💜ഹൃദയത്തിൽ സൂക്ഷിക്കാൻ 💜 പാർട്ട്‌ -19 വയറു വല്ലാതെ വേദന എടുക്കുന്നു.. ഈ നേരം വരെ താൻ ഒന്നും കഴിച്ചിട്ടില്ല... തലയും കറങ്ങുന്നു... ഇന്ദ്രൻ അപ്പോൾ ഇറങ്ങി പോയത് ആണ് ഇത് വരെ വന്നിട്ടില്ല.... ഒരു മനുഷ്യ ജീവൻ അല്ലെ ഇവിടെ കിടക്കുന്നത് അതിന്റെ പരിഗണന എങ്കിലും കാണിച്ചു കൂടെ.. അവൾക്കു ദേഷ്യം തോന്നി അവനോടു.. എന്നാൽ മറിച്ചും ചിന്തിച്ചു.. എന്തിന്റെ പേരിൽ ആണ് അയാൾ തനിക്ക് ആഹാരം വാങ്ങി തരേണ്ടത്... ഒരിക്കൽ ആരോടും മിണ്ടി ഇല്ലങ്കിലും തന്നോട് മിണ്ടുന്ന സമയം ഉണ്ടായിരുന്നു.. ആദ്യമായിട്ട് വിശന്നു വാടി തളർന്നു വന്നപ്പോ തനിക്ക് വെള്ളം വാങ്ങി തന്നു.. ആരും അല്ലാഞ്ഞിട്ട് പോലും തന്നോട് കരുണ കാണിച്ചവനാണ്.. പക്ഷെ ഇപ്പോൾ അങ്ങനെ പോലും ഇല്ലാത്ത അവസ്ഥയിൽ ഞാൻ നിൽക്കുന്നുണ്ടങ്കിൽ ഇന്ന് ഈ ലോകത്ത് ഇന്ദ്രൻ ഏറ്റവും കൂടുതൽ വെറുക്കുന്ന വെക്തി താൻ ആയിരിക്കും....   ഇനിയും നിന്നാൽ വീണു പോകും എന്ന് തോന്നിയതും അടുക്കളയിൽ ചെന്നവൾ ഫ്രിഡ്ജ് തുറന്നു  അവൾ ഒരുനിമിഷം ഞെട്ടി പോയി.. ഇതെന്തോന്ന്... കുറച്ചു മിട്ടായി ഇരിപ്പോണ്ട്... അവൾക്കു ദേഷ്യം വന്നു.... അടുക്കളയിൽ ഇരിക്കുന്ന ഡപ്പാ ഒക്കെ കാലി ആണ്... പക്ഷെ പഞ്ചസാരയും കാപ്പിപ്പൊടിയും തെയിലയും ഉണ്ട്.. അവൾ വേഗം ഒരു കാപ്പി ഇട്ടു..... വീണ്ടും തിരച്ചിൽ നടത്തിയപ്പോൾ അവളുടെ കണ്ണുകൾ വിടർന്നു... മാഗ്ഗി പിന്നെ ചിപ്സ് ഐറ്റംസ്.... ആദ്യം വിശപ്പ് കെടണം അത്രേ ഉള്ളൂ.... ചിപ്സ് വാരി അവൾ വായിലേക്ക് നിറച്ചു.. അപ്പോഴേക്ക് കാപ്പിയും റെഡി ആയി... അടുക്കള വാതിൽ തുറന്നു അവിടേക്ക് ഇരുന്നു കൊണ്ട് ആസ്വദിച്ചു കഴിക്കാൻ തുടങ്ങി.. വയറൊന്നു പകുതി നിറഞ്ഞതും മുറ്റത്തു നിന്ന പേര മരത്തിൽ നിന്നും കുറച്ചു പേരക്ക കൂടി അവൾ പൊട്ടിച്ചു എടുത്തു.. കഴുകി വായിലേക്ക് വെച്ച് തിരിഞ്ഞതും അടുക്കളയിൽ നിന്നും ഒരുവൻ പോകുന്നത് കണ്ടു... അവളുടെ കണ്ണൊന്നു വിടർന്നു... വല്ലം പറയുവോ.. ചിപ്സ്  ഒക്കെ ഒരുപാടു തിന്നു... പുള്ളി കാശ് മുടക്കി വാങ്ങിക്കൊണ്ട് വെച്ചേക്കുന്നത് അല്ലെ... ഹാളിൽ ചെന്നു കയറിയപ്പോൾ മറ്റൊരു ശബ്ദം... ഇന്ദ്രേട്ടൻ അല്ലെ വന്നത്... പുള്ളിയെ അല്ലെ ഞാൻ കണ്ടത്..    ഫോൺ വിളിച്ചു തിരിഞ്ഞ അനൂപ് അവളെ കണ്ടു.. അവളോന്ന് ചിരിക്കാൻ ശ്രെമിച്ചു.. ഞാൻ ഫുഡും കൊണ്ട് വന്നതാ പാറു.. താൻ രാവിലെ മുതൽ ഒന്നും കഴിച്ചിട്ടില്ലല്ലോ.. ഇന്ദ്രൻ വാങ്ങി തന്നതാ.. അടുക്കളയിൽ വെച്ചിട്ടുണ്ട്... എന്നാൽ ശെരി ഞാൻ ഇറങ്ങുവാ.. അനൂപ് ഏട്ടാ... അവൾ വിളിച്ചതും അവനൊന്നു നിന്നു.. ഇന്ദ്രേട്ടൻ.. കവലയിൽ ഉണ്ട്... അങ്ങോട്ടേക്ക് വന്നപ്പോൾ മുതൽ ഒരേ ഇരിപ്പാ... ഇതൊക്കെ പ്രതീക്ഷിച്ചു തന്നെ അല്ലെ നി അവിടെ നിന്നും ഇറങ്ങി വന്നതും... വരുന്നത് പോലെ ബാക്കി ഒക്കെ നടക്കട്ടെ... അത്രയും പറഞ്ഞു കൊണ്ട് അവൻ അവിടെ നിന്നും ഇറങ്ങി.. ഫ്രണ്ട് ഡോർ അടച്ചു കൊണ്ട് അവൾ അടുക്കളയിലേക്ക് ഓടി... പൊതി അഴിച്ചു തുറന്നു നോക്കി.. ചൂട് ചോറ്.. വായിൽ കപ്പൽ ഓടി.. അതിൽ നിന്നും ഇത്തിരി എടുത്തു കഴിച്ചു  അവൾ.. അടുക്കള വാതിലും പൂട്ടി അകത്തെ മുറിയിൽ കയറി കിടന്നു... ഒരുറക്കം... ഒരുപാട് നാളായി മനസമാധാനത്തോടെ ഒന്ന് ഉറങ്ങിയിട്ട്......വയർ നിറഞ്ഞത് കൊണ്ട് തന്നെ കിടന്നപ്പോഴേ അവൾ മയങ്ങി പോയി.. 💜💜     എന്റെ ഇന്ദ്രാ... ഞാൻ ഇന്ന് അവിടെ ചെന്നപ്പോ ആ കൊച്ച് പേരക്ക പൊട്ടിച്ചു കഴിക്കുവാ വിശന്നിട്ടു.. നീ എന്ത് പണി ആട കാണിച്ചത്... അതിന് ആഹാരം വാങ്ങി കൊടുക്കാതെ ഇങ്ങു പോന്നത്... അനൂപ് നിന്നു കത്തി കയറുവാണ്... എന്നാൽ ഇന്ദ്രൻ ഒട്ടു അത് മൈൻഡ് ചെയ്യുന്നുമില്ല... ഇങ്ങനേ അറു പിശുക്കൻ ആവരുത് ഇന്ദ്ര.. എന്നാൽ ഇന്ദ്രൻ തിരിച്ചു മറുപടി ഒന്നും പറയാൻ പോയില്ല അവളായി.. അവളുടെ പാടായി.. ആ ഒരു മൈൻഡ്... നി ഇങ്ങനേ നടന്നോ.... ദൈവം ആയിട്ടാ അതിനെ പോലൊരു പാവം പിടിച്ച കൊച്ചിനെ നിനക്ക് കൊണ്ട് തന്നത്... നി ആയിട്ട് അത് ഇല്ലാതെ ആക്കരുത്... അത്രയും പറഞ്ഞു അനൂപ് അവിടെ നിന്നും പോയി...      ആര് കൊണ്ട് തന്നെന്ന ഇവനീ പറയുന്നത് അവളുടെ സുരക്ഷ ഓർത്തു അവൾ കയറി വന്നു.. കിടക്കാൻ ഒരിടം കൊടുത്തിട്ടുണ്ട്.. ഇനി അവളുടെ ചിലവുകൾ കൂടി... എന്റെ പട്ടി നോക്കും... തന്നെ ചതിച്ചത് കൊണ്ടാണ്... അവളെ സംരക്ഷിക്കാൻ എന്ന് പറഞ്ഞു എന്റെ അടുത്ത് വന്നിരുന്നെങ്കിൽ 100 വെട്ടം താൻ അത് ചെയ്തേനെ.. പക്ഷെ ഇത് എനിക്ക് പൊറുക്കാൻ പറ്റില്ല... 💜💜         നിർത്താതെ ഉള്ള കതകിൽ മുട്ട് കേട്ടാണ് പാറു കണ്ണുകൾ വലിച്ചു തുറക്കുന്നത്.... കുറച്ചു നേരം എടുത്തു റിയാലിറ്റിയിലേക്ക് വരാൻ.. താൻ ഇപ്പോൾ തന്റെ വീട്ടിൽ അല്ലെന്നും ഇന്ദ്രന്റെ വീട്ടിൽ ആണെന്നും ഒക്കെ ഓർത്തു വന്നതും വീണ്ടും തട്ട്... ഇതാരാ ഈ രാവിലെ കതകിൽ കൊട്ടുന്നത്.. വീണ്ടും കൂനി കൂടിയതും... ഈശ്വര ഇന്ദ്രേട്ടൻ... അവൾ ക്ലോക്കിലേക്ക് നോക്കി.... 9  മണി... അപ്പൊ രാവിലെ അല്ലെ..... എല്ലാം വാരി പിടിച്ചവൾ കതക് തുറന്നു ഹാളിലേക്ക് ഓടി... ഡോർ ചെന്നു തുറന്നതും മുന്നിൽ ഇന്ദ്രൻ...    എന്താടി കതക് തുറക്കാൻ താമസം.. ഞാൻ ഉറങ്ങി പോയി.... സ്വന്തം വീട്ടിൽ കയറണം എങ്കിൽ മറ്റൊരുത്തിയുടെ അനുവാതം വേണ്ടുന്ന അവസ്ഥ.. അവളെ ഒന്ന് നോക്കി രൂക്ഷമായി അവൻ പറഞ്ഞു... നാളെ മുതൽ പോകുമ്പോൾ വീട് പൂട്ടിയിട്ടു പൊക്കൊളു.. ഞാൻ അടുക്കള വാതിൽ വഴി പുറത്തിറങ്ങിക്കോളാം... എന്നിട്ട് വേണം നി പുറത്തോട്ടു എവിടേലും പോകുമ്പോൾ വല്ല കള്ളൻ മാരും വന്നു കയറാൻ അല്ലേടി.. അതിനവൾക്ക് മറുപടി ഇല്ലായിരുന്നു.. പിന്നെ മറ്റൊരു കാര്യം എനിക്ക് നിന്റെ ഫുഡും കാര്യങ്ങളും നോക്കാൻ പറ്റില്ല... നിനക്ക് വേണമെങ്കിൽ ജോലി ചെയ്യ്തു.. അതിനുള്ള വക കണ്ടെത്തുക... അതിനും അവളൊന്നു തലയാട്ടി... അവളെ ഒന്ന് നോക്കിക്കൊണ്ട് അവൻ അടുക്കളയിലേക്ക് പോയി... കയ്യിൽ കരുതിയ ഫുഡ്‌ പത്രത്തിലേക്കു വിളമ്പി സ്ലാവിന്റെ പുറത്തേക്കു കയറി ഇരുന്നു..... കുറച്ചു ഫുഡ്‌ എടുത്തു വായിലേക്ക് കൊണ്ട് വരാൻ പാവിച്ചതും തൊണ്ടക്ക് എന്തോ കനം പോലെ... കഴിക്കാൻ പറ്റുന്നില്ല... പണ്ടാരം മനുഷ്യന് ആഹാരവും കഴിക്കാൻ പറ്റുന്നില്ലല്ലോ.... കയ്യിൽ എടുത്ത പ്ലേറ്റ് അത് പോലെ സ്ലാവിൽ വെച്ച് കൊണ്ട് മറ്റൊരു പ്ലേറ്റ് എടുത്തു.. അതിലേക്ക് ചപ്പാത്തിയും ചിക്കൻ കറിയും ഒഴിച്ച് കൊണ്ട് അവൻ ഹാളിലേക്ക് ചെന്നു.. ഉമ്മറത്തെ അര മതിലിൽ അവളിരിക്കുന്നത് കണ്ടു.. ഡി..... ഇന്ദ്രന്റെ ഒറ്റ വിളിയിൽ ഞെട്ടി അവനെ നോക്കി..... ഇന്ദ്രൻ തല കൊണ്ട് ആട്ടി അടുത്തേക്ക് വരാൻ ആയി പറഞ്ഞു.. അവൾ ചെന്നപ്പോൾ ആ പാത്രം അവൾക്കു നേരെ നീട്ടി... ഇന്നാ ഇത് കഴിച്ചോ... എനിക്ക് വേണ്ട... വിശപ്പില്ല... നിനക്ക് വിശപ്പ് ഉണ്ടോ ഇല്ലിയോ എന്നൊന്നും എന്നെ ബാധിക്കുന്ന കാര്യം അല്ല... പട്ടിണി കിടന്നു എന്തേലും പറ്റിയാൽ ഞാൻ തന്നെ വലിച്ചു കൊണ്ട് പോകേണ്ടേ... കൊണ്ട് പോകുന്നത് ആണോ അവിടെ ചെല്ലുമ്പോൾ അവര് ചോദിക്കും  ഭാര്യയെ പട്ടിണിക്ക് ഇട്ടത് എന്തിനാണെന്ന്... ഇതൊക്കെ ഉണ്ടാവാതെ ഇരിക്കാനാ... വാങ്ങിക്ക്... അവൾക്കെന്തോ സങ്കടം തോന്നി പോയി.. നാളെ തന്നെ പോയി കുറച്ചു പലചരക്കു സാധനം വാങ്ങണം.. വയ്യ ഇങ്ങനേ ആട്ടും തുപ്പും കേൾക്കാൻ...        ഇന്ദ്രന്റെ കയ്യിൽ നിന്നും ആഹാരം വാങ്ങി അവൾ ടേബിളിൽ കൊണ്ട് വെച്ച്... അവനെ തിരിഞ്ഞു നോക്കിയപ്പോൾ തന്നെത്തന്നെ നോക്കി നിൽക്കുവാണ്..... അവളൊരു കസേരയിൽ ഇരുന്നു.. കുറച്ചെടുത്തു ആഹാരം വായിൽ വെക്കുന്നത് കണ്ടപ്പോഴാണ് ഇന്ദ്രൻ പോയി വല്ലതും കഴിച്ചത് തന്നെ....         താൻ ഈ നാട്ടിൽ വന്ന നാൾ മുതൽ കാണുന്നതാ അവളെ... ചില പെൺകുട്ടികളെ പോലെ പ്രായത്തിന്റെതായ അഹങ്കാരമൊന്നും അവൾക്കില്ല... പക്ഷെ തന്നെ പറ്റിച്ചു.. അത് എങ്ങനെയാ ക്ഷമിക്കാൻ പറ്റുന്നത്...മുറിയിലെ ബെഡിൽ കിടന്നു കൊണ്ട് അവനോർക്കുക ആയിരുന്നു... സമയം നീങ്ങിക്കൊണ്ട് ഇരുന്നു.... മുറിയുടെ വാതിക്കൽ ആരോ നിക്കും പോലെ തോന്നിയത്തും അവൻ ഞെട്ടി എണീറ്റു ലൈറ്റ് ഇട്ടു... അവളാണ് തലയും താഴ്ത്തി നിൽക്കുവാണ് ഇരുട്ടത് വന്നു നിന്നു പേടിപ്പിക്കുന്നോടി പുല്ലേ.... അവൾ മിണ്ടാതെ നിൽക്കുന്നത് കണ്ടതും അവന് ചൊറിഞ്ഞു കയറി... നിന്റെ വായിൽ നാക്കില്ലെടി നാശമേ അവൾ മുഖമുയർത്തി.... ആ മുഖത്തു കരഞ്ഞതിന്റെ ലക്ഷണം ഉണ്ട്... എന്താടി.. എന്തിനാ നി കരയുന്നെ.... എനിക്ക് ഒറ്റയ്ക്ക് ആ മുറിയിൽ കിടക്കാൻ പേടിയാ.... അവളുടെ ആ പറച്ചിൽ കേട്ടതും അവൻ പൊട്ടി ചിരിക്കുവാൻ തുടങ്ങി..... ഇവനെന്തിനാ ഇങ്ങനേ ചിരിക്കുന്നത് എന്ന് ഓർത്തു പോയി അവൾ.... എടി... വേറെ ആർക്കെങ്കിലും പേടി ഉണ്ടെന്നു പറഞ്ഞിരുന്നെങ്കിൽ ഞാൻ വിശ്വസിച്ചേനെ.. പക്ഷെ നിനക്ക്.. അത് മാത്രം എന്നെ കൊണ്ട് പറ്റില്ല സത്യമായിട്ടും പേടിച്ചിട്ടാ... പേടി ഉള്ളവൾ ആണോ. ഇന്നലെ പാതിരാത്രിയിൽ ഇവിടെ കയറി വന്നത്... ഞാൻ ഒറ്റക്ക് താമസിക്കുന്ന വീട്ടിൽ. വന്നു കയറിയത്,... ഇന്നലെ നി ആ മുറിയിൽ ആയിരുന്നല്ലോ... അതിന് ഒരുപാടു നേരം ഒന്നും ഞാൻ ആ മുറിയിൽ ഇരുന്നില്ലല്ലോ.. അപ്പോഴേക്കും ആള് കൂടി ഇല്ലേ.. പിന്നെ ഇന്ദ്രേട്ടൻ എന്നെ തല്ലി എന്റെ ബോധം പോയി.. ബോധം വന്നപ്പോ വെളുപ്പിനെ ആയി.... എനിക്ക് ഈ രാത്രിയിൽ ഒറ്റയ്ക്ക് കിടക്കാൻ പേടിയാ.. ഞാൻ ഇവിടെ എവിടെ എങ്കിലും പായ വിരിച്ചു ഒന്ന് കിടന്നോട്ടെ..... നടക്കത്തില്ല.. നിനക്ക് ഇറങ്ങി പോകാം.... എന്റെ മുറിയിൽ കിടക്കാൻ നി എന്താടി എന്റെ ഭാര്യ ആണോ.. ഇവിടെ എന്റെ വീട്ടിൽ കിടക്കാൻ ഒരു ഇടം തന്നത് തന്നെ എന്റെ മര്യാദ... പോയി കിടന്ന് വേണേ ഉറങ്ങടി .. ലൈറ്റ് ഓഫാക്കി അവൻ വാതിലും അടച്ചു.... അവൾ അവന്റെ മുറിയുടെ വാതിക്കൽ തന്നെ ഇരുന്നു... പേടിച്ചു വിറച്ച്.... പരിജയം ഇല്ലാത്ത വീടാണ് അതാണ്‌ ഇത്രയും പേടി... പുറത്ത് പട്ടി വല്ലാത്ത ശബ്ദത്തിൽ മുരളുന്നു.... ചങ്ങല വലിക്കുമ്പോലെ ശബ്ദം... അവൾ ആ ഇരുപ്പ് അങ്ങനെ ഇരുന്നു... എപ്പോളോ ദാഹിച്ചപ്പോൾ വെള്ളം കുടിക്കാൻ എണീറ്റവൻ കാണുന്നത് വാതിലിനോട് മാറി ഇരിക്കുന്നവളെ ആണ്.... നാശം.. എണീറ്റു പോയില്ലേ ഇത് വരെ... അവൻ ദേഷ്യത്തിൽ  വാതിൽ അടച്ചു വീണ്ടും കിടന്നു... ഒരു കൈ തലയണക്ക് അടിയിൽ വെച്ച് മറു കൈ നെഞ്ചിലും വെച്ച്.... കണ്ണ് തുറന്നു തന്നെ കിടക്കുവാണ്..   തിരിഞ്ഞും മറിഞ്ഞും കിടന്നിട്ടു എന്തോ അവന് ഉറക്കം വന്നില്ല.. അതിന് കാരണം പുറത്ത് ഉറക്കം തൂങ്ങി ഇരിക്കുന്നവൾ  തന്നെ ആണ്... ഇന്ദ്രൻ കിടന്നിടത്തു നിന്നും വേഗം എണീറ്റു.... 💜💜 മുന്നിലേക്ക്‌ എന്തോ വന്നു വീണതും അവൾ കണ്ണ് തുറന്നു.. പായ.... ആ കട്ടിലിനു താഴെ സ്ഥലമുണ്ട് അവിടെ വന്നു കിടന്നോ..... അത്രയും പറഞ്ഞവൻ ഉള്ളിൽ കയറി പോയി.... ഇനിയും ഇവിടെ ഇരുന്നാൽ ഇങ്ങനേ ഇരിക്കുള്ളു എന്ന് അവൾക്കു മനസിലായി.. വേഗം ഓടി പിടഞ്ഞു മുറിക്കുള്ളിൽ ചെന്നു കയറി....      അവൾ നോക്കുമ്പോൾ ഒരുവൻ വെട്ടി ഇട്ട വാഴത്തണ്ട് പോലെ കട്ടിലും നിറഞ്ഞു കിടപ്പോണ്ട്.. കിടപ്പൊക്കെ കണ്ടാൽ തോന്നും ഞാൻ കട്ടിലിൽ കിടക്കാൻ ആണ് സ്ഥലം ചോദിച്ചത് എന്ന്.... എന്ത് ആരോഗ്യമാ.. ഇന്നലെ കിട്ടിയ അടിയുടെ വേദന ഇത് വരെ മാറിയിട്ടില്ല...      എന്റെ ഭംഗി നോക്കി നിൽക്കാതെ എവിടെ എങ്കിലും ചുരുണ്ടു കൂടി കിടക്കടി... അവൻ പറഞ്ഞു നിർത്തിയതും ചമ്മൽ മറച്ചു വെച്ച് വേഗം പായും തലയിണയും ബെഡ്ഷീറ്റും  ഇട്ടു കൊണ്ട് അവൾ കിടന്നു...   ഇങ്ങേർക്ക് പിറകിലും കണ്ണുണ്ടോ.... ഓർത്തു പോയവൾ.... ( തുടരും ) പ്രതിലിപിയില്‍ എന്നെ ഫോളോ ചെയ്യൂ, https://pratilipi.app.link/SPPR3GaZVYb പറ്റുന്നവർ പ്രതിലിപിയിൽ ഫോളോ കൂടി ചെയ്യണേ. ❤️💜 #📙 നോവൽ #നോവൽ അതിൽ ഇതിന്റെ 45 പാർട്ട്‌ ആയിട്ടുണ്ട്