മോഷണം ആരോപിച്ച് മാനസികപീഡനം കാസർകോട് യുവതി ജീവനൊടുക്കിയതിൽ വീഡിയോ പുറത്ത്..!പരാതിയുമായി കുടുംബം. ഭർത്താവിന്റെ വീടിന് അടുത്തുള്ള യുവാവും കുടുംബവും ജസീലയ്ക്കെതിരെ ഉന്നയിച്ചത് സ്വർണ്ണം മോഷ്ടിച്ചു എന്ന വ്യാജ ആരോപണം; സാമൂഹ്യ മാധ്യമ അധിക്ഷേപം അടക്കം താങ്ങാനാവാതെ വിഷം കഴിച്ച് ജീവനൊടുക്കി രണ്ട് കുട്ടികളുടെ ഉമ്മയായ ജസീല മോഷണക്കുറ്റം ആരോപിച്ച് അയൽവാസികളും പൊലീസും ചേർന്ന് നടത്തിയ മാനസിക പീഡനത്തിൽ മനംനൊന്ത് കാസർകോട് സ്വദേശിനിയായ യുവതി ജീവനൊടു.ക്കിയത് വിവാദത്തിൽ. നാലത്തടുക്ക സ്വദേശിനി ജസീല (24) ആണ് മരിച്ചത്. വിഷം കഴിച്ച് ചെങ്കളയിലെ സ്വകാര്യ ആശുപത്രിയിൽ ചികിത്സയിലിരിക്കെയാണ് അന്ത്യം. താൻ നിരപരാധിയാണെന്ന് വ്യക്തമാക്കുന്ന വീഡിയോ ചിത്രീകരിച്ച ശേഷമാണ് ജസീല ആത്മഹത്യയ്ക്ക് ശ്രമിച്ചത്. മരിക്കുന്നതിന് മുൻപ് മജിസ്ട്രേറ്റിന് നൽകിയ മരണമൊഴിയിലും തന്നെ ഇല്ലാത്ത കുറ്റത്തിന്റെ പേരിൽ അപമാനിച്ചതിലുള്ള മനോവിഷമം ജസീല പങ്കുവെച്ചിരുന്നു. ഭർത്താവിന്റെ വീടിന് അടുത്തുള്ള യുവാവും കുടുംബവും ജസീലയ്ക്കെതിരെ സ്വർണ്ണം മോഷ്ടിച്ചു എന്ന വ്യാജ ആരോപണം ഉന്നയിച്ചിരുന്നു. ഇതിന് പിന്നാലെ സാമൂഹിക മാധ്യമങ്ങളിലൂടെ ബോധപൂർവ്വം സ്വഭാവഹത്യ നടത്താനും ശ്രമം നടന്നു. ആദൂർ പൊലീസിൽ നിന്നും കടുത്ത മാനസിക പീഡനമാണ് ജസീലയ്ക്ക് നേരിടേണ്ടി വന്നതെന്ന് കുടുംബം ആരോപിക്കുന്നു. ചോദ്യം ചെയ്യാൻ വിളിച്ചുവരുത്തിയ പോലീസ് ജസീലയെ മാനസികമായി തളർത്തുന്ന രീതിയിലാണ് പെരുമാറിയതെന്നും ബന്ധുക്കൾ പറഞ്ഞു. എന്നാൽ, പ്രാഥമിക പരിശോധനയിൽ സ്വർണ്ണം നഷ്ടപ്പെട്ട സംഭവത്തിൽ ജസീലയ്ക്ക് യാതൊരു ബന്ധവുമില്ലെന്ന് കണ്ടെത്തുകയും പോലീസ് ഇതുവരെ കേസ് രജിസ്റ്റർ ചെയ്തിട്ടില്ലെന്നും പോലീസ് പറയുന്നു. പക്ഷേ, ഇല്ലാത്ത കുറ്റം സമൂഹമധ്യത്തിൽ ചർച്ചയായതും പരസ്യമായ ആക്ഷേപങ്ങളും രണ്ട് കുട്ടികളുടെ ഉമ്മയായ ജസീലയെ ആത്മഹത്യയിലേക്ക് നയിക്കുകയായിരുന്നു. വിദ്യാനഗർ പോലീസ് നിലവിൽ അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചിട്ടുണ്ട്. അമീറാണ് ജസീലയുടെ ഭർത്താവ്. മഹ്സൂക്, ഐസാൻ എന്നിവർ മക്കളാണ്. #MalayalamNews #keralapolice #death #kasargod #ഇതാണ് സത്യം 💯☝🏻അനുഭവം ഗുരു എന്നാണല്ലോ അത് 💯%ശെരിയാണെന്നെ ☝🏻💯scn🙏🏻 #ഇനിയും കണ്ടില്ലെന്ന് നടിക്കല്ലേ പ്ലീസ് scn🙏🏻