#📢સિગરેટ પાન-મસાલા થશે મોંઘા!,સરકાર દ્વારા સિગારેટ, પાન-મસાલા સહિતની તમાકુની પ્રોડક્ટ્સ પર વધારાનો ટેક્સ લાગુ કરવાની જાહેરાત કરવામાં આવી છે. જેને પગલે વ્યસન કરવું ભવિષ્યમાં મોંઘુ પડશે. ડિસેમ્બર માસમાં સરકાર દ્વારા બે બીલને મંજુરી આપવામાં આવી હતી. હવે સરકારે તેને લાગુ કરવા માટેના આયોજનની જાહેરાત કરી છે. આ નિર્ણયને લોકોના સ્વાસ્થ્યને ધ્યાને રાખીને લેવામાં આવ્યો હોવાનું જાણવા મળ્યું છે.જો સિગારેટ, બીડી અને પાન મસાલા તમારા રોજિંદા જીવનનો ભાગ છે, અને તમે તેના વગર ખાલીપણાની લાગણી અનુભવો છો, તો આ સમાચાર તમારા માટે છે. આગામી થોડા અઠવાડિયામાં આ સેવનની આદત વધુ મોંઘી થવાની છે. સરકારે 1 ફેબ્રુઆરીથી તમાકુ ઉત્પાદનો પર વધારાની એક્સાઇઝ ડ્યુટી લાદી છે. વધુમાં, પાન મસાલા પર એક નવો સેસ લાદવામાં આવ્યો છે, જે 1 ફેબ્રુઆરીથી પણ લાગુ થશે. આનો અર્થ એ છે કે, સિગારેટ, બીડી અને પાન મસાલા જેવા તમાકુ ઉત્પાદનો 1 ફેબ્રુઆરીથી વધુ મોંઘા થશે.તમાકુ અને પાન મસાલા પરના આ નવા કર GST દર ઉપરાંત લાગુ કરાશે, અને હાલમાં આવા પાપી માલ (Sin Goods) પર લાદવામાં આવતા કમ્પનસેશન સેસને બદલશે. સરકારી સૂચના અનુસાર, 1 ફેબ્રુઆરીથી, પાન મસાલા, સિગારેટ, તમાકુ અને તેના જેવા ઉત્પાદનો પર 40% GST દર લાગુ થશે, જ્યારે બીડી પર 18% ગુડ્સ એન્ડ સર્વિસ ટેક્સ (GST) લાગુ પડશે.સિગારેટ અને બીડી ઉપરાંત, પાન મસાલા પર પણ હેલ્થ અને નેશનલ સિક્ટોરીટી સેસ લાગુ કરવામાં આવનાર છે. તમાકુ અને સંબંધિત ઉત્પાદનો પર પણ વધારાની એક્સાઇઝ ડ્યુટી લાગુ કરાશે. નાણા મંત્રાલયે નવા ચ્યુઇંગ ટોબેકો, જરદા સેન્ટેડ ટોબેકો અને ગુટખા પેકિંગ મશીનો (ક્ષમતા નિર્ધારણ અને ડ્યુટી વસૂલવા) નિયમો, 2026 ને પણ સૂચિત કર્યા છે. સંસદે ડિસેમ્બરમાં બે બિલને મંજૂરી આપી હતી, જેમાં પાન મસાલાના ઉત્પાદન પર નવો હેલ્થ અને નેશનલ સિક્ટોરીટી સેસ અને તમાકુ પર એક્સાઇઝ ડ્યુટી લાદવાની મંજૂરી આપવામાં આવી હતી. #🔥 બિગ અપડેટ્સ #તાજા સમાચાર #🗞️ ગુજરાત અપડેટ્સ #આજના સમાચાર