#😯ભારત-પાકિસ્તાન મેચ નહીં રમાય, ટી-20 વર્લ્ડ કપમાં ભારત અને પાકિસ્તાન વચ્ચે 15 ફેબ્રુઆરીએ મેચ નહીં થાય. પાકિસ્તાન સરકારે રવિવાર સાંજે આ મેચના બોયકોટનું એલાન કર્યું. બંને ટીમો ગ્રુપ સ્ટેજમાં કોલંબોમાં એકબીજા સામે ટકરાવાની હતી. જોકે, અત્યાર સુધી એ નક્કી નથી કે જો નોકઆઉટમાં ભારત સામે આવ્યું તો પાકિસ્તાન મેચ રમશે કે નહીં?.ઇન્ટરનેશનલ ક્રિકેટ કાઉન્સિલ (ICC) એ 24 જાન્યુઆરીએ બાંગ્લાદેશની જગ્યાએ સ્કોટલેન્ડને ટૂર્નામેન્ટમાં એન્ટ્રી આપી હતી. ICC ના આ ફેંસલાના વિરોધમાં પાકિસ્તાને ભારત વિરુદ્ધ મેચનો બોયકોટ કરી દીધો. જે બાદ ICC એ પાકિસ્તાન ક્રિકેટ બોર્ડ (PCB) ને પોતાના ફેંસલા પર ફરીથી વિચાર કરવા માટે કહ્યું છે.પાકિસ્તાને રવિવારે જાહેરાત કરી કે તે T20 વર્લ્ડ કપ 2026માં ભાગ લેશે, પરંતુ ભારત સામેની મેચનો બહિષ્કાર કરશે. પાકિસ્તાન સરકારે આ નિર્ણય ઇન્ટરનેશનલ ક્રિકેટ કાઉન્સિલ (ICC) દ્વારા બાંગ્લાદેશને ટુર્નામેન્ટમાંથી હટાવ્યા બાદ લીધો છે, બાંગ્લાદેશ સરકારે ભારતમાં રમવા અંગે સુરક્ષા ચિંતા વ્યક્ત કરી હતી. સરકારે X પર એક પોસ્ટમાં જણાવ્યું હતું કે, "ઇસ્લામિક રિપબ્લિક ઓફ પાકિસ્તાનની સરકાર, પાકિસ્તાન ક્રિકેટ ટીમને ICC વર્લ્ડ T20 2026માં ભાગ લેવાની મંજૂરી આપે છે....જોકે, પાકિસ્તાન ક્રિકેટ ટીમ 15 ફેબ્રુઆરી 2026ના રોજ ભારત સામે રમાનારી મેચમાં મેદાન પર ઉતરશે નહીં.પાકિસ્તાન ક્રિકેટ બોર્ડ (PCB)ના ચીફ મોહસિન નકવીએ સોમવાર, 26 જાન્યુઆરીએ વડાપ્રધાન શાહબાઝ શરીફ સાથે મુલાકાત કરી હતી. આ મિટિંગમાં પાકિસ્તાનના વર્લ્ડ કપમાં સહભાગી થવા અને ભારત સામેના મુકાબલા અંગે ચર્ચાઓ થઈ હતી. નકવીએ કહ્યું હતું કે શુક્રવાર કે સોમવાર સુધીમાં અંતિમ નિર્ણય લેવામાં આવશે. હવે રવિવારે સરકારે આ અંગે નિર્ણય લઈ લીધો છે.બહિષ્કાર પછી પાકિસ્તાન અને ભારતની ટીમ ગ્રુપ સ્ટેજમાં 3-3 મેચ જ રમશે. પાકિસ્તાન 7 ફેબ્રુઆરીએ નેધરલેન્ડ્સ, 10 ફેબ્રુઆરીએ અમેરિકા અને 18 ફેબ્રુઆરીએ નામિબિયા સામે ટકરાશે. બીજી તરફ ટીમ ઈન્ડિયા 7 ફેબ્રુઆરીએ અમેરિકા, 12 ફેબ્રુઆરીએ નામિબિયા અને 18 ફેબ્રુઆરીએ નેધરલેન્ડ્સ સામે ટકરાવાની છે.T20 અને વન-ડે વર્લ્ડ કપમાં પાકિસ્તાનનો ભારત સામેનો રેકોર્ડ ઘણો ખરાબ રહ્યો છે. T20 વર્લ્ડ કપમાં બંને ટીમ વચ્ચે અત્યાર સુધી 8 મુકાબલા થઈ ચૂક્યા છે. ભારતે 7 અને પાકિસ્તાને માત્ર 1 વાર જીત મેળવી છે. વન-ડે વર્લ્ડ કપમાં બંને વચ્ચે અત્યાર સુધી રમાયેલી તમામ 8 મેચ ભારતે જીતી છે. #🔥 બિગ અપડેટ્સ #તાજા સમાચાર #આજના સમાચાર #🏏 ક્રિકેટ હાઈલાઈટ્સ