പെട്ടിയുടെ കാര്യത്തിൽ ഇനി ഒരു തീരുമാനം ഉണ്ടാകാൻ സാധ്യത ഇല്ലെന്ന് ശ്രീജിത്തിന് മനസ്സിലായി. "പെട്ടി ഞാൻ തന്നെ പോയി എടുക്കട്ടെ! ഏട്ടൻ നിന്റെ പെട്ടി ചുമക്കുമെന്നാണ് നീ വിചാരിക്കുന്നതെങ്കിൽ അത് അങ്ങ് മാറ്റിക്കോ. ഇടഞ്ഞാൽ ചിറക്കൽ കാളിദാസനേക്കാൾ കഷ്ടമാണ്. അങ്ങേരിനി നിന്റെ തുണിപ്പെട്ടി പോയിട്ട് ശവപെട്ടി പോലും ചുമക്കില്ല" ശ്രീജിത്ത്‌ നിസ്സഹായതയോടെ കട്ടിലിന് ഓരം ചേർന്നിരുന്നു. "എന്റെ പെട്ടി ചുമക്കാൻ എനിക്ക് ഒരു പട്ടീടേം സഹായം വേണ്ട. എന്റെ പെട്ടി ഞാൻ തന്നെ എടുത്തോണ്ട് വന്നോളാം." അനു ചാടി തുള്ളി താഴേക്ക് ഇറങ്ങി. അവളുടെ ചാട്ടത്തിന് ഒത്ത് ഓടി ചെല്ലാൻ കാറിന്റെ കീ  നിന്നില്ല. അതുകൊണ്ട് കാറിന്റെ ചാവിയുമായി ശ്രീജിത്ത്‌ പുറകെ ചെന്നു. ഇനി എന്തൊക്കെ ആയിരിക്കും ഈ കിളി പോയ പെണ്ണ് കാണിച്ച് കൂട്ടുന്നതെന്ന് അറിയാനായി, സേതു മുകളിലെ മുറിയിലെ ജനാല തുറന്നിട്ടു. ചെന്ന ഉടനെ അനു ഡിക്കിയിൽ ചെന്ന് കുലുക്കുവാനും ഇടിക്കുവാനും തുടങ്ങി. സേതു ഇതെല്ലാം മേളിൽ ഇരുന്ന് കാണുന്നുണ്ട് എന്ന് ശ്രീജിത്തിനറിയാം. "എന്റെ അനു, നീ അടി ഇരന്ന് മേടിക്കുവോ, ഇങ്ങട് മാറിക്കേ" അവൻ അവളെ തള്ളി നീക്കി. കാറിൽ നിന്ന് ഓരോ പെട്ടിയായി താഴെ ഇറക്കി വച്ചു. എല്ലാ പെട്ടിക്കും നല്ല കനം ഉണ്ട്. ഇവളിനി ഇതിൽ വല്ല കല്ലും പെറുക്കി വച്ചിട്ടുണ്ടാവുമോ! ഈശ്വരാ........... അവൻ നടുവിന് കൈ കൊടുത്തു. "ട ക്... കേ...." എന്തോ ഒരു ശബ്ദം കേട്ടതും അനു അവന്റെ കയ്യിൽ നിന്ന് പെട്ടി വാങ്ങി താഴെ ഇറക്കി. "എന്താ ഒരു ശബ്ദം കേട്ടത്! പൊട്ടിച്ചു ..... എന്റെ പെട്ടി പൊട്ടിച്ചു .......... ഞാൻ അത് മര്യാദയ്ക്ക് ഇറക്കിയേനെ! അതിന്റിടയ്ക്ക് ഷോ കാണിക്കാൻ അതുമ്മേ കേറി പിടിച്ച കൊണ്ടല്ലേ! അവൾ പെട്ടിയുടെ എല്ലാ വശവും വിശദമായി പരിശോധിച്ചു. "പെട്ടി നോക്കിക്കൊണ്ട് ഇരിക്കാതെ വന്ന് എന്റെ നടുവ് തിരുമ്മിതാടി. ഈശ്വരാ..... എന്റെ ആദ്യ രാത്രി........" അവൻ നടുവിന് കൈകൊടുത്തു. "ഒന്ന് പോയെ ശ്രീജു, നീ പെട്ടി പൊക്കി തലയിൽ വച്ചൊന്നും ഇല്ലല്ലോ? ഡിക്കിയിൽ നിന്ന് പെട്ടി പൊക്കിയപ്പോഴേ നിന്റെ നടുവ് ഒടിഞ്ഞെങ്കിൽ നിന്നെ ഒക്കെ പിന്നെ എന്തിന് കൊള്ളാം! അവൾ അവനെ ഗൗനിക്കാതെ പെട്ടികൾ ഓരോന്നായി എടുത്ത് താഴെ വച്ചു. "ഈ രണ്ടെണ്ണം ഞാൻ എടുത്തോളാം, ബാക്കി രണ്ടെണ്ണം നീ എടുക്ക്! അവൾ അവനെ വക വയ്ക്കാതെ അകത്തേക്ക് നടന്നു. "വായും പൊളിച്ചു നിൽക്കാതെ പെട്ടി എടുത്തോണ്ട് പോടാ! സേതു മുകളിൽ നിന്ന് വിളിച്ചു പറഞ്ഞു. ശ്രീജിത്ത്‌ അവനെ നിസ്സഹായതയോടെ നോക്കി. "മാളിക മുകളേറിയ മന്നന്റെ, തോളിൽ മാറാപ്പ് കേറ്റുന്നതും ഭവാൻ, രണ്ട് നാല് ദിനം കൊണ്ടൊരുത്തനെ, തണ്ടിലേറ്റി നടത്തുന്നതും ഭവാൻ" സേതു അവനെ കളിയാക്കി പാടി. നിലവിലെ ഒരു കിടപ്പ് വശം വച്ച് ഏട്ടനെയും, ബന്ധുക്കളേയും വെറുപ്പിച്ചിട്ടുണ്ട്. സത്യത്തിൽ ഇന്ന് തന്റെ ആദ്യരാത്രിയല്ല, അവസാന രാത്രിയാണ്. ഭർത്താവ് ചത്താലും വേണ്ടീല്ല.... പെട്ടിയ്ക്ക് ഒന്നും പറ്റാതെ ഇരുന്നാൽ മതി. ഈ സാധനത്തിനെ ആണല്ലോ ഈശ്വരാ ഞാൻ  പോയി നോക്കി എടുത്തത്. ഒരു ഷർട്ട് എടുത്താൽ പോലും പത്ത് വട്ടം നോക്കി എടുക്കുന്ന ഞാൻ എന്ത് അടിസ്ഥാനത്തിലാണോ ഇവളെ തിരഞ്ഞെടുത്തത്. അവൻ പെട്ടി വലിച്ച് കൊണ്ട് ഒരുവിധം മുകളിൽ എത്തി. "നീ ഇതിൽ കല്ല് വല്ലതും പെറുക്കി വച്ചിട്ടുണ്ടോ! അവൻ ആകാംഷ കൊണ്ട് പെട്ടി തുറന്നു. ശ്രീജിത്ത്‌ പെട്ടി തുറന്നത് കണ്ടതും അനുവിന് ഹാൽ ഇളകി. "നിന്നോട് ആരാ എന്റെ പെട്ടി തുറക്കാൻ പറഞ്ഞത്! എന്റെ പെട്ടി വേറെ ആരും തുറക്കുന്നത് എനിക്ക് ഇഷ്ട്ടമല്ല, അവൾ പെട്ടി വലിച്ച് ആഞ്ഞടച്ചു. നേരത്തെ ഏട്ടന്റെ മുറി കുത്തിതുറന്ന് കേറിയവളാണ് ഇപ്പോ അവളുടെ പെട്ടി വേറാരും തൊടുന്നത് ഇഷ്ട്ടമല്ല എന്ന് പറയുന്നത്. ഇതിന് രണ്ട് തന്ത സ്വഭാവം ഉണ്ടോ! ഈശ്വരാ പണി കിട്ടിയോ? അവൻ പേടിച്ചു തുടങ്ങി. അനു പെട്ടിയിൽ നിന്ന് ഓരോരോ സാധനങ്ങളായി ഇറക്കി വച്ചു.  വിചാരിച്ചത് പോലെ തന്നെ, ടേബിൾ ലാമ്പ് തൊട്ട് പേസ്റ്റ് വരെ കൊണ്ട് വന്നിട്ടുണ്ട്. "ഈ അലക്കുന്ന സോപ്പൊക്കെ തിരുവല്ലയിലും കിട്ടും കേട്ടോ, ഇതൊക്കെ പെറുക്കി വയ്ക്കുന്ന കാര്യം മുന്നേ പറഞ്ഞിരുന്നെങ്കിൽ ഞാൻ വാങ്ങി വയ്ക്കില്ലായിരുന്നോ!" അവൻ അവളെ സ്നേഹത്തോടെ നോക്കി. "നീ മുൻകൂട്ടി ചെയ്തത് എല്ലാം ഞാൻ കണ്ടു. സ്വന്തം ഭാര്യയ്ക്ക് കുളിക്കാൻ ഒരു അറ്റാച്ചാട് ബാത്രൂം പോലും തരാത്ത നീ ആണ് എനിക്ക് അലക്ക് സോപ്പ് വാങ്ങി സ്റ്റോക്ക് ചെയ്യാൻ പോകുന്നത്! എന്റെ കാര്യം ഞാൻ നോക്കിക്കോളാം. എനിക്ക് ആരുടേം സഹായം വേണ്ട" അവൾ അവനെ അവഗണിച്ചുകൊണ്ടേ ഇരുന്നു. റിസപ്ഷൻ നാളെ ആയത് നന്നായി. അല്ലെങ്കിൽ ഇവൾക്ക് പ്രാന്താണെന്ന വിവരം നാട്ടുകാര് മൊത്തം അറിഞ്ഞേനെ! ആരെങ്കിലും ചോദിച്ചാൽ അഹങ്കാരം കൊണ്ടാണെന്ന് പറയാം. തത്കാലം അങ്ങനെ ഇരിക്കട്ടെ, പ്രാന്തിനേക്കാൾ ഭേദം അതാണ്‌. അവൻ സ്വയം പിറുപിറുത്തു. "നിങ്ങൾ ഇപ്പൊ എന്താ പറഞ്ഞെ! നിങ്ങൾ ഇപ്പൊ എന്താ പറഞ്ഞെ? എന്തെങ്കിലും പറയാൻ ഉണ്ടെങ്കിൽ ഉച്ചത്തിൽ പറയണം, ഒരുമാതിരി പെണ്ണുങ്ങളെ പോലെ അടക്കം പറഞ്ഞാലുണ്ടല്ലോ! അവൾ അവനോട് ദേഷ്യപ്പെട്ടു. "ഞാൻ  ഒന്ന് കുളിച്ചിട്ട് വരാം........... കുറച്ച് നേരം സമാധാനം കിട്ടുമല്ലോ എന്നോർത്തപ്പോൾ അവന് സന്തോഷം തോന്നി. "ആം..... പോയി കുളിക്ക്, തല ഒന്ന് തണുക്കട്ടെ, അവൻ സന്തോഷത്തോടെ പറഞ്ഞു. സന്തോഷത്തോടെയുള്ള അവന്റെ മുഖം കണ്ടതും അവളുടെ മുഖം ഉന്തി വീർത്തു. "അതിന് നീ എന്തിനാ ചിരിക്കൂന്നേ? ഞാൻ കുളിക്കാൻ പോകുന്നു എന്നല്ലേ പറഞ്ഞത്, മനസ്സിൽ എന്തെങ്കിലും ദുരുദ്ദേശം ഉണ്ടെങ്കിൽ അത് വേണ്ട മോനെ, തൊടാനും പിടിക്കാനും വല്ല ഭാവം ഉണ്ടെങ്കിൽ നാലായി മടക്കി പോക്കറ്റിൽ ഇട്ടോ, എനിക്ക് കുറച്ച് നാള് അടിച്ച് പൊളിക്കണം. അത് കഴിഞ്ഞിട്ട് മതി തൊടലും പിടിക്കലും" അവൾ അവനെ മറികടന്നു കുളിക്കാനായി പുറത്തേക്ക് ഇറങ്ങി. പക്ഷെ അതൊരു ഒന്നൊന്നര കുളിയായിരുന്നു. അവൾ മനപ്പൂർവം പണിതതാണെന്ന് മനസ്സിലാക്കാൻ ശ്രീജിത്തിന് അധികം സമയം വേണ്ടി വന്നില്ല. നേരം കുറെ ആയി കുളിക്കാൻ എന്ന് പറഞ്ഞ് പോയിട്ട്. ഇനി ഇപ്പൊ അതിനകത്തെങ്ങാനും ഉരുണ്ട് പിടച്ചു വീണു കാണുമോ? ശ്രീജിത്തിന് ടെൻഷൻ കൊണ്ട് ഇരുപ്പ് ഉറച്ചില്ല. "ശ്രീജു.........., ശ്രീജു........................., "അനു അകത്തു നിന്ന് അലറുന്ന ശബ്ദം കേട്ട് സേതുവിന് ഭ്രാന്ത്‌ പിടിക്കുന്നുണ്ട്. "ശ്രീജു..................................., അവൾ അലറി. "നിനക്ക് എന്താടാ ചെവിക്ക് പൊട്ടുണ്ടോ? അവൾ അവിടെ കിടന്ന് കാറുന്നത് കേട്ടില്ലേ! സേതു ദേഷ്യത്തോടെ വാതിൽ തള്ളി തുറന്നു. ശ്രീജു ഇതൊന്നും അറിയാതെ ഹെഡ്സെറ്റിൽ പാട്ട് വച്ച് ചാരി കിടക്കുകയാണ്. എട്ടൻ വന്നതോ, ദേഷ്യപ്പെടുന്നതോ ഒന്നും അവൻ അറിയുന്നില്ല. ദേഷ്യം കൊണ്ട് സേതു ചുവന്നു പഴുത്തു. കലി കയറി അവൻ അവന്റെ ചെവിയിൽ ഇരുന്ന എയർ പോട് വലിച്ച് ദൂരെ എറിഞ്ഞു. "ദേ നിന്റെ ഭാര്യ അവിടെ കിടന്ന് പ്രസവിക്കുവെന്ന് തോന്നുന്നു.  പശു അമറുന്നത് പോലെ കാറാൻ തുടങ്ങിയിട്ട്  നേരം കുറെ ആയി. സഹിക്കുന്നതിനും ഒരു പരിധി ഇല്ലേ? അതിന്റെ ഇടയ്ക്കാ അവന്റെ ഒരു വീണ വായന. എണീറ്റ് പോടാ..... സേതു സംസാരിക്കുന്നതിന് ഇടക്ക് ശ്രീജു...... എന്നൊരു അലർച്ച കേട്ടതും ശ്രീജിത്ത്‌ ഭയന്ന് വിറച്ച് പുറത്തേക്ക് ഓടി. "എന്താ അനു........ നീ എന്തിനാ ഇവിടെ കിടന്ന് അലറുന്നത്! അവൻ കുളിമുറിയുടെ വാതലിന് അരികിൽ എത്തി. "നീ എവിടെ പോയി കിടക്കുവായിരുന്നു! ഞാൻ എത്ര നേരമായി നിന്നെ വിളിക്കുന്നു. എന്റെ ടർക്കി ബെഡിൽ കിടക്കുവാണ്‌. അതൊന്ന് എടുത്തോണ്ട് വാ വേഗം." പുറത്തേക്ക് ഒരു കൈ മാത്രം നീട്ടികൊണ്ട് അവൾ നിൽപ്പ് തുടർന്നു. അടുക്കലും പെറുക്കലുമായി മണിക്കൂറുകൾ നീണ്ട തിരച്ചിലിന് ഒടുവിൽ കുളിക്കാൻ പോയവൾ തോർത്ത്‌ എടുത്തില്ല. ഇത് ഞാൻ വിശ്വസിക്കണമായിരിക്കും. അവളുടെ അമ്മൂമ്മേടെ ടർക്കി. ശ്രീജിത്ത്‌ ആത്മഗതിച്ചു. "എന്തെ അവൾ തോർത്ത്‌ എടുത്തില്ലേ? ചേട്ടൻ അനിയനെ നോക്കി ചിരിച്ചു. "No തോർത്ത്‌ അല്ല. ടർക്കി. അങ്ങനെ വേണം പറയാൻ. ഡിപ്ലോമ ഉള്ളവർക്ക് തോർത്ത്‌. എഞ്ചിനീയറിങ് കഴിഞ്ഞവർക്ക് ടർക്കി" അവൻ സ്വയം പഴിച്ചതാണോ, വിധിയെ സ്വീകരിച്ചതാണോ? ഒന്നും മനസ്സിലാകുന്നില്ല. സേതു പുറകിലേക്ക് മറിഞ്ഞ്,  കുടു കുടെ ചിരിച്ചു. ആ വിളി ടർക്കിയിൽ നിൽക്കില്ലെന്ന് സേതുവിന് ഉറപ്പായിരുന്നു. പിന്നെ സോപ്പിന്റെ വിളി വന്നു, പുറകെ ഷാമ്പൂ, കണ്ടീഷണർ, ഫുട്സ്റ്റോൺ, ബോഡി സ്ക്രബ്......... ഓടി ഓടി ശ്രീജിത്തിന്റെ പതം ഇളകി. "അവനവൻ കുരുക്കുന്ന കുരുക്ക് അഴിച്ചെടുക്കുമ്പോൾ ഗുലുമാൽ, ഗുലുമാൽ..... ഗുലുമാൽ......... സേതു ഉച്ചത്തിൽ പാടി.......... "ശവത്തിൽ കുത്താതെ ഏട്ടാ....... അറിഞ്ഞുകൊണ്ട് ഈ വയ്യാവേലിയെ വലിച്ച് ഞാൻ കഴുത്തി ചുറ്റുമെന്ന് ഏട്ടൻ കരുതുന്നുണ്ടോ! കണ്ടപ്പോൾ ഒരിഷ്ടം തോന്നി. അതിപ്പോ ഇതുപോലെ ഒരു കെണി ആണെന്ന് ഞാൻ അറിഞ്ഞിരുന്നില്ല" ശ്രീജിത്ത്‌ ബെഡിൽ തളർന്ന് ഇരുന്നു. "സാരമില്ലെടാ...... അവളീ കാണിക്കുന്നതൊക്കെ പെണ്ണിന്റെ ധൈര്യവും,  തന്റെടവും സ്ത്രീ സമത്വവും ഒക്കെ ആണെന്നാണ് അവളുടെ വിചാരം. അവൾ വെറും കോമഡി പീസ് ആയി മാറുകയാണെന്ന് അവൾ പോലും അറിയുന്നില്ല. ഇങ്ങനെ പോയാൽ ശ്രീജിത്ത്‌ കെട്ടിയത് അഹങ്കാരിയായ ഒരു പെണ്ണിനെ ആണെന്ന് മാറി പ്രാന്തിയായ ഒരു മുതലിനെ ആണെന്ന് നാട്ടുകാര് പറഞ്ഞോളും. റിസപ്‌ഷന് മുൻപ് അവളുടെ പ്രാന്ത് തീർത്തില്ലേൽ നിനക്ക് പിന്നെ നാട്ടിൽ നിൽക്കേണ്ടി വരില്ല. ആൺപിള്ളേര് കൂവി പുരപ്പുറത്ത് കയറ്റും" കാര്യം തമാശയായി പറഞ്ഞത് ആണെങ്കിലും എവിടെയൊക്കെയോ ഒരു താക്കീത് ഒളിച്ചു കിടന്നിരുന്നു. സേതു അവിടെ നിന്നും പുറത്തേക്ക് ഇറങ്ങിയതും അനു കുളി കഴിഞ്ഞ് പുറത്ത് ഇറങ്ങി. അവിടേം ഇവിടേം എത്താത്ത ഒരു ടർക്കി വലിച്ച് കെട്ടി പുറത്തേക്ക് ഇറങ്ങിയ അനുവിനെ കണ്ട് സേതു ഞെട്ടി തരിച്ചു. "ഈ സാധനത്തിന് നാണവുമില്ലേ! അവൻ എതിർ ദിശയിലേക്ക് നോക്കി മുറിയിലേക്ക് നടന്നു. അനുവിന് ആണെങ്കിൽ യുദ്ധം ജയിച്ച സംതൃപ്തിയാണ്. മുഖത്ത് 90 വാൾട് ബൾബ് തെളിയിച് മുറിയിലേക്ക് കയറിയ അനുവിനെ കണ്ടതും ശ്രീജിത്ത്‌ ഞെട്ടിതരിച്ചു. ബെഡ്ഷീറ്റ് എടുത്ത് പുതപ്പിക്കാൻ തോന്നിയെങ്കിലും എന്താണ് പറയേണ്ടത് എന്നോ, എന്താണ് ചെയ്യേണ്ടത് എന്നോ അവന് മനസിലായില്ല. "നീ ഇങ്ങനെയാണോ പുറത്തേക്ക് ഇറങ്ങിയത്! ആരേലും കണ്ടിരുന്നെങ്കിലോ! നിനക്ക് എന്താ അനു ബോധമില്ലേ! ശ്രീജിത്ത്‌ ഓടിച്ചെന്ന് കതകിന്റെ കുറ്റിയിട്ടു. "ആരേലും കണ്ടാൽ ഇപ്പൊ എന്താ? മറക്കേണ്ടതെല്ലാം ഞാൻ മറച്ചിട്ടുണ്ടല്ലോ! പിന്നെ കാലും കയ്യും എല്ലാം എല്ലാർക്കും ഉള്ളതല്ലേ!  ഇപ്പോൾ തന്നെ ഞാൻ കുളിച്ചിറങ്ങിയപ്പോൾ ഏട്ടനെ കണ്ടിരുന്നല്ലോ! ഏട്ടന് പ്രശ്നമൊന്നും തോന്നിയില്ല. ശ്രീജുന് എന്തേലും പ്രശ്നം ഉണ്ടോ? അല്ലെ ഉണ്ടേൽ പറഞ്ഞാൽ മതി. നമുക്ക് താഴത്തെ മുറിയിലേക്ക് മാറാം" മുലക്കച്ച കെട്ടി എല്ലാരുടേം മുന്നിൽ കൂടെ പുറത്ത് ഇറങ്ങണോ എന്ന് ചോദിച്ചപ്പോഴേ ഭയക്കേണ്ടിയിരുന്നു. പക്ഷെ ഇത്രക്ക് തരം താഴുമെന്ന് കരുതിയില്ല. ഇനി ഈ സാധനത്തിനെ എങ്ങനെ മെരുക്കും. ശ്രീജിത്ത്‌ ആകുലതയോടെ മുകളിലോട്ട് നോക്കി. തുടരും ❤️ #🙋‍♀️ എൻ്റെ സ്റ്റാറ്റസുകൾ #📔 കഥ #kadhakal #💞 നിനക്കായ് #❤ സ്നേഹം മാത്രം 🤗