આજના સમાચાર

#😯દરિયામાંથી 200 કિલોનું ડ્રગ્સ જપ્ત, ઈરાનનો ડ્રગ્સ સ્મગલર હાજી ફિદાએ મોકલેલો આશરે 200 કિલોનો શંકાસ્પદ કેમિકલનો જથ્થો અબ્દુલ મજીદ અને અબ્દુલ સત્તાર નામના બે શખ્સ ઈરાનના કોનારક બંદરેથી બોટમાં ભરી નીકળ્યા હતા.15-16 ફેબ્રુઆરી દરમિયાન પોરબંદરથી આશરે 140 નોટીકલ માઇલ દૂર IMBL નજીક ગુજરાત ATS-કોસ્ટ ગાર્ડે સંયુક્ત ઓપરેશન કરી સ્પીડ બોટમાં લવાયેલા શંકાસ્પદ કેમિકલના જથ્થાને જપ્ત કરી લીધો હતો. બલૂચી બોલતા 2 શખ્સ ઈરાનથી સ્પીડ બોટમાં ડિલિવરી કરવા આવ્યા હતા અને પંજાબનો શખ્સ ડિલિવરી લેવાનો હતો, પરંતુ તે પહેલાં જ ગુજરાત ATS અને કોસ્ટ ગાર્ડે તેમને ઝડપી લીધા હતા.DIG ગુજરાત ATSના DIG સુનીલ જોશીએ જણાવ્યું હતું કે SP કે.કે.પટેલને બાતમી મળી હતી કે સ્પીડ બોટથી ડ્રગ્સની ડિલિવરી પંજાબમાં થવાની છે. બાતમી મળતાં જ એક ટીમ બનાવી કોસ્ટ ગાર્ડની મદદ લેવાઈ હતી.‘ઈરાનથી સ્પીડ બોટમાં 2 શખસ ડિલિવરી માટે આવ્યા’ લાંબો સમય રાહ જોયા બાદ સ્પીડ બોટમાં 2 શખસ આવ્યા હતા. ઈરાનથી સ્પીડ બોટમાં આવ્યા હતા. સ્પીડ બોટમાં ક્યારેય ડિલિવરી માટે આવતા નથી. તપાસતાં 203 પેકેટ બોરમાંથી મળ્યાં હતાં. ‘આરોપી બલૂચી ભાષા બોલે છે’ કયુ ડ્રગ્સ છે એ ડિટેક્ટ થયું નથી. આરોપી પાસેથી મળેલા ફોનમાંથી ડેટાની તપાસ કરવામાં આવી રહી છે. આરોપી બલૂચી ભાષા બોલે છે. સ્પીડ બોટમાં આવવું ડેરિંગ કહેવાય. પંજાબનો શખસ ડિલિવરી લેવાનો હતો.‘બોટમાં 3-4 દિવસ ચાલે એટલો સામાન હતો’ 140 માઇલ દૂર દરિયામાં ઓપરેશન કર્યું હતું. બોટની બનાવટ ઈરાનની છે. બોટમાં એક્સ્ટ્રા ડીઝલ પણ હતું, ખાવાની વસ્તુઓ પણ હતી. 3-4 દિવસ ચાલે એટલો સામાન હતો. ‘મોટી બોટ પકડાય એટલે નાની બોટમાં આવ્યા હતા’ પોરબંદરમાં અગાઉ 2 વખત સ્પીડ બોટ આવી હતી, જેમાં 6 શખસ હતા. ઈરાનથી એક શખસ ગેરકાયદે રીતે આવ્યો હતો. મોટી બોટ પકડાઈ જાય એટલે નાની બોટમાં આવ્યા હતા.ગુજરાતના દરિયામાં ડ્રગ્સની ભરતી ગુજરાતનો દરિયાકિનારો 1600 કિલોમીટર જેટલો લાંબો છે. આ દરિયાકાંઠે છેલ્લા ઘણા સમયથી ડ્રગ્સની ભરતી વધી ગઇ છે. ડ્રગ્સની હેરાફેરી માટે ગુજરાતનો દરિયાકિનારો સિલ્કરૂટ બની ગયો છે, પણ આ દરિયાનો ઉપયોગ વધી ગયો ઓના તાર સીધા શ્રીલંકા અને અફઘાનિસ્તાન સાથે જોડાયેલા છે.ગુજરાતનો દરિયો ડ્રગ્સની તસ્કરીનો સિલ્કરૂટ કેવી રીતે બન્યો? 2019માં શ્રીલંકામાં ડ્રગ્સ ગુનામાં ચાર આરોપીને ફાંસીની સજા આપવામાં આવી. શ્રીલંકામાં 43 વર્ષ બાદ ડ્રગ્સના તસ્કરોને ફાંસી મળતાં આંતરરાષ્ટ્રીય ડ્રગ્સ કાર્ટેલ હચમચી ગઈ અને તેણે અલગ રૂટ તરફ નજર દોડાવી. આમાં તેની નજર ગુજરાત પર પડી અને ત્યારથી અફઘાનિસ્તાન અને પાકિસ્તાનથી આવતાં ડ્રગ્સના મધ્ય, ઉત્તર તથા પૂર્વ એશિયાના દેશોમાં જમીનમાર્ગે હેરફેર માટે ગુજરાત એપી સેન્ટર બની ગયું.શ્રીલંકામાં સત્તાપરિવર્તન થયું ને ગુજરાત ડ્રગ્સનું એપી સેન્ટર બન્યું ગુજરાતના 1600 કિ.મી. લાંબા દરિયાકાંઠાનો ઉપયોગ ડ્રગ્સ ઘુસાડવા કરાઈ રહ્યો છે, એમાં વિદેશનો ઘટનાક્રમ મોટા ભાગે જવાબદાર છે. ગુજરાતમાં આવતું ડ્રગ્સ પહેલાં દરિયાઈ માર્ગે શ્રીલંકા થઈને ઓસ્ટ્રેલિયા તેમજ યુરોપ સુધી જતું હતું, પરંતુ 2019માં શ્રીલંકામાં સરકાર બદલાઈ અને મૈત્રીપાલ સિરિસેના રાષ્ટ્રપ્રમુખ બન્યા. તેમણે ડ્રગ્સના દૂષણને ડામવા ત્યાંની નેવીને દરિયામાં આવતાં ડ્રગ્સ પર નજર રાખવા છૂટોદોર આપ્યો. એટલું જ નહીં, 26 જૂન, 2019ના રોજ સિરિસેનાએ ડ્રગ્સ કેસમાં ચાર તસ્કરોને ફાંસીની સજા પર હસ્તાક્ષર કર્યા. શ્રીલંકાના ઇતિહાસમાં 43 વર્ષ બાદ કોઈ આરોપીને અપાયેલી ફાંસીની સજા હતી. ત્યારથી ડ્રગ્સમાફિયા સેફ ડિલિવરી ઝોન શોધતા હતા, તેમાં તેમની નજર ગુજરાતના 1600 કિમી લાંબો દરિયાકિનારા પર પડી. #તાજા સમાચાર #🗞️ ગુજરાત અપડેટ્સ #આજના સમાચાર #🔥 બિગ અપડેટ્સ

#⛈️અનેક જિલ્લાઓમાં માવઠાંનો માર, એક બાજુ શિયાળાની વિદાય થઇ રહી છે અને દિવસ દરમિયાન પારો ઉચકાઈ રહ્યો છે, ત્યારે રાજ્યના હવામાનમાં પલટો જોવા મળી રહ્યો છે. આજે વહેલી સવારે રાજ્યના પંચમહાલના ભાગોમાં કમોસમી વરસાદ પડતાં ખેડૂતો ચિંતાતૂર બન્યા છે. ગોધરા શહેર સહિત ઘોઘંબાના પૂર્વ વિસ્તારમાં વહેલી સવારે કમોસમી વરસાદ પડ્યો છે. બે દિવસથી જિલ્લામાં વાદળછાયું વાતાવરણ સર્જાયું હતું, તે દરમિયાન આજે વહેલી સવારે કમોસમી વરસાદી ઝાપટું પડ્યું છે. કમોસમી વરસાદી ઝાપટાને લઈને વાતાવરણમાં ઠંડક પ્રસરી છે.બીજી બાજુ, અંબાજી પંથકના વાતાવરણમાં એકાએક પલટો જોવા મળી રહ્યો છે. વહેલી સવારથી જ આકાશમાં વાદળો છવાયા છે. વાતાવરણમાં પણ ઠંડીનો અહેસાસ થઇ રહ્યો છે. જો કમોસમી વરસાદ પડે તો ઘઉંના પાકને ભારે નુકસાન થવાની ભીતિ છે. વાતાવરણમાં પલટો થતાં ખેડૂતોને જીવ તાળવે ચોંટ્યા છે.રાજ્યમાં ફેબ્રુઆરી મહિનાના મધ્ય ભાગથી જ ઠંડી ગાયબ થઇ ગઇ છે. ધીમે-ધીમે તાપમાનનો પારો વધી રહ્યો છે. હાલના સમયમાં જ રાજ્યના કેટલાક વિસ્તારોમાં મહત્તમ તાપમાન 35 ડિગ્રી સુધી નોંધાઈ રહ્યું છે. જોકે, આ દરમિયાન આજે સવારે રાજ્યના અમુક ભાગોના વાતાવરણમાં પલટો જોવા મળ્યો છે. જેના પગલે ખેડૂતો પણ ચિંતામાં મૂકાયા છે. નોંધનીય છે કે, હવામાન નિષ્ણાતોએ આગામી સમયમાં માવઠાની આગાહી વ્યક્ત કરી હતી.નોંધનીય છે કે, રાજ્યના હવામાનને લઇને નિષ્ણાત અથ્રેયા શેટ્ટીનું અનુમાન સામે આવ્યું છે. તેમના જણાવ્યા અનુસાર, રાજ્યમાં ફરી માવઠાની આશંકા જોવા મળી રહી છે. 19 ફેબ્રુઆરી સુધીમાં માવઠાની આશંકા છે. હવામાન નિષ્ણાત અથ્રેયા શેટ્ટીના અનુમાન પ્રમાણે, ઉત્તર ગુજરાતમાં માવઠાની સંભાવના છે. જ્યારે કચ્છ અને સૌરાષ્ટ્રમાં ધુમ્મસની આગાહી છે.હવામાન નિષ્ણાત અંબાલાલ પટેલે જણાવ્યું કે, 18 ફેબ્રુઆરીએ બંગાળના ઉપસાગરમાં એક લો પ્રેશર બનવાની શક્યતાઓ રહેશે. જેમાંથી વેલ માર્ક લો પ્રેશરમાં પરિવર્તિત બનવાની શક્યતા રહે. તેનો ભેજ અરબી સમુદ્રમાં આવે તો હલચલ જોવા મળે. સૌરાષ્ટ્ર, દક્ષિણ ગુજરાત દરિયાકાંઠાના ભાગોમાં કંઈક અંશે અસર થઈ શકે. અંબાલાલના મતે, 25થી 28 ફેબ્રુઆરીમાં દક્ષિણ ગુજરાતના ભાગો આહવા, વલસાડ, નવસારી અને સુરતના ભાગોમાં અસર થવાની શક્યતા. સૌરાષ્ટ્રના દરિયાકાંઠાના વિસ્તારોમાં ક્યાંક ક્યાંક તેની અસર થઈ શકે. વાદળછાયું વાતાવરણ અથવા કમોસમી વરસાદની શક્યતા રહે. ઉત્તર ગુજરાત અને મધ્ય ગુજરાતના ભાગોમાં પણ વાદળવાયુ કે કંઈક છાંટા પડી શકે. #🌦️ હવામાન અપડેટ્સ #🗞️ ગુજરાત અપડેટ્સ #🔥 બિગ અપડેટ્સ #આજના સમાચાર

AD #bjpindia

#😱ચાલુ મેચમાં 14 રાઉન્ડ ફાયરિંગ, CCTV, અમેરિકાના રોડ આઇલેન્ડમાં સોમવારે બપોરે હાઈસ્કૂલ હોકી મેચ દરમિયાન ગોળીબાર થયો હતો. પોલીસના જણાવ્યા અનુસાર, આ હુમલામાં હુમલાખોર સહિત 2 લોકોનાં મોત થયાં છે. અન્ય ત્રણ લોકોની હાલત ગંભીર છે. ઘટના બપોરે લગભગ 2:30 વાગ્યે બની હતી. પોલીસ પ્રમુખ ટીના ગોન્કાલ્વેસે તેને 'ટાર્ગેટ હુમલો' ગણાવ્યો છે. પ્રારંભિક માહિતી અનુસાર, આ મામલો પારિવારિક વિવાદ સાથે સંબંધિત હોઈ શકે છે, જોકે હેતુ હજુ સ્પષ્ટ નથી.પોલીસ પ્રમુખ ટીના ગોન્કાલ્વેસે પ્રેસ-કોન્ફરન્સમાં જણાવ્યું હતું કે બંને ટીમો સિનિયર નાઇટની ઉજવણી કરી રહી હતી ત્યારે ગોળીબાર શરૂ થયો. મેદાનમાં બે ટીમ સામસામે હતી. આ ટીમોમાં આસપાસની ઘણી શાળાઓના ખેલાડીઓ સામેલ હતા. ઘટનાસ્થળે અફરાતફરી મચી ગઈ હતી. મેયર ડોનાલ્ડ આર. ગ્રેબિયને આ ઘટનાને ખૂબ જ ભયાનક અનુભવ ગણાવી. તેમણે કહ્યું, 'આ હાઈસ્કૂલનાં બાળકો હતાં, પરિવારો તેમની સાથે મેચ જોઈ રહ્યા હતા. ખુશીનો માહોલ અચાનક ડર અને દહેશતમાં બદલાઈ ગયો.' ફોક્સ ન્યૂઝ અનુસાર, રોડ આઇલેન્ડમાં એક હોકી ગેમ દરમિયાન એક વ્યક્તિએ કથિત રીતે તેની પત્નીની હત્યા કરી અને તેનાં બે બાળકને ગોળી મારી…હુમલાખોર તેની પત્ની સાથે મૃત્યુ પામ્યો છે, પરંતુ બાળકોને હોસ્પિટલમાં દાખલ કરવામાં આવ્યાં હોવાના અહેવાલ છે. CCTVમાં જોવા મળ્યું કે તે વ્યક્તિએ કુલ 14 રાઉન્ડ ફાયરિંગ કર્યું હતું. #આજના સમાચાર #📽 લેટેસ્ટ અપડેટ વીડિયો #તાજા સમાચાર #🔥 બિગ અપડેટ્સ