*छत्रपती शिवाजी महाराजांच्या राज्याभिषेकाची तयारी किल्ले रायगडावर मोठ्या उत्साहात सुरू होती. मराठे देत असलेल्या चिवट झुंजीने व सततच्या युद्धाने जंजिरेकर सिद्धी पुरता घायाळ झाला होता, मराठ्यांशी तह करण्यासाठी मुंबईकर इंग्रजांनी मध्यस्थी करावी अशी विनंती सिद्दीने इंग्रजांना केली होती. यापूर्वी इंग्रजांचा प्रतिनिधी थॉमस निकल्स व नारायण शेणवी हे महाराजांशी राजापूर वखारीच्या लुटीसदर्भात तहाची बोलणी करण्यासाठी आले होते.महाराजांचा वकील भीमजी पंडित मुंबईहून तहाची कलमे ठरवून परतल्यावर ठरलेल्या तहाच्या कलमांना शिवाजी महाराजांची मान्यता मिळवण्यासाठी आणि सिद्धी सोबतच्या तहाची बोलणी करण्यासाठी इंग्रजांचा प्रतिनिधी नारायण शेणवी पाचाड येथे आला होता. तहासंबंधी बोलणी करण्यासाठी त्याला निराजीपंतांची भेट घ्यायची होती तसा निरोप त्याने रायगडावर पाठवला होता. पण याच दरम्यान छत्रपती शिवाजी महाराजांच्या पत्नी काशीबाई साहेब यांच्या निधनामुळे गडावर सुतक सुरू होते, त्यामुळे नारायण शेणवीची भेट निराजी पंतासोबत होऊ शकली नाही. इंग्रज प्रतिनिधी नारायण शेणवी रायगडावर आला होता ती तारीख होती मंगळवार दि. 24 मार्च 1674.*®© ✍️*manevijay@९६९६* #😇आमचे प्रेरणास्थान: छत्रपती🙏 #🚩मी शिवबा भक्त #🚩छत्रपति शिवाजी महाराज #📜इतिहास शिवरायांचा #🚩जय भवानी जय शिवाजी🚩