#🎬സിനിമ കോർണർ പൂർത്തിയാകും മുൻപേ 350 കോടി ക്ലബിൽ ‘ദൃശ്യം 3’; മലയാളത്തിലെ ഏറ്റവും വലിയ പണംവാരി ചിത്രം മലയാള സിനിമയുടെ വളർച്ചയുടെ തെളിവെന്ന് നിർമാതാവ് എം.രഞ്ജിത്ത് Photography : ആന്റണി പെരുമ്പാവൂർ,മോഹൻലാൽ, ജീത്തു ജോസഫ് മോഹൻലാൽ നായകനായി ആശീർവാദ് സിനിമാസ് നിർമിച്ച് ജീത്തു ജോസഫ് സംവിധാനം ചെയ്യുന്ന ‘ദൃശ്യം 3’ ഷൂട്ടിങ് നടന്നുകൊണ്ടിരിക്കുമ്പോൾ തന്നെ 350 കോടി ക്ലബിൽ കയറിയെന്നു വെളിപ്പെടുത്തൽ. മനോരമ ഹോർത്തൂസിന്റെ ‘ആകാശം തൊട്ട് മലയാളം സിനിമ: ദ് പവർ ബിഹൈൻഡ് ദ് റൈസ്’ എന്ന വിഷയത്തിലെ ചർച്ചയിലാണ് എക്സ്ക്ലൂസീവ് വാർത്ത പുറത്തുവിട്ട് നിർമാതാവ് എം.രഞ്ജിത്ത് ആവേശത്തിനു തിരികൊളുത്തിയത്. ഈ പ്രി ബിസിനസ്സ് ഡീലിലൂടെ മലയാളത്തിൽ ഏറ്റവും വലിയ പണം വാരി ചിത്രമെന്ന റെക്കോർഡും ‘ദൃശ്യം 3’ നേടിക്കഴിഞ്ഞു. ഷൂട്ടിങ് നടന്നുകൊണ്ടിരിക്കുമ്പോൾ തന്നെ ഇന്ത്യയിലെ ഒരു പ്രാദേശികഭാഷാ ചിത്രത്തിന് ഇത്രയും വലിയ ബിസിനസ് ലഭിക്കുന്നത് ആദ്യമായാണ്. വാസ്തവത്തിൽ മലയാളത്തിൽ ഇതുവരെ ഇറങ്ങിയ ബ്ലോക്ബസ്റ്റർ സിനിമകൾ തിയറ്ററിൽ നിന്നും നേടി ആകെ തുക, ഷൂട്ടിങ് പൂർത്തിയാക്കും മുൻപെ ‘ദൃശ്യം 3’ നേടിക്കഴിഞ്ഞു. ഒരു ചിത്രത്തിന് തിയറ്ററുകളില്‍ നിന്നും ആകെ കലക്‌ഷനായി 350 കോടിയോളം നേടുമ്പോൾ മാത്രമേ നിർമാതാവിന് 100 കോടിയിലധികം പ്രോഫിറ്റ് ഷെയർ ലഭിക്കുക. ‘ദൃശ്യം 3’യുടെ തിയറ്റർ, ഓവർസീസ്, ഡിജിറ്റർ അവകാശങ്ങൾ പനോരമ സ്റ്റുഡിയോസ് സ്വന്തമാക്കിയതോടെയാണ് മലയാള സിനിമയുടെ ചരിത്രത്തിലെ തന്നെ സ്വപ്നതുല്യമായ ഈ മൂന്നക്ക മാന്ത്രികസംഖ്യയിലേക്ക് റിലീസിനു മുമ്പേ ചിത്രം എത്തിച്ചേര്‍ന്നത്. ഒരു മലയാള സിനിമയ്ക്ക് ലഭിക്കുന്ന ഏറ്റവും വലിയ ബിസിനസ്സ് ഡീൽ കൂടിയാണിത്. എന്നിരുന്നാൽ തന്നെയും നിർമാതാവായ ആന്റണി പെരുമ്പാവൂരിനും ആശീർവാദിനും സിനിമയുടെ പ്രോഫിറ്റ് ഷെയർ അവകാശം ഇപ്പോഴുമുണ്ട്. ഷൂട്ടിങ് നടന്നുകൊണ്ടിരിക്കുമ്പോൾ തന്നെ ഇന്ത്യയിലെ ഒരു പ്രാദേശികഭാഷാ ചിത്രത്തിന് ഇത്രയും വലിയ ബിസിനസ് ലഭിക്കുന്നത് ആദ്യമായാണ്. അങ്ങനെ നോക്കിയാൽ എത്രയോ ഉയരത്തിലാണു മലയാള സിനിമ എത്തിയിരിക്കുന്നത്. മികവുള്ള സിനിമകൾ കൂടുന്നുമുണ്ട്. ഏറ്റവും നല്ല തിയറ്ററുകൾ ഉള്ളതും കേരളത്തിലാണ്. ‘തുടരും’ സിനിമ ഇറങ്ങിയതിനു ശേഷം കിട്ടിയ ഷെയർ 55 കോടി രൂപയാണ്. സിനിമ വിജയിക്കുമ്പോൾ ഏറ്റവും കൂടുതൽ പണം കിട്ടുന്നതു സർക്കാരിനാണെന്നും രഞ്ജിത്ത് പറഞ്ഞു. ചർച്ചയിൽ നിർമാതാവ് ലിസ്റ്റിൻ സ്റ്റീഫനും പങ്കെടുത്തു. എഴുത്തുകാരൻ ലിജീഷ് കുമാർ ചർച്ച നയിച്ചു. അതേസമയം, 10 ശതമാനത്തിൽ താഴെ മാത്രം വിജയിക്കുന്ന സിനിമാ ഇൻഡസ്ട്രിയാണു മലയാളമെന്നും അതു വച്ചാണ് ഈ വ്യവസായം ഓടുന്നതെന്നും ബാക്കി 90% സിനിമകളും ഓടുന്നില്ലെന്നും നിർമാതാവ് ലിസ്റ്റിൻ സ്റ്റീഫൻ ചൂണ്ടിക്കാട്ടി. ‘തുടരും’, ‘ലോക’, ‘കാന്താര 2’ എന്നീ 3 സിനിമകളാണ് ഈ വർഷത്തെ വലിയ ഹിറ്റ് എന്നു പറയാൻ പറ്റുന്നത്, അല്ലെങ്കിൽ 150 കോടി കടന്നത്. ഈ 150 കോടി നിർമാതാവിന് ഒറ്റയ്ക്കു കിട്ടുന്നതല്ല. തിയറ്ററിലേക്ക് കാഴ്ചക്കാർ കൊടുക്കുന്ന തുകയാണത്. സെസും മറ്റും കഴിഞ്ഞ് ഇതിന്റെ മൂന്നിലൊന്നാണു പ്രൊഡ്യൂസർക്കു കിട്ടുന്നത്. പല നിർമാതാക്കളും ഒന്നുമില്ലാത്ത അവസ്ഥയിലേക്കു പോയിക്കൊണ്ടിരിക്കുകയാണ്. അപ്പോഴും ആർട്ടിസ്റ്റുകളുടെയും ടെക്നീഷ്യൻമാരുടെയും റേറ്റിൽ മാറ്റംവന്നിട്ടില്ല – ലിസ്റ്റിൻ സ്റ്റീഫൻ പറഞ്ഞു. #🔥 കട്ട ഹീറോയിസം #🍿 സിനിമാ വിശേഷം #😎 ബുധനാഴ്ച സ്പെഷൽ സ്റ്റാറ്റസ്