ദേവോദയം🧡💛 Part-47 "പല്ലവി.. നിന്റെ മുഖം എന്താ വല്ലാതെ?? എന്തെങ്കിലും പ്രശ്നം ഉണ്ടോ??" "എനിക്ക് നിന്നോടും അതാ ചോദിക്കാൻ ഉള്ളത്... എന്താ മുഖം വല്ലാതെ??" "ഏഹ്..ഏയ്‌ ഒന്നുല്ല... എന്റെ മുഖം ഇങ്ങനെ തന്നെയാ.. നിനക്കാ ഇന്ന് എന്തോ മാറ്റം പോലെ....." "മ്മ്.. ഞ്.. ഞാൻ എന്റെ മനസ്സിൽ ഉള്ള ഒരു കാര്യം ഒരാളോട് തുറന്നു പറഞ്ഞു...." "എന്ത്‌ കാര്യം??" "എനിക്ക്.. എനിക്ക് ഒരാളെ ഇഷ്ട്ട.." "ആരെ?" "ഏട്ടന്റെ ഫ്രണ്ടാ... ദേവ്... ഞാൻ പറഞ്ഞിട്ടില്ലേ നിന്നോട്?" "ആഹ് ഓർമയുണ്ട്.... ആളെന്ത് പറഞ്ഞു??" "നോ പറഞ്ഞു " "അതെന്തേ??" "എന്നെ അങ്ങനെ കാണാൻ പറ്റില്ല എന്ന്..." "നി.. നിനക്ക് വിഷമമായോ??" "പിന്നെ.. പിന്നില്ലാതെ ഇരിക്കുവോ?കുഞ്ഞിന്നാള് മുതൽ മനസ്സിൽ കൊണ്ട് നടക്കുന്നത... ചെ.. ചെറുപ്പത്തിൽ പറയാൻ പേടി ആയിരുന്നു.... ധൈര്യം തീരെ ഇല്ലാരുന്നു.. കുട്ടി ആണെന്ന കാരണത്താൽ ഒഴിവാക്കിയാൽ സഹിക്കാൻ പറ്റില്ലാരുന്നു എനിക്ക്... എന്നിട്ടും... എന്നിട്ടും നിസാരമായി എന്നെ.. എന്നെ വേണ്ടെന്ന് പറഞ്ഞു...."😭 കരഞ്ഞു പോയിരുന്നു അവൾ... ബ്രേക്ക്‌ ടൈം ആയതിനാൽ ക്ലാസ്സിൽ ആരുമില്ലായിരുന്നു.... "നിന്റെ... നിന്റെ ഏട്ടന് അറിയോ??" "ഇല്ല.. പക്ഷെ ദേവേട്ടന്റെ മാത്രം സമ്മതം മതി.. ഏട്ടനും സമ്മതിക്കും... അതെനിക്ക് ഉറപ്പാ... കാരണം ഏട്ടന് തേജസേട്ടനും ദേവേട്ടനും എന്ന് വെച്ചാൽ ജീവനാ...." "നീ കരയാതെ.... നമുക്ക് വഴിയുണ്ടാക്കാം..." "എങ്ങനെ??" "നീ ഒന്നൂടെ പുള്ളിയോട് സംസാരിക്ക്... സമ്മതിച്ചില്ല എങ്കിൽ ഏട്ടനോട് പറ... സംസാരിക്കാൻ... നിന്റെ ഏട്ടൻ വിചാരിച്ചാൽ എന്തായാലും നടക്കാത്ത കാര്യം അല്ലാലോ..." കാളിന്ദി അവൾക്ക് ധൈര്യം പകർന്നു കൊടുത്തു.... 🌜🌛🌜🌛🌜🌛🌜🌛🌜🌛 അന്ന് വൈകുന്നേരം വീട്ടിൽ എത്തിയ പല്ലവിയുടെ മനസ്സ് നിറയെ കാളിന്ദിയുടെ വാക്കുകൾ ആണ്... രുദ്രയോട് സാഹചര്യം ഒത്തുവന്നാൽ പറയാം എന്ന് തന്നെയവൾ കരുതി...പക്ഷെ ഉള്ളിലൊരു പേടിയില്ലാതെയില്ല..... അങ്ങനെ ദിവസങ്ങൾ പോയി മറഞ്ഞു.. പല്ലവിയ്ക്ക് ഫൈനൽ ഇയറിന്റെ എക്സാംസ് ഒക്കെ ആയി തിരക്കിൽ ആയത് കൊണ്ട് ഒരുവിധം അവൾ കുറഞ്ഞ കാലത്തേക്ക് ഇതൊന്ന് മറന്നു... അങ്ങനെ ഒരു ദിവസം.. പല്ലവി ഹാളിൽ ഇരുന്നു പഠിക്കുകയാണ്.... ഫോൺ അടുത്ത് തന്നെയുണ്ട്... ഇടയ്ക്ക് കാളിന്ദി വിളിക്കുന്നുണ്ട്.. അങ്ങോട്ടും ഇങ്ങോട്ടും സംസാരിച്ച് ഡൌട്ട്സ് ക്ലിയർ ചെയ്തു തന്നെയാണ് പഠിത്തം.... അപ്പോഴാണ് രുദ്ര അവളുടെ അടുത്ത് വന്നിരുന്നത്... "എന്ന അടുത്ത എക്സാം??" "മൺഡേ " എന്തോ കാര്യമായി എഴുതുന്ന കൂട്ടത്തിൽ പറഞ്ഞു.... അപ്പോൾ തന്നെയാണ് അവളുടെ ഫോൺ റിങ് ചെയ്തത്... കാളിന്ദി ആണ്.... അവളുടെ ഫോണിന്റെ സ്‌ക്രീനിൽ കാളിന്ദി എന്ന പേര് കണ്ടതും രുദ്രയുടെ മുഖം വിടർന്നു...പല്ലവി കാൾ അറ്റൻഡ് ചെയ്തു സ്പീക്കറിൽ ഇട്ടു ഫോൺ സൈഡിലേക്ക് മാറ്റി വെച്ചു..... ഒരു കൈയിൽ പേനയും മറ്റേ കയ്യിൽ എന്തൊക്കെയോ കുത്തി കുറിച്ച ഒരു പേപ്പറും ഉണ്ട്.... "ഹലോ " കാളിന്ദിയുടെ ശബ്ദം കേട്ടതും അത് കൂടുതൽ കേട്ട് കൊണ്ട് ഇരിക്കാൻ ഉള്ള ഒരു തോന്നലോ, ആശയോ അവന്റെ മനസ്സിൽ മൊട്ടിട്ടു.... "ഹലോ..." ആ പേപ്പറിൽ വീണ്ടും എന്തോ എഴുതുന്ന കൂട്ടത്തിൽ പല്ലവി പറഞ്ഞു.... "എടി നീ എനിക്ക് PPH (Post Partum Hemorrhage) നോട്സ് ഒന്ന് വാട്സ്ആപ്പ് ചെയ്... എന്റെ നോട്ടിൽ എന്തോ മിസ്റ്റേക്സ്..." "ആഹ്... ഇപ്പോൾ ചെയ്യാം... നീ പഠിച്ച് തീർന്നോ??" എന്തോ തിരക്കിട്ട് എഴുതുകയും അതുപോലെ വെട്ടുകയും ചെയ്യുന്ന കൂട്ടത്തിലാ സംസാരം... "ഇല്ല... ഇനിയും കിടക്കുവാ കടല് പോലെ..." "സത്യം... ആ നീ നിക്ക്.. ഞാൻ ഇപ്പോൾ അയക്കാം..." അവള് കാൾ കട്ട്‌ ആക്കി കാളിന്ദി ചോദിച്ച നോട്ട് അയച്ചു കൊടുത്തു... എന്നിട്ടു വീണ്ടും പഠിക്കാൻ തുടങ്ങി... "പല്ലവി " രുദ്ര വിളിച്ചതും അവള് ബുക്കിൽ നിന്ന് തല ഉയർത്തി അവനെ നോക്കി.... "നിങ്ങൾക്ക് കമ്പെയിൻ സ്റ്റഡി നടത്തി കൂടെ??" "എവിടെ??" "ഇവിടെ" "അതൊരു നല്ല ഐഡിയ ആണല്ലോ " "നാളെ സൺ‌ഡേ അല്ലെ?കാളിന്ദി ഹോസ്റ്റലിൽ ഉണ്ടെങ്കിൽ ഇങ്ങോട്ട് വിളി " "അവളവിടെ ഉണ്ട്... എക്സാം എല്ലാം കഴിഞ്ഞിട്ടേ വീട്ടിൽ പോകു എന്ന്.. പക്ഷെ അവൾക്ക് വഴി അറിയില്ല ഏട്ടാ... അല്ലേൽ ഒരു കാര്യം ചെയ്യാം... ഞാൻ അവളോട് റെഡി ആയി നിക്കാൻ പറയാം... ഏട്ടൻ രാവിലെ പോയി പിക്ക് ചെയ്യോ??" "അ.. അത് അതിനെന്താ... എനിക്ക് പ്രോബ്ലം ഒന്നുല്ല..." വൈദ്യൻ കല്പിച്ചതും പാല് രോഗി ഇച്ഛിച്ചതും പാല് എന്നപോലെ അവള് പറഞ്ഞത് കേട്ട സന്തോഷം പുറമെ പ്രകടിപ്പിക്കാതെ അവൻ പറഞ്ഞു... "എന്ന ഞാൻ ഇപ്പോൾ തന്നെ അവളെ വിളിച്ചു പറയാം..." പല്ലവി സന്തോഷത്തോടെ ഫോൺ എടുത്തതും രുദ്ര പതിയെ അവിടെ നിന്ന് എണീറ്റ് റൂമിലേക്ക് നടന്നു...ചെറു പുഞ്ചിരിയോടെ.... കാളിന്ദി ഒന്ന് രണ്ട് റിങ്ങിൽ തന്നെ കാൾ അറ്റൻഡ് ചെയ്തു... പല്ലവി കാര്യം അവതരിപ്പിച്ചതും ആദ്യം ചെറിയ എതിർപ്പ് പ്രകടമായി എങ്കിലും പിന്നെ അവൾ സമ്മതിച്ചു.... രുദ്ര ആണ് വിളിക്കാൻ വരുന്നത് എന്ന് കേട്ടപ്പോ ചെറിയ ഒരു പതർച്ച അവൾക്കുണ്ടായി... പക്ഷെ പല്ലവിയോട് പ്രത്യേകിച്ചു ഒന്നും പറഞ്ഞില്ല... 🌜🌛🌜🌛🌜🌛🌜🌛🌜🌛 പിറ്റേന്ന് രാവിലെ സമയം ഒരു 7:30 ആയിക്കാണും... രുദ്ര രാവിലെ തന്നെ എണീറ്റ് കുളിച്ചു റെഡി ആയി ഇറങ്ങി...ഒരു ബ്ലാക്ക് ഷർട്ടും വൈറ്റ് പാന്റ്സും ആണ് വേഷം... മുടി ഒക്കെ നന്നായി സെറ്റ് ചെയ്തു പെർഫ്യൂം ഒക്കെ അടിച്ചു മൂളിപ്പാട്ടും പാടി ഓടി ചാടി സ്റ്റെപ് ഇറങ്ങി താഴെ എത്തിയതും കണ്ടത് ഉറക്കത്തിൽ നിന്ന് എണീറ്റ് ഇരിക്കുന്ന പല്ലവിയെ ആണ്... രാത്രി പഠിത്തം ഒക്കെ കഴിഞ്ഞു ഉറങ്ങിയത് 1 മണിയ്ക്ക... സ്റ്റെപ് ഇറങ്ങി വരുന്നവനെ കണ്ടതും പല്ലവി അന്തം വിട്ട് നോക്കി... "ഇത്ര രാവിലെ കുളിച്ചൊരുങ്ങി എങ്ങോട്ടാ?" "കാളിന്ദിയെ വിളിക്കാൻ " ഷർട്ടിന്റെ സ്ലീവ്സ് റെഡി ആക്കികൊണ്ട് അവൻ പറഞ്ഞു.. "അതിന് ഞാൻ അവളോട് 9:30 കഴിഞ്ഞു ഏട്ടൻ ചെല്ലുമെന്ന പറഞ്ഞത്... ഇനിയും 2 മണിക്കൂർ ഇല്ലേ.. അവളിപ്പോ നല്ല ഉറക്കം ആയിരിക്കും..." "ആണോ.. അ.. അത് സാരമില്ല.. എനിക്ക് ദേവിനെ ഒന്ന് കാണണം... ഞാൻ അവിടുന്ന് പോയിക്കോളാം..." ദേവിന്റെ പേര് കേട്ടതും അവളുടെ മുഖം വാടി... അവളൊന്ന് തലയാട്ടിയിട്ട് അവിടുന്ന് എണീറ്റ് പോയി... അവനും ഉടനെ തന്നെ പുറത്തേക്ക് ഇറങ്ങി ബൈക്ക് സ്റ്റാർട്ട്‌ ചെയ്തു... എന്നിട്ട് ഗേറ്റ് കടന്നു പോയി... 🌜🌛🌜🌛🌜🌛🌜🌛🌜🌛 "ഹഹഹാ "😂 "എന്ത്‌ കക്കക്കാ "😤 ദേവിന്റെ ഉറക്കെയുള്ള ചിരി കേട്ട് മുഖം വീർപ്പിച്ചു രുദ്ര അവനെ നോക്കി... "എന്നാലും വെളുപ്പാൻ കാലത്തെ എണീറ്റ് റെഡി ആയി സാർ എങ്ങോട്ടാരുന്നു? അവള് എണീറ്റിട്ടു പോലും ഉണ്ടാവില്ല... അല്ല അവളെ വീട്ടിൽ കൊണ്ടുപോയിട്ട് നിനക്കെന്തിനാ? അവള് നിന്നെ മൈൻഡ് പോലും ചെയ്യുന്നില്ലല്ലോ " "അ.. അതൊക്കെ മാറും.. നീ നോക്കിക്കോ " "മ്മ്.. കുറെ ആയി കേൾക്കുന്നു... എടാ 4 കൊല്ലം ആയില്ലേ? അവളുമാർ 1സ്റ്റ് ഇയറിൽ പഠിക്കുമ്പോ തുടങ്ങിയതാ അവന്റെ പ്രേമം.. അവളുമാർ ഫൈനൽ ഇയർ ആയി...." "നീ അങ്ങനെ കളിയാക്കണ്ട... നോക്കിക്കോ ഞാൻ ഇന്ന് കൂടെ അവളോട് സംസാരിക്കും..." "എന്നിട്ട്?" "എന്നിട്ടെന്താ..അവള് വീഴും..." "ഈ 4 കൊല്ലം നീ ഇത്രയും സംസാരിച്ചിട്ടും വീഴാത്തവൾ ഇപ്പോ വീഴും.. നോക്കിയിരുന്നോ " "എടാ.. എന്റെ സമാധാനത്തിനു എങ്കിലും കുറച്ചു മോട്ടിവേഷൻ താടാ..." "എന്ന പോയി അവളുടെ വായിൽ ഇരിക്കുന്നത് കേട്ട് വിജയിച്ച് വാ..." തലയിൽ കൈ വെച്ചു അനുഗ്രഹിക്കുന്നത് പോലെ പറഞ്ഞതും അവൻ മുഖം വീർപ്പിച്ചു... "ആഹ്.. ഞാൻ പോവാ.. സമയം 9 ആയി..." എന്നും പറഞ്ഞു അവൻ ദേവിനോട് യാത്ര പറഞ്ഞു പുറത്തേക്ക് പോയി... ബൈക്ക് എടുത്തു ഗേറ്റിന്റെ പുറത്തേക്ക് പായുന്നവനെ ഇനി എന്ത്‌ സംഭവിക്കും എന്നറിയാതെ ദേവ് നോക്കി നിന്നു... തുടരും.... 🌜❤️🌛 #💞 നിനക്കായ് #📙 നോവൽ #💞 പ്രണയകഥകൾ