#📙 നോവൽ - മുറ ചെറുക്കൻ..... 🔻 ഭാഗം_36 ✍️ രചന - Aysha akbar എങ്കിലും...... എങ്കിലും എനിക്കവളെ ഒന്ന് കാണണം നവീ...... ഇരു കൈകൾ കൊണ്ടും മുഖമൊന്നു പൊത്തി ഒരു ദീർഘ ശ്വാസമെടുത്തു സച്ചുവത് പറയുമ്പോൾ നവീൻ അവനെയൊന്ന് നോക്കി........ ദൂരെ നിന്നെങ്കിലും..... അവളെയൊന്ന് കാണണം...... സച്ചു വേദന നിറഞ്ഞൊരു ചിരിയോടെ അത്‌ പറയുമ്പോൾ അവന്റെ ഉള്ളിലെ ഭാരം മനസ്സിലായെന്ന വണ്ണം നവീൻ അവന്റെ തോളിലൊന്ന് കൈ വെച്ചു..... ഹേയ്.... താൻ അപ്സെറ് ആവണ്ടെടോ...... ഇതിവിടെ അടുത്ത് തന്നെയാണ്.......... നമുക്ക് ഇന്ന് തന്നെ പോകാം........ പക്ഷെ...... അവരുടെ വീട്ടിലേക്ക് പോകാൻ പറ്റില്ല നവീൻ...... അവളെ.... അവളെ പുറത്തെവിടെയെങ്കിലും വെച്ചു ദൂരെ നിന്നൊന്ന് കാണാൻ മാത്രമുള്ള അവസരം നീയുണ്ടാക്കി തരണം....... നവീനത് പറഞ്ഞു തിരിഞ്ഞപ്പോഴായിരുന്നു സച്ചു അവന്റെ കയ്യിൽ പിടിച്ചു പെട്ടെന്നത് പറഞ്ഞത്....... ലെറ്റ്സ് ട്രൈ.... അത്‌ മാത്രം പറഞ്ഞു കൊണ്ട് ജ്യൂസ് ഗ്ലാസുമായി നവീൻ അകത്തേക്ക് പോയി...... ഡൈനിംഗ് ഹാളിനപ്പുറം തുറന്ന് കിടക്കുന്ന ആ വാതിലിലൂടെ സച്ചു പതിയെ ബാൽക്കണിയിലേക്ക് നടന്നു....... അവൻ ഹാൻഡ് റൈലിൽ പിടിച്ചു താഴേക്ക് നോക്കി..... ഇട തടവില്ലാത്ത ശബ്ദങ്ങളും തിരക്കുകളുമായി ആ നഗരം അങ്ങനെ നിറഞ്ഞു നിൽക്കുകയാണ്..... മുമ്പ് ഇവിടെയുണ്ടായിരുന്നപ്പോൾ ഈ നാടിനോട് തോന്നാത്തൊരിഷ്ടം ഇപ്പൊ തനിക്കുണ്ട്...... കാരണം.... അവളുള്ളത് ഇവിടെയാണ്‌..... തന്നിലേക്ക് ഒഴുകി വരുന്ന കാറ്റോരു പക്ഷെ അവളെയും തഴുകി വരുന്നതായിരിക്കാം...... അവൻ അല്പ നേരം അങ്ങനെ നിന്നു...... നവീൻ കണ്ടത് പോലൊരു പെണ്ണല്ല ഇഷാനിയെന്ന് അവനെ പറഞ്ഞു മനസ്സിലാക്കാൻ തനിക്കറിയില്ലെങ്കിൽ കൂടി ആ കണ്ണുകളിൽ താൻ കണ്ടത് കറ കളഞ്ഞ പ്രണയം തന്നെയായിരുന്നു..... പക്ഷെ അത്‌ രണ്ട് പേരെയും അത്ര മേൽ വേദനിപ്പിക്കുമെന്ന് അറിയാവുന്നത് കൊണ്ട് തന്നെയാണ് അകന്ന് നിന്നത്......... ഇനിയൊരു പക്ഷെ അവൾ തന്നെ മറക്കാൻ ശ്രമിക്കുകയാണെങ്കിൽ ഒരു കൂടിക്കാഴ്ച കൊണ്ട് ആ പെണ്ണിനെ ഇനിയും വേദനിപ്പിക്കാൻ വയ്യ...... എന്നാൽ തനിക്കവളെ കാണാതിരിക്കാനും കഴിയില്ല...... അത്‌ കൊണ്ട് കാണണം അവളെ....... അവളറിയാതെ........ അവന്റെ കണ്ണുകളിൽ ഒരു നിമിഷം ആ വിടർന്ന കണ്ണുകളിലെ നിഷ്കളങ്ക ഭാവം നിറഞ്ഞ് നിന്നിരുന്നു...... 🔷🔷🔷🔷🔷🔷🔷🔷🔷🔷🔷🔷🔷🔷🔷🔷🔷 നോക്ക് സച്ചി....അവളുടെ കോളേജ് ഡീറ്റെയിൽസ് കിട്ടിയിട്ടുണ്ട്...... എന്റെ ഒരു ഫ്രണ്ട് വഴി കിട്ടിയതാ........ ഈവെനിംഗ് നമുക്ക് അവിടെ പോയി കാണാം.. നവീനത് പറഞ്ഞതും സച്ചുവിന്റെ കണ്ണുകൾ വിടർന്നു..... അതേ.......അവളെ കാണാനുള്ള സമയമായി...... പിന്നേയ്..... തന്റെ ആള് വിചാരിച്ച പോലെയൊന്നും അല്ലെന്നാ കേട്ടത്..... ആള് വളരേ ഇൻട്രോവേർട്ട് ആണത്രെ.... ആരോടും കമ്പനി യില്ലെന്നൊക്കെയാ കേട്ടത്...... സൊ...... ദേർ വിൽ ബി എ ചാൻസ് ഫോർ യു....... നവീനൊരു ചിരിയോടെ അത്‌ പറയുമ്പോൾ മുൻപ് അവൻ അവളെ കുറിച് പറഞ്ഞ സംശയങ്ങളെല്ലാം ആ മുഖത്ത് നിന്ന് മാഞ്ഞു പോയത് പോലെ സച്ചുവിന് തോന്നി.... ഒരു പക്ഷെ.......അവന്റെയാ ഫ്രണ്ട് അവളെ കുറിച് പറഞ്ഞ കാര്യങ്ങൾ അവനിലെ സംശയങ്ങൾ നീക്കിയതായിരിക്കാം..... അല്ലെങ്കിലും അവളെ അവനറിയില്ലെങ്കിലും തനിക്കറിയാമല്ലോ....... അവൻ പറഞ്ഞത് കൊണ്ടല്ല അവളെ ദൂരെ നിന്ന് കണ്ടാൽ മതിയെന്ന് താൻ പറഞ്ഞത്...... അവൾ പതിയെ തന്നെ മറന്ന് തുടങ്ങിയിട്ടുണ്ടെങ്കിൽ ഇനിയും വേണ്ടാ...... പടിയിറങ്ങുമ്പോൾ തന്നെ നോക്കിയ ദയനീയമായ നോട്ടം ഇന്നും തന്റെ കണ്ണുകളിലുണ്ട്..... ഇനിയും ആ കണ്ണുകൾ കലങ്ങേണ്ട....... ഓർക്കും തോറും അവന്റെ നെഞ്ചിൽ വല്ലാത്തോരു ഭാരം തിങ്ങിയിരുന്നു.... 🔷🔷🔷🔷🔷🔷🔷🔷🔷🔷🔷🔷🔷🔷🔷🔷🔷 സെക്കന്റ് കൾക്ക് പോലും വല്ലാത്തൊരു ധൈർഘ്യം തോന്നിയിരുന്നു സച്ചുവിന്..... അവളെ കാണാനുള്ള സമയം അടുക്കും തോറും മനസ്സ് വല്ലാതെ പിടക്കുന്നത് പോലെ.... അവൻ പ്ലയിൻ വൈറ്റ് ഷർട്ടും ഒരു ബ്ലാക്ക് പാന്റുമിട്ടു...... മുടി മുകളിലേക്ക് ചീകിയൊതുക്കുമ്പോൾ അവൻ സ്വയം ഒന്ന് കൂടി നോക്കി........ അവളെ കാണാൻ പോകുന്നു വെങ്കിലും അവൾ തന്നെ കാണില്ലല്ലോ എന്ന ഓർമ വന്നതും ഒരു തരം നിർവികാരത ഉള്ളിലങ്ങനെ നിറഞ്ഞു നിന്നു..... സച്ചു വന്നു ബൈക്ക് സ്റ്റാർട്ട്‌ ചെയ്തതും നവീനും അവനു പിറകിലേക്ക് കയറി....... തിരക്ക് പിടിച്ച ആ നഗരത്തിന്റെ നടുവിലൂടെ പോകുമ്പോഴും മനസ്സേറെ ശൂന്യമായത് പോലെ....... ഒരു ശബ്ദവും കേൾക്കാതെ വിധം ചെവി കൊട്ടിയടച്ചത് പോലെ...... അവളുടെ കോളേജിന് മുമ്പിലെത്തിയതും ഗ്രൗണ്ടിനപ്പുറം അല്പം മാറി അവൻ വണ്ടി പാർക്ക് ചെയ്തു........ ക്ലാസ്സ്‌ കഴിഞ്ഞു വെന്ന പോൽ കുട്ടികൾ കൂട്ടം കൂട്ടമായി വരുന്നുണ്ട്....... സച്ചു വേഗം പോക്കറ്റിൽ നിന്നും മാസ്ക്കെടുത്തു മുഖത്ത് വെച്ചു....... കണ്ണുകൾ ഒരോരുത്തരിലൂടെയും അവൾക്കായി പരതുമ്പോൾ മാസ്കിനകത്തേ അവന്റെ മീശയിൽ വിയർപ്പ് തുള്ളികൾ പറ്റി പ്പിടിച്ചു....... എന്തിനാ മാസ്ക്..... താൻ പോയി കാണടോ...... നവീൻ ഒരു ചിരിയോടെ അത്‌ പറഞ്ഞപ്പോഴും സച്ചു വേണ്ടെന്ന അർത്ഥത്തിലൊന്ന് തലയാട്ടി......... അവന്റെ കണ്ണുകൾ ഓരോരുത്തരിലൂടെയും നീങ്ങുമ്പോൾ ഒരു നിമിഷം ആ മഞ്ഞ ഡ്രസ്സ്‌ അവന്റെ കണ്ണിലോന്ന് പതിഞ്ഞു..... അവളാണതെന്ന് തോന്നിയതും വിടർന്ന കണ്ണുകളിലേക്ക് അവനൊന്നു നോക്കി..... ആ കണ്ണുകളിൽ ആദ്യമായി താനവളെ കാണുമ്പോഴുള്ള അതേ വിഷാദമാണെന്ന് അവൻ തിരിച്ചറിഞ്ഞു.... അവന്റെ നെഞ്ചേന്തിനോ ഒന്ന് പിടച്ചു......... ഒരു മഞ്ഞ ക്രോപ് ടോപ്പും ജീൻസുമാണ് അവളിട്ടിരിക്കുന്നത്.... നടത്തത്തിനനുസരിച്ചു പാറി കളിക്കുന്ന അവളുടെ മുടിയിഴകൾ വിരലുകൾ കൊണ്ടവളോതുക്കി വെക്കുന്നത് സച്ചു ഒരു നിമിഷം നോക്കി നിന്നു...... എല്ലാവരും കൂട്ടം കൂട്ടമായി വരുമ്പോൾ അവൾ മാത്രം തനിയെ യാണ്‌ വരുന്നത്.... അവൾ അടുത്തടുത്തേക്ക് വരുന്നെന്നു തോന്നിയ അതേ നിമിഷം അവൻ പെട്ടെന്ന് നോട്ടം കയ്യിൽ കെട്ടിയ വാച്ചിലേക്ക് നീക്കി........ കണ്ണുകൾ എന്തിനോ നീറുന്നത് പോലെ.... നെയ നെഞ്ചേന്തിനോ വേദനിക്കും പോലെ....... അപ്പോഴും ഇതൊന്നുമതിയാതെ ഇഷാനി നടക്കുന്നുണ്ടായിരുന്നു...... അവന്റെ അരികിലൂടെ അവൾ പോകും നേരം അവൻ നവീനോട് സംസാരിക്കുകയെന്ന പോൽ തിരിഞ്ഞു നിൽക്കുമ്പോൾ അവളെ തഴുകി കടന്ന് വരുന്ന കാറ്റിനോട് പോലും അവന് പ്രണയമായി തോന്നി...... നെഞ്ചിലെന്തോ ഒന്ന് തടഞ്ഞു നിൽപ്പാണ്....... എല്ലാം ഉള്ളിലൊതുക്കി യെന്ന വണ്ണം അവൻ അതേ നിൽപ് തുടർന്നപ്പോഴാണ് അവനെ കടന്നല്പം ചെന്ന അവളൊന്നു നിശ്ചലയായത്...... സച്ചു കണ്ണുകൾ മാത്രം വെട്ടിച്ചു അവളെയൊന്ന് നോക്കി..... അവൾ തന്നെ കാണരുതെന്ന് മനസ്സ് ആഗ്രഹിക്കുന്നുണ്ടെങ്കിൽ കൂടി ഹൃദയം അവളിലേക്ക് മാത്രമായി ആഴ്ന്നിറങ്ങുകയാണ്..... പാവം.....എല്ലാം മറന്ന് സ്വസ്ഥമായെങ്കിൽ അങ്ങനെ തന്നെ നിൽക്കട്ടെ..... ഇനിയൊരു കൂടിക്കാഴ്ച കൊണ്ട് പഴയതൊന്നും കുത്തി പൊക്കേണ്ടതില്ലല്ലോ.... എങ്കിലും അവന്റെ കണ്ണുകൾ അവളിൽ തന്നെയായിരുന്നു..... അവൾ കയ്യിൽ നിന്നും വീണ പേനയുടെ ടോപ് എടുക്കാനെന്ന വണ്ണം ഒന്ന് കുനിഞ്ഞതും കഴുത്തിൽ കിടക്കുന്ന ആ മാല കണ്ട് അവന്റെ കണ്ണുകളൊന്ന് വിടർന്നു.... അതേ....അതിൽ പറ്റി പ്പിടിച്ചിരിക്കുന്നത് താൻ അവൾക്ക് വാങ്ങി കൊടുത്ത അതേ വള യുടെ പൊട്ടുകളല്ലേ..... സച്ചു ഒന്ന് കൂടി സൂക്ഷിച്ചു നോക്കി..... അതേ..... അത്‌ തന്നെയാണ്...... അവന്റെ ഹൃദയം അനിയന്ത്രിതമായി പിടക്കാൻ തുടങ്ങി...... വായിൽ നിന്ന് വരുന്നതെന്തും വാങ്ങാൻ കഴിവുള്ളൊരുത്തി കേവലം നാല് വള പൊട്ടുകൾ കഴുത്തിലിട്ട് നടക്കണമെങ്കിൽ അതിനർത്ഥമെന്തെന്ന് അവനോർത്തതും തൊണ്ടയിൽ വന്ന വിങ്ങൽ കണ്ണുകളിൽ പടർന്നു..... അവളെ താൻ മനസ്സിലാക്കിയതിൽ തോറ്റു പോയി എന്നവന് മനസ്സിലായിരുന്നു..... ഇത്രത്തോളം അവൻ തന്നിൽ പതിഞ്ഞിരിപ്പാണെന്ന് ഓർത്തിട്ടില്ല..... ഇഷാനി........ മറ്റൊരു ചിന്തക്കിടം കൊടുക്കാതെ അവൻ അവളെ വിളിച്ചത് പെട്ടെന്നായിരുന്നു ..... വിളിക്കുമ്പോൾ അവന്റെ ശബ്ദം നന്നേ ചിലമ്പിച്ചിരുന്നു..... നവീനൊ ന്ന് ഞെട്ടി........ നടന്നു കൊണ്ടിരുന്ന ഇഷാനി ഒന്ന് നിശ്ചലയായി......... കേട്ട ശബ്ദം സ്വപ്നമാണ് യെന്ന തരത്തിൽ അവളൊരു നിമിശമൊന്ന് സ്ഥബ്തയായി...... ആ ശബ്ദം ‌ തന്റെ തോന്നലാണെന്ന് ഉറപ്പുണ്ടായിട്ടും അവൾ പിറകിലേക്ക് തിരിയുമ്പോൾ അവളുടെ കണ്ണുകളിൽ വിങ്ങൽ പടർന്നു പിടിച്ചിരുന്നു....... മിനുസമുള്ള മുടിയിഴകളൊന്ന് പാറി അവൾ തിരിയുമ്പോൾ സച്ചുവിന്റെ ഹൃദയമിടിപ്പും ഏറെ ശക്തിയായിരുന്നു.... എന്നാൽ പിറകിൽ നിൽക്കുന്നവന്റെ രൂപം കണ്ട് ഒരു നിമിഷം ശില കണക്കെ നിന്ന് പോയിരുന്നു ഇഷാനി....... അവനെ തന്നെ നോക്കി ഒരു നിമിഷം നിൽക്കുമ്പോൾ അവളുടെ കണ്ണുകൾ ഒരു വശത്തേക്ക് ചീകൊയൊതുക്കിയ മുടിയിലേക്കും കുസൃതി നിറഞ്ഞ ആ കണ്ണുകളിലേക്കും പടർന്നു....... ഉള്ളിൽ നിന്നൊരു സാഗരം ഇരമ്പി വരുന്നത് അവളറിഞ്ഞു....... സ്വപ്നമാണോ യാഥാർഥ്യമാണോ എന്നറിയാതെ നിൽക്കുന്ന അവളെ നോക്കി സച്ചു മുഖത്തെ മാസ്കഴിച്ചതും ഒരു ശ്വാസത്തിനു പോലും ഇടം കൊടുക്കാതെ അവളോടി ചെന്നവന്റെ കഴുത്തിലൂടെ ചുറ്റി പിടിച്ചത് പെട്ടെന്നായിരുന്നു.... (തുടരും) Aysha Akbar #📔 കഥ