെന്നും ആ വിടർന്ന കണ്ണുകൾ കലങ്ങി മറിയുമെന്നും അവനുറപ്പായിരുന്നു .... അവൾ സങ്കടപ്പെടുമെന്ന ചിന്തയിൽ അവന്റെ നെഞ്ചിലെന്തോ ഒരു ഭാരം തിങ്ങി നിന്നു...... ഒക്കെ കൂടി ഓർക്കും തോറും അവന് കഴിച്ചിട്ടിറങ്ങുന്നില്ലായിരുന്നു........ അവൻ പാതിക്ക് വെച്ചു കൊണ്ട് അവിടെ നിന്ന് നടക്കുമ്പോൾ ഇഷാനി അവനെ തന്നെ നോക്കി നിന്നു....... ഡാഹ്.... കഴിച്ചിട്ട് പോടാ.... കടയിൽ സാധനങ്ങൾ വന്നിട്ടുണ്ടാവും..... തനൂജ പിറകിൽ നിന്നത് പറയുമ്പോൾ നടക്കുന്നതിനിടയിൽ അവനത് മാത്രം വിളിച്ചു പറഞ്ഞു....... മോള് ചായയൊക്കെ കുടിച് ഒരുങ്ങിക്കോ..... കടയിലെ സാധനങ്ങളിറക്കി കഴിഞ്ഞാൽ ഉടനെ അവൻ വരും....... തനൂജ ഇഷാനിക്ക് നേരെ തിരിഞ്ഞത് പറഞ്ഞതും അവളുടെ കണ്ണുകൾ വല്ലാതെ വിടർന്നു.... അവന്റെ കൂടെയാണ് താൻ പോകുന്നത്...... സന്തോഷം കൊണ്ടവളുടെ മനസ്സ് നിറഞ്ഞു തുളുമ്പി...... ഹൃദയത്തിൽ പറഞ്ഞറിയിക്കാൻ പറ്റാത്തോരു പിടപ്പ്.... അവൾ വേഗം ചായ കുടിച്ചു.......... ചൂട് വെള്ളം തലയിലൊഴിച്ചോന്ന് കുളിക്കുമ്പോഴും അതൊന്നും ഉള്ളിലെ കുളിരിനെ ചൂട് പിടിപ്പിക്കാൻ കഴിവുള്ളതായിരുന്നില്ല..... അവൾ ഡ്രസ്സ്‌ മാറാനായി മുറിയിലേക് ചെല്ലുമ്പോൾ സ്കൂളിലേക്ക് പോകാൻ ഒരുങ്ങി നിൽക്കുകയാണ് മീനു...... ടൈം ടേബിൾ നോക്കി വെക്കുന്ന മീനു ഇഷാനിയെ കണ്ട് അവൾക്ക് നേരെയൊന്ന് തിരിഞ്ഞു..... ഇന്ന് നിങ്ങളുടെ ഫസ്റ്റ് ഡേറ്റ് ആണല്ലേ...... മീനു ഒരു കുസൃതി ചിരിയോടെ അത്‌ ചോദിച്ചതും ഇഷാനിയുടെ കണ്ണുകൾ നാണം കൊണ്ട് വിടർന്നു.... അവളൊരു ചിരിയോടെ തല താഴ്ത്തി........ ഓഹ്.... പെണ്ണിന്റെ നാണം കണ്ടാൽ തോന്നും പോകുന്നത് ബീച്ചിലേക്കോ പാർക്കിലേക്കോ ആണെന്ന്..... ഹോസ്പിറ്റലിലേക്കല്ലേ പോകുന്നത്..... മീനു അല്പം പുച്ഛം കലർത്തിയത് പറയുമ്പോഴും ഇഷാനിയുടെ മുഖത്തെ പുഞ്ചിരി ക്കോട്ടും കോട്ടം സംഭവിച്ചിരുന്നില്ല..... എവിടേക്ക് പോകുന്നു എന്നതിലല്ലല്ലോ സന്തോഷം..... ആരുടെ കൂടെ പോകുന്നു എന്നതിലല്ലെ...... അവളൊരു ചിരിയോടെ അത്‌ പറയുമ്പോൾ മീനു അവളെ അമ്പരല്ലോടെ നോക്കി.... അങ്ങനെയൊന്നും പറയാത്തവളാണ്........ ഉള്ളിലെ സന്തോഷത്തിൽ നിന്നാവും അവളങ്ങനെ പറഞ്ഞതെന്ന് മീനുവിന് തോന്നി..... അവൾക്ക് ചിറി വന്നു പോയിരുന്നു... ഓഹ്..... നടക്കട്ടെ.... നടക്കട്ടെ....... മീനു അവളുടെ തോളിലൂടെ കയ്യിട്ട് കൊണ്ടത് പറയുമ്പോൾ രണ്ട് പേരും ഒരു പോലെ ചിരിച്ചിരുന്നു.... ഇഷാനി..... ഒരുങ്ങിക്കോ .. അവനൊരു പത്തു മിനുട്ടിനുള്ളിൽ വരുമെന്ന് പറഞ്ഞു വിളിച്ചിട്ടുണ്ട്...... മുറിയുടെ വാതിൽ പടിയിൽ വന്ന് നിന്ന് കൊണ്ട് അമ്മുവത് പറയുമ്പോൾ ഇഷാനിയുടെ കണ്ണുകൾ വിടർന്നു... അവൾ മീനു വിനെ യൊന്നു നോക്കി.... അവൾ കണ്ണുകൾ കൊണ്ട് ചിരിച്ചോന്ന് കാണിച്ചു..... ഇഷാനി അവളുടെ സ്യൂട്ട് കേസിലെ ഡ്രെസ്സുകളിൽ നിന്നോരോന്നെടുത്തു നോക്കി..... ഏതിടണം എന്ന കൺഫ്യൂഷനിൽ അവൾ മീനുവിന് നേരെയും നീട്ടി.... മീനു ഓരോന്നും നോക്കുന്നുണ്ട്..... ഇത് മതി..... അവളൊരു ഗ്രെ കളർ ചുരിദാറെടുത് പറയുമ്പോൾ ഇഷാനിയുടെ കണ്ണുകൾ മറ്റെന്തിലോ ഒന്ന് തറഞ്ഞു നിന്നിരുന്നു.... ദേ..... ഞാനതിട്ടാലോ.... അയയിൽ വിരിച്ചിട്ട മീനു വിന്റെ ദാവണിയിലേക്ക് ചൂണ്ടി ഇഷാനിയത് ചോദിക്കുമ്പോൾ മീനുവും അങ്ങോട്ട് നോക്കി...... നിനക്ക് ഇഷ്ടമാണെങ്കിൽ നീയിട്ടോ..... അതിനെന്താ....... മീനു ചിരിയോടെ പറഞ്ഞതും ഇഷാനി അതെടുത്തു.... അവൾക്ക് ഡ്രസ്സ്‌ ചേഞ്ച്‌ ചെയ്യാനെന്ന വണ്ണം മീനു മുറിയിൽ നിന്ന് മാറി കൊടുത്തു.... അൽപ സമയം കഴിഞ്ഞ് അവളാ മുറിയുടെ വാതിൽ തുറന്നതും ഒരു നിമിഷം മീനു അവളെ തന്നെ നോക്കി നിന്നു പോയിരുന്നു........ അത്ര മേൽ കത്തി നിൽക്കത്തക്ക ഒരു ഭംഗി അവൾക്കുണ്ടായിരുന്നു... അതിലേറെ അവളങ്ങനെയുള്ള ഡ്രെസ്സൊന്നും ഇട്ട് കണ്ടിട്ടില്ലാത്തതിലെ പുതുമയുമുണ്ടായിരുന്നു .. കടും ചുവപ്പ് പട്ടു പാവാടയും ജാക്കറ്റുമിട്ട അവളുടെ കയ്യിലതിന്റെ ബാക്കിയെന്നോണമുള്ള ആ കരിം പച്ച ഹാഫ് സാരി അവൾ പിടിച്ചിട്ടുണ്ടായിരുന്നു.. ഇതെങ്ങനെയാ മീനു... അവളതും തെരുപ്പിടിച്ചു കൊണ്ട് ചോദിച്ചപ്പോഴാണ് മീനു അവളിൽ നിന്നൊന്ന് കണ്ണെടുത്തത്.... അവളത് വളരെ ഭംഗിയിൽ ഉടുത്തു കൊടുത്തു...... അവളുടെ ആകാര വടിവിനോട് ആ വേഷം ചേർന്നു നിന്നു....... പുതിയ കാര്യം ചെയ്യുന്നതിന്റെ എല്ലാ കൗതുകത്തോടെയും സന്തോഷത്തോടെയും അവള തിന് നിന്ന് കൊടുക്കുമ്പോൾ മീനുവിന്റെ ചുണ്ടിലും ഒരു ചിരിയുണ്ടായിരുന്നു..... ഒരുങ്ങി കഴിഞ്ഞ് കണ്ണാടിയിലേക്ക് തിരിച്ചു നിർത്തിയതും അവൾ തന്നെ ഒന്നമ്പരന്നു പോയിരുന്നു....... അവളുടെ കണ്ണുകൾ വല്ലാതെ വിടർന്നു..... അമ്മയോട് നമുക്ക് നില വിളക്കെടുക്കാൻ പറഞ്ഞാലോ...... അവൾക്ക് പിറകിൽ നിന്ന് കണ്ണാടിയിലൂടെ തന്നെ അത്‌ ചോദിക്കുമ്പോൾ നാണം കൊണ്ട് കുഴിഞ്ഞ് പോയിരുന്നവളുടെ കവിളുകൾ........ മിനുസമേറിയ മുടിയവൾ കുളി പിന്നൽ കെട്ടി വെച്ചു..... വിടർന്ന കണ്ണുകളിൽ മീനു ചെറുതായോന്ന് കരി മഷിയിട്ട് കൊടുത്തപ്പോഴേക്കും മുറ്റത് നിന്ന് ബുള്ളറ്റിന്റെ ഹോൺ കേട്ടിരുന്നു.... ആ ഹോൺ മുഴങ്ങുകുന്നത് തന്റെ നെഞ്ചിലാണെന്നൊരു വേള തോന്നി പ്പോയിരുന്നു ഇഷാനിക്ക്...... ഏട്ടൻ വന്നല്ലോ.... വേഗം ചെല്ല്...... മീനു പറഞ്ഞതും ഇഷാനി വേഗം പുറത്തേക്ക് നടന്നു.... മുറിയിൽ നിന്ന് ഉമ്മറത്തേക്ക് വന്ന ഇഷാനിയെ കണ്ട് എല്ലാവരും ഒന്ന് ഞെട്ടിയിരുന്നു....... ആക്‌സിലേറ്ററിൽ തന്നെ കൈ വെച്ചു കൊണ്ട് ഒന്ന് തിരിഞ്ഞപ്പോഴാണ് സച്ചുവും അവളെ കാണുന്നത്..... ചുവപ്പും പച്ചയും നിറമുള്ള ആ രൂപത്തിലേക്ക് മാത്രമായി ഒരു നിമിഷം അവന്റെ കണ്ണുകൾ ചുരുങ്ങി..... അവൾ സുന്ദരിയെന്നത് ശെരി തന്നെയെങ്കിലും ഈ വേഷത്തിൽ അവൾ കൂടുതൽ തിളങ്ങും പോലെ..... നഗരത്തിൽ ജനിച്ചു വളർന്ന ഒരു പെൺകുട്ടിയുടെ ധൈര്യമോ ആത്മ വിശ്വാസമോ ഒന്നും പൊതുവെ ആ കണ്ണുകളിലില്ല..... പകരം എപ്പോഴും തളം കെട്ടി നിൽക്കുന്ന ഒരു തരം നിഷ്കളങ്കത മാത്രമാണ്.... ഒരു തരം ഇൻസെക്യൂരിറ്റി..... അതൊരു പക്ഷെ അവളുടെ വീട്ടുകാർ ഉണ്ടാക്കിയെടുത്ത ഒരു ചട്ട കൂടാണോ യെന്ന് അവനു സംശയം തോന്നിയിരുന്നു.... ആഹാ.... നല്ല സുന്ദരിയായിട്ടുണ്ടല്ലോ.... തനൂജ അതും പറഞ്ഞു കൊണ്ട് അവളെ കെട്ടിപ്പിടിച്ചു... മുത്തശ്ശിയുടെ കണ്ണുകളും അവളെ കണ്ടെന്ന പോൽ വല്ലാതെ വിടർന്നിട്ടുണ്ട്..... അമ്മുവും അതിശയത്തോടെ അവളെ നോക്കുകയാണ്.... അവളൊരു ചെറു ചിരിയോടെ അവർക്കിടയിൽ നിൽക്കുമ്പോഴാണ് പെട്ടെന്നവനൊന്ന് ഹോൺ അടിച്ചത്...... അത് കേട്ടതും അവൾ കണ്ണുകൾ നീക്കി മുറ്റത്തേക്കൊന്നു നീക്കി... അപ്പോഴാണ് വല്ലാത്തൊരു ഭാവത്തോടെ തന്നെ നോക്കി മുറ്റത്തെ ബൈക്കിലിരിക്കുന്ന വനെ അവൾ കാണുന്നത്.... ഹോർണടിക്കുമ്പോഴും അവന്റെ കണ്ണുകൾ തന്നിൽ പതിഞ്ഞിരിപ്പാണ്..... കണ്ണു നിറച്ചുള്ള അവന്റെ യാ നോട്ടത്തിൽ അവളും ഒന്നുലഞ്ഞു പോയിരുന്നു..... എങ്കി വൈകിക്കേണ്ട വേഗം പോയി വരു....... മുത്തശ്ശി അത്‌ പറഞ്ഞതും അവൾ അവനടുത്തേക്ക് നടക്കുമ്പോൾ ഹൃദയം വല്ലാതെ പിടിക്കുന്നത് അവളറിഞ്ഞു..... അവൾ പതിയെ അവന് പിറകിലായി കയറിയിരുന്നതും അവൻ ബൈക്ക് സ്റ്റാർട്ട്‌ ചെയ്തിരുന്നു....... എല്ലാവരും തങ്ങളെ നോക്കിയാണ് നിൽക്കുന്നതെന്ന് തിരിച്ചറിവിൽ അവൻ പതിവ് ഗൗരവം മുഖത്തണിഞ്ഞു..... അവനെ പിടിച്ചിരുന്നോ.... അല്ലെങ്കിൽ വീഴും..... അവനാ ബോധമൊന്നുമല്ല..... ഗോപി സച്ചു വിനെ കളയാക്കിയെന്ന് വണ്ണം അത്‌ പറഞ്ഞപ്പോൾ അവൻ അയാളെ കണ്ണുകൾ കൂർപ്പിച്ചോന്ന് നോക്കി..... അവളാ നീളൻ വിരലുകൾ അല്പം മടിയോടെ തന്നെ അവന്റെ തോളിലേക്ക് വെച്ചു...... മനസ്സെന്തോ ഒരു നിറഞ്ഞ അനുഭൂതി യുടെ അകമ്പടിയോടെ മിടിക്കുന്നത് അവനുമറിഞ്ഞു..... അത്‌ വരെയുണ്ടായിരുന്ന ആവലാതികളെല്ലാം മനസ്സിന്റെ ഒരു കോണിലേക്ക് നീങ്ങി പോയത് പോലെ...... അവരാ പടി കടന്ന് പോകുന്നത് നോക്കി ഉമ്മറത് എല്ലാവരുമുണ്ടായിരുന്നു..... ഹാ....... നേരെ ചൊവ്വേ ആയിരുന്നെങ്കിലിപ്പോ അവരെയങ് ചേർത്ത് വെച്ചാൽ മതിയായിരുന്നു..... എന്താ ഒരു ചേർച്ച..... അവർ പോയ വഴിയേ നോക്കി മുത്തശ്ശി നെടു വീർപ്പോടെ അത്‌ പറയുമ്പോൾ ഒരു നിമിഷം എല്ലാവരുടെ മനസ്സിലും അത്‌ തന്നെയായിരുന്നു........ തനൂജയും അതാത്രയേറെ ആഗ്രഹിക്കുന്നു എന്നത് കൊണ്ട് തന്നെയാവും നടക്കില്ലെന്ന ബോധ്യത്തോടെ മുഖമൊന്നു മാറിയത്.... ആയ്..... ഇത് അമ്മയുടെ ആ പഴയ കാലമൊന്നുമല്ല.....മുറ ചെറുക്കനും മുറ പെണ്ണും കെട്ടാൻ......ഇപ്പോഴത്തെ കുട്ടികളൊക്കെ വിവരവും വിദ്യാഭ്യാസ വുമുള്ളവരല്ലെ.... അവർക്കറിയാം അവരുടെ പങ്കാളിയെ തിരഞ്ഞെടുക്കാൻ...... അമ്മ യിനി അതോർത്തിനു ബീ പി കൂട്ടേണ്ട......... ഗോപി അവരെ ആശ്വാസിപ്പിക്കാനെന്ന വണ്ണം അതും പറഞ്ഞു നിർത്തുമ്പോൾ ആ മുറ്റത്തേക്കൊരു കാറ് വന്നു നിന്നിരുന്നു..... അതിൽ നിന്നിറങ്ങിയ ഗായത്രിയെ കണ്ട് ഒരു നിമിഷം എല്ലാവരും തറഞ്ഞു നിന്നു....... (തുടരും) Aysha Akbar #📔 കഥ