#Konda Kintali Stories# #శృంగారం పరమౌషధం# ప్రకృతిలో సకల జీవరాసులయందు వన,పశు,పక్ష్యాదులు,మానవాళి తమ సంతతిని విస్తరించుకోవడానికి పరపరాగ సంపర్కం,లైంగిక చర్య ప్రేరణ కలిగి ఉండడం ప్రకృతి ధర్మం. మానవాళిలో మాత్రం ఇది గోప్యమయిన వైవాహిక బంధంలోని భాగం. కానీ నేటి సమాజంలో శృంగారం పేరిట విచ్చలవిడితనంతో లైంగిక చర్య ఒక క్రీడ, వినోదం, వ్యసనంగా మారిపోయాయి. నిజానికి వైవాహిక జీవితలో భార్య భర్తలు నాలుగు గోడల మధ్యన పారదర్శకంగా పరస్పరం ప్రేమానురాగాలతో సలిపిన శృంగార రసాస్వాదన ఒక క్రీడ కాదు, ఇరువురి శారీరకస్పందనల రసమయ భావోద్వేగం అనిర్వచనీయమైన అనుభూతి. ఇది దంపతుల ప్రేమ బంధాన్ని అల్లుకునేలా చేస్తుంది. ఇది ఆరోగ్యకరం. మనిషి జీవన శైలిలో ఆకలి, నిద్ర ఎంత ముఖ్యమో శృంగారం నిగూఢ సత్యం. ఆందోళన, ఒత్తిడి, తలనొప్పి ఒళ్ళు నొప్పులు రకరకాలు. కానీ, వీటిని నియంత్రించే ఔషధం శృంగారం. తెలుసుకోవడానికి ఈ వ్యాసం చదవండి. * బ్రిటిష్ మెడికల్ జర్నల్ ప్రచురించిన ఓ వ్యాసం ప్రకారం... నిత్య శృంగారం వల్ల చర్మం ఆరోగ్యంగా మెరుస్తుంది. స్త్రీ పురుషుల్లో ఫిట్నెస్, నాజూకుతనం పెరిగి వయసు పైబడకుండా ఉంటుందని నిర్ధారణ అయింది. * వయసులో ఉన్నవారు వారానికి కనీసం రెండు/మూడుసార్లు అన్న నియమం పెట్టుకుంటే గుండెజబ్బుల ముప్పు 50శాతం తగ్గినట్లు రుజువైనట్లు ఇటాలియన్ పరిశోధకుల మాట. * రసాస్వాదన వేళలో విడుదలయ్యే ఎండారెసిన్ నొప్పులను నివారించే శక్తి ఉంటుంది. మరో రసాయనం ప్రోలాక్టిన్ గ్రహణశక్తిని పెంచుతుంది. ఆ సమయంలో విడుదలయ్యే ఆక్సిటోసిన్ హార్మోన్‌కు ఒత్తిడిని తగ్గించే గుణం ఉంటుంది. స్త్రీ పురుషుల మధ్య ప్రేమబంధాన్ని బలపర్చేది ఈ హార్మోనే. భార్య భర్తల మధ్య అనురాగబంధం అల్లుకొనేలా చేసే శక్తి కలిగి ఉంది. * తరచుగా శృంగారంలో పాల్గొనేవారిలో 'ఇమ్యూనో గ్లోబ్యులిన్-ఏ' 30రెట్లు పెరుగుతుందంటున్నారు విల్క్స్ విశ్వవిద్యాలయ పరిశోధకులు. మన రోగ నిరోధక వ్యవస్థ తయారుచేసే ప్రత్యేకమైన ప్రోటీన్. ఇది మన శరీరాన్ని కాపాడే రక్షక దళాలు లాంటి‌వి. బాక్టీరియా, వైరస్‌లు, ఫంగీలు, టాక్సిన్లు వంటి హానికర సూక్ష్మజీవాలను గుర్తించి ఎదుర్కోగలగడం యాంటీబాడీ లక్షణం * ఒకసారి శృంగారం సక్రమంగా పాల్గొన్నారంటే రెండు కిలోమీటర్ల దూరం పరిగెత్తినంత, లేదా గంట వ్యాయామం చేసినంత ఫలితం ఉంటుంది అని పరిశోధనల్లో తేలింది. శరీరం, మనసును తేలిక పరచి, టెన్షన్లు, నొప్పులను తాత్కాలికంగానైనా నివృత్తి చేసి ఉల్లాసపర్చగల శక్తి శృంగారం. దీన్ని న్యూనతగా భావించవద్దు. By Konda Kintali.