#ఆదిత్య_హృదయం — #పరమ_పవిత్ర_స్తోత్రం (వాల్మీకి రామాయణం — యుద్ధకాండం నుండి) Aditya Narayan *పరిచయం: రామరావణ యుద్ధ సమయం. శ్రామికుడైన రాముడు యుద్ధభూమిలో నిలబడి ఉన్నాడు. ఆ సమయాన అగస్త్య మహర్షి దేవతలతో కలిసి రాముని వద్దకు వచ్చి, ఆయనకు "ఆదిత్య హృదయమనే దివ్య స్తోత్రాన్ని" ఉపదేశిస్తాడు. ఈ స్తోత్రం రాముడికి ధైర్యం, శక్తి, జయం కలిగించిన మహా మంత్రం. ఆదిత్యుడైన సూర్యభగవానుని స్తుతిస్తూ, ఆయనను సర్వదేవతాత్మకుడుగా వర్ణిస్తుంది. * ఉపదేశం: "రామా! ఈ స్తోత్రం సనాతనం, పుణ్యప్రదం, సర్వశత్రు నాశనం, ఆయుర్వృద్ధి కరం. దీనిని జపిస్తే యుద్ధంలో నీవు తప్పకుండా విజయం సాధిస్తావు!" అని అగస్త్య మహర్షి ఆరంభిస్తాడు. *అగస్త్య ఉవాచ: #రామరామహాబాహో శృణు గుహ్యం సనాతనం యేన సర్వానరీన్ వత్స సమరే విజయష్యసి ఓ రామా! గొప్ప బాహువులు గల రామా! ఈ రహస్యమును విను. నీకు యుద్ధంలో విజయం కలుగును గాక! . #ఆదిత్యహృదయం పుణ్యం సర్వశత్రువినాశనం జయావహం జపేన్నిత్యం అక్షయం పరమం శివం . ఈ ఆదిత్య హృదయం వలన పుణ్యం, శత్రు నాశనం కలుగును. దీనిని చదువుట వలన జయం, శుభం, పరము కలుగును. . #సర్వమంగళమాంగళ్యం సర్వపాపప్రణాశనం చింతాశోకప్రశమనం ఆయుర్వర్ధన ముత్తమం . ఇది అత్యంత శుభకరమైనది, మంగళకరమైనది, అన్ని పాపములను నాశనం చేయునది. చింత, శోకం, ఒత్తిడిలను తొలగించి ఆయుర్వృద్ధి కలిగించును .. #రశ్మిమంతం సముద్యంతం దేవాసుర నమస్కృతం పూజయస్వవివస్వంతం భాస్కరం భువనేశ్వరం . ప్రకాశకుడైన, దేవాసురులచే పూజింపబడిన, తన ప్రకాశంతో లోకాన్ని ప్రకాశింపజేస్తున్న ఆ భువనేశ్వరున్ని పూజింపుము .. #సర్వ దేవాత్మకో హ్యేశ తేజస్వీ రశ్మిభావనః ఏశ దేవాసురగణాన్ లోకాన్ పాతి గభస్తిభిః . ఈ ఆదిత్యుడు సకలదేవతలకు ఆత్మయైనవాడు. గొప్ప తేజం కలవాడు. తన కిరణాలతో లోకాలను రక్షిస్తుంటాడు. తన కిరణాలను ప్రసరింపజేయడం ద్వారా ఎండావానలను కలిగించి దేవదానవులను, సకలజనులను కాపాడుతున్నాడు. . #ఏశ బ్రహ్మా చ విష్ణుశ్చ శివః స్కందః ప్రజాపతిః మహేంద్రో ధనదః కాలో యమస్సోమో హ్యపాంపతిః . ఇతడు సమస్త శరీరాలు గలవాడగుటచే, ఇతడే బ్రహ్మా, విష్ణువు, కుమారస్వామి, ప్రజాపతుల రూపం, దేవేంద్రుడు, కుబేరుడు, కాలుడు, యముడు, చంద్రుడు, వరుణుడు. . #పితరో వసవః సాధ్యాః అశ్వినౌ మరుతో మనుః వాయుః వహ్నిః ప్రజాప్రాణా ఋతు కర్తా ప్రభాకరః ఇతడే పితృదేవతలు, వసువు, పంచభూతాలు, ప్రజలు శరీరంలోని ప్రాణవాయువు. ఋతువులను కలిగించే ప్రభాకరుడు. ఆదిత్య స్తోత్ర ప్రారంభం : #ఆదిత్యః సవితా సూర్యః ఖగః పూషా గభస్తిమాన్ సువర్ణసదృశో భానుః హిరణ్యరేతా దివాకరః . నీవు అదితి కుమారుడవు. నీవు సూర్యుడవు. నీవు ఆకాశంలో సంచరించేవాడివి. వర్షంతో జగాన్ని పోషించేవాడవు. పసిడి కిరణములు కలవాడవు. బంగారు తేజస్సు కలవాడవు. భానుడవు, హిరణ్యం రేతస్సుగా కలవాడవు. నీవు దివాకరుడవు. . #హరిదశ్వస్సహస్రార్చిః సప్తసప్తిర్మరీచిమాన్ తిమిరోన్మథనః శంభుస్త్వష్టా మార్తండ అంశుమాన్ . నీవు ఆకుపచ్చ గుఱ్ఱములు కలవాడవు. సహస్ర కిరణములు కలవాడవు. చీకటిని సంహరించేవాడివి. శుభములు కలుగజేసేవాడివి. బ్రహ్మాండాన్ని మరలా జీవింపజేయువాడవు. ప్రకాశవంతమైనవాడవు. . #హిరణ్యగర్భః శిశిరస్తపనో భాస్కరో రవిః అగ్నిగర్భోఅదితేః పుత్రః శంఖః శిశిరనాశనః . నీవు హితమనే రమణీయ మనస్సు కలవాడవు. చల్లనివాడవు. అగ్నిగర్భుడవు. అదితిపుత్రుడువు. సాయంకాలంలో శమించువాడవు. మంచును పోగొట్టేవాడవు. . #వ్యోమనాథ స్తమోభేదీ ఋగ్ యజుస్సామ పారగః ఘనవృష్టిరపాం మిత్రో వింధ్య వీథీ ప్లవంగమః . ఆకాశానికి నాధుడవు. చీకటిని పోగొట్టేవాడవు. ఋగ్వేదం, యజుర్వేదం, సామవేదంల పారంగుడవు. గొప్ప వర్షాన్ని కురిపించేవాడవు. నీటికి మిత్రుడవు. ఆకాశామార్గమున శీఘ్రంగా పోయేవాడవు. / #ఆతపీ మండలీ మృత్యుః పింగళః సర్వతాపనః కవిర్విశ్వో మహాతేజా రక్తః సర్వ భవోధ్భవః . ఎండ నిచ్చేవాడవు. గుండ్రనివాడవు. మృత్యువువి. ఉదయాన్నే లేతకిరణంలు కలవాడవు. మద్యాన్నం సర్వాన్ని తపింపజేయువాడవు. కవివి. మహాతేజుడవు. సమస్త కార్యాలకు కారణభూతుడవు.ఆదిత్యయోగీ. . #నక్షత్ర గ్రహతారాణాం అధిపో విశ్వ భావనః తేజసామపి తేజస్వీ ద్వాదశాత్మన్నమోస్తుతే . *నక్షత్రాలకు గ్రహాలకు నాయకుడవు. నీవే ఈ విశ్వ ఉనికికి కారణం. అన్ని తేజస్సుల కంటే తేజస్సును ఇచ్చువాడవు. ద్వాదశాదిత్యులలో అంతర్యామివైన నీకు నమస్కారం .. #నమః పూర్వాయ గిరయే పశ్చిమే గిరయే నమః జ్యోతిర్గణానాం పతయే దినధిపతయే నమః . *తూర్పుకొండతో కూడినవాడికి నమస్కారం. పడమటకొండతో కూడినవాడికి నమస్కారం. జ్యోతిర్గణాలకు అధిపతివైన నీకు నమస్కారం. పగటిని కలిగించే నీకు నమస్కారం. . #జయాయ జయభద్రాయ హర్యశ్వాయ నమో నమః నమో నమః సహస్రాంశో ఆదిత్యాయ నమో నమః . *జయుడకి నమస్కారం. జయభద్రునికి నమస్కారం. పచ్చని గుఱ్ఱములు గల నీకు నమస్కారం. సహస్రాంసునకు నమస్కారం. . #నమ ఉగ్రాయ వీరాయ సారంగాయ నమో నమః నమః పద్మ ప్రబోధాయ మార్తాండాయ నమో నమః . *ఉగ్రునకు నమస్కారం. వీరునకు, వేగంగా పయనించే నీకు నమస్కారములు. కమలములను వికసింపజేయు నీకు నమస్కారం. మార్తుండునికి నమస్కారం. . #బ్రహ్మేశానాచ్యుతేశాయ సూర్యోదయాదిత్యవర్చసే భాస్వతే సర్వభక్షాయ రౌద్రాయ వపుషే నమః. . *బ్రహ్మా, విష్ణు, మహేశుల అధిపతికి నమస్కారం. ఆదిత్య వర్చస్సుతో ప్రకాశించువానికి నమస్కారం. సర్వభక్షకునికి నమస్కారం. . #తమోఘ్నాయ హిమఘ్నాయ శత్రుఘ్నాయామితాత్మనే కృతఘ్నఘ్నాయ దేవాయ జ్యోతిషాం పతయే నమః . *చీకటిని పోగొట్టువానికి నమస్కారం. శత్రువులను వధించేవానికి నమస్కారం. గొప్ప తేజస్సు గలవానికి నమస్కారం. స్వయంప్రకాశం గలవానికి నమస్కారం. దేవునికి, జ్యోతిషపతికి నమస్కారం. . #తప్త చామీకరాభాయ వహ్నయే విశ్వకర్మణే నమస్తమోభినిఘ్నాయ రుచయే లొకసాక్షిణే . *బంగారుకాంతివంటి కాంతి కలవాడు, అగ్నిరూపునకు, జగత్తుకు కారణమైనవాడికి నమస్కారం. విశ్వకర్మకు నమస్కారం. ప్రకాశాస్వరూపునకు నమస్కారం. లోకసాక్షికి నమస్కారం. . #నాశయత్యేష వై భూతం తదైవ సృజతి ప్రభుః పాయత్యేష తపత్యేష వర్షత్యేష గభస్తిభిః . *ఈ ఆదిత్యుడే మహా ప్రళయకాలంలో ప్రపంచాన్ని నాశనం చేస్తాడు. తిరిగి తానే జగత్తును సృష్టిస్తాడు. నాశకాలం తప్ప, తక్కిన కాలంలో చక్కగా పరిపాలిస్తాడు.ఇతడు కిరణాలతో శోశింపజేస్తాడు, ఎండా, వానలను ఇస్తాడు.ఆదిత్యయోగీ. . #ఏష సుప్తేషు జాగర్తి భూతేషు పరినిష్ఠితః ఏష చైవాగ్నిహోత్రంచ ఫలం చైవాగ్నిహోత్రిణాం . #*సకల జీవులు నిద్రిస్తుండగా, వాటిలో అంతర్యామిగా మేల్కొని ఉంటాడు. అగ్నిహోత్రం, అగ్నిహోత్రఫలమూ ఇతడే. . #వేదాశ్చ క్రతవశ్చైవ క్రతూనాం ఫలమేవ చ యాని కృత్యాని లోకేషు సర్వన్యేషు రవి: ప్రభుః . *వేదాలు, యజ్ఞాలు, యజ్ఞఫలమూ ఇతడే. లోకంలోగల సర్వకార్యములకు ఈ రవియే ప్రభువు. . #ఏనమాపత్సు కృచ్చేషు కాంతారేషుభయేషు చ కీర్తయన్ పురుషః కశ్చిన్నావసీదతి రాఘవః . *రామా! ఆపదలలో, భయంకలిగించే ప్రదేశాలలో, ఈ స్తోత్రంతో సూర్యుడిని కీర్తించేవాడు అన్ని ఆపదలనుండి రక్షింపబడతాడు. #పూజయస్వైనమేకాగ్రో దేవదేవం జగత్పతిమ్ ఏతత్ త్రిగుణితం జప్త్వా యుద్ధేషు విజయిష్యసి . *నువ్వు మనస్సును ఏకాగ్రంచేసి ఆ దేవదేవుడు జగన్నాధుడైన సూర్యున్ని ఆరాదించు. ముమ్మార్లు ఈ స్తోత్రాన్ని జపిస్తే యుద్ధంలో విజయం నీకే. . #అస్మిన్ క్షణే మహాబాహో రావణం త్వం వధిష్యసి ఏవముక్త్వా తదాగస్త్యో జగామ చ యథాగతమ్ . '*మహాపరాక్రమశాలీ! నువ్వు ఈ క్షణాన్నే రావణుని సంహరిస్తావు' అని రామునితో అగస్త్య మహర్షి చెప్పి అక్కడినుండి నిష్క్రమిస్తాడు. . #ఏతచ్చ్రుత్వా మహాతేజా నష్టశోకోభవత్తదా ధారయామాస సుప్రీతొ రాఘవః ప్రయతాత్మవాన్ . *అప్పుడు మహాతేజోవంతుడైన రాముడు ధైర్యంతో ఆనందమును పొంది, నిర్మల హృదయంతో ఆదిత్య హృదయంను జపించాడు. . #ఆదిత్యం ప్రేక్ష్య జప్త్వాతు పరంహర్ష మవాప్తయాన్ త్రిరాచమ్య శుచిర్భూత్వా ధనురాదాయ వీర్యవాన్ . *రాముడు అలా ఆదిత్య హృదయమును జపించి మహదానందభరితుడయ్యాడు. తర్వాత ముమ్మార్లు ఆచమనం చేసి, మిగుల పరాక్రమముతో విల్లు ధరించాడు. . #రావణం ప్రేక్ష్య హ్రుష్టాత్మా యుద్ధాయ సముపాగమత్ సర్వ యత్నేన మహతా వధే తస్య ధృతోభవత్ . శ్రీరాముడు రావణున్ని చూసి ఉత్సాహంతో యుద్ధం చేయడం ప్రారంభించాడు. రావణున్ని సంహరించాలని ధృడంగా నిశ్చయించుకున్నాడు .. #అథ రవి రవదన్నిరీక్ష్య రామం ముదితమన్యాః పరమం ప్రహృష్యమాణః నిశిచరపతి సంక్షయం విదిత్వా సురగణమధ్యగతో వచస్త్వరేతి . అలా తనను జపించుతున్న శ్రీరామున్ని చూసి, రాక్షసరాజు వినాశనంను గ్రహించి, చాలా ఆనందంతో 'నీవింక రావణుని వధింప త్వరపడమని, నీకు విజయం తధ్యమ'ని సూర్యభగవానుడు రామునితో చెప్పెను. ##ఇతి ఆదిత్య హృదయే సంపూర్ణం.## * స్తోత్రంలోని ప్రధాన భావాలు: ఆదిత్యుడు సర్వ దేవతల ఆత్మ, సృష్టి, స్థితి, లయలకు కారణమైన శక్తి. ఆయనే బ్రహ్మ, విష్ణు, శివ, స్కంద, ఇంద్ర, యమ, కుబేర, వరుణ, చంద్రమా. ఆయన తేజస్సు లేనిది ఈ జగత్తులో ఏదీ లేదు. ఆయనను స్మరించినవారికి పాపక్షయం, దీర్ఘాయుష్యం, విజయం లభిస్తాయి. * సూర్యభగవానుని 12 నామాలు (ద్వాదశ నామాలు): ఆదిత్యః, సవితా, సూర్యః, ఖగః, పూషా, గభస్తిమాన్, సువర్ణసదృశో భానుః, హిరణ్యరేతాః, దివాకరః, హరిదశ్వః, సహస్రార్చిః, మార్తాండః, భాస్కరః. ప్రతి నామం సూర్యుని విభిన్న శక్తిని, తేజస్సును తెలియజేస్తుంది. * ఫలశ్రుతి: ఆదిత్య హృదయ స్తోత్రాన్ని భక్తితో జపించినవాడు శత్రువులను జయిస్తాడు, దుఃఖాలను తొలగించుకుంటాడు, ఆయుర్దాయం, ధైర్యం, జ్ఞానం, విజయాన్ని పొందుతాడు. రాముడు అగస్త్యుని ఉపదేశం విని, ఆదిత్య హృదయాన్ని ముమ్మార్లు జపించి, శుద్ధ చిత్తంతో యుద్ధానికి సిద్ధమయ్యాడు. అప్పుడు సూర్యభగవానుడు స్వయంగా ప్రసన్నమై — "రామా! రావణుని వధించు — నీ విజయము తధ్యము" అని ఆశీర్వదించాడు. అదే క్షణంలో రాముడు రావణుని సంహరించాడు. * భావార్ధం: ఆదిత్య హృదయం కేవలం స్తోత్రం కాదు — మనస్సులోని చీకట్లను పారద్రోలే జ్ఞానప్రకాశం. సంకట సమయాల్లో ధైర్యాన్ని, విశ్వాసాన్ని, సహనాన్ని నింపే ఆధ్యాత్మిక శక్తి ఇది....* #🌞శ్రీ సూర్యనారాయణ స్వామి🌞 #🌞 శ్రీ సూర్యనారాయణ స్వామి 🌞 #ఓం శ్రీ సూర్యనారాయణ స్వామి 🙏🏻 #సూర్య నారాయణస్వామి #నమో నమో నమః సూర్యదేవ నమో నమః