‎*•།आजचे_ऐतिहासिक_शिवदिनविशेष།•* ‎📜 १६ नोव्हेंबर इ.स.१६७७ ‎(मार्गशीर्ष शुद्ध द्वितीया शके १५९९ संवत्सर पिंगळ वार शुक्रवार) ‎व्यंकोजीराजे यांच्या फौजेबरोबर मराठ्यांची चकमक! ‎       किल्ले जिंजीचा सुभा संताजी भोसले व हंबीरराव मोहीते यांच्यासह रघुनाथपंतांच्या ताब्यात देऊन महाराज ४००० घोडेस्वारांसह ते ऑक्टोबर इ.स.१६७७ च्या शेवटी जिंजीहून निघाले. त्यांच्या सोबत आनंदराव व मानाजी मोरे हेही होते. आपला मुलुख महाराजांनी‌ बळकावल्यामुळे व्यंकोजीराजे चिडून जाणे स्वाभाविक होते. त्यांनी मदुरेचा नायक व अन्य पाळेगार यांच्याशी संगनमत करून महाराजांची पाठ फिरताच आपला मुलुख परत मिळविण्याचे ठरविले.त्याप्रमाणे महाराज‌ निघून जाताच ४००० स्वार व १०००० पायदळ जमवून त्यांनी युद्धाची तयारी चालविली. यावेळी हंबीरराव मोहीते व संताजी भोसले ६००० स्वार व ६००० पायदळासह वालगुंडपुरास होते. व्यंकोजीराजे यांचे सैन्य त्यांच्या वर चालून आले. दोन्ही सैन्य समोरासमोर आली तरी लढाईस तोंड लागेना. कारण कित्येक दिवस व्यंकोजीराजे यांच्या सैन्याच्या तळावरून गिधाडांचा कळप रोज जात असे. या अपशकुनाला भिऊन व्यंकोजीराजे युद्ध टाळीत होते. ‎ ‎📜 १६ नोव्हेंबर इ.स‌.१६७९ ‎ऑगस्ट १६७९ मध्ये छत्रपती शिवाजी महाराजांनी पावसाळ्याचा फायदा घेऊन इंग्रज व सिद्दीच्या समुद्री हालचालींना पायबंद घालण्यासाठी मुंबईजवळील खांदेरी बेट ताब्यात घेऊन त्यावर बांधकाम सुरू केले.या कामी इंग्रजानी विरोध करत खांदेरीची नाकेबंदी केली. याचबरोबर आपल्या भांडणाचा फायदा घेऊन सिद्दीने हे बेट ताब्यात घेऊ नये ही काळजीही ते घेत होते. पण नोव्हेंबर महिन्यात सिद्दी २ मोठ्या नौका ३ डोलकाठयांची ५ फ्रिगेट्स २ गुराब आणि २५ गलबतांचे आरमार घेऊन मुंबईजवळ दाखल झाला.आपल्या बरोबर त्याने लगेच खांदेरीची बातमी मिळवली की खांदेरीवर ३०० सैनिक २०० कामकरी व फक्त १२ तोफा आहेत. सिद्दीचा मुख्य हेतू खांदेरीवर हल्ला करून ते ताब्यात घेणे व त्याच्या साहाय्याने शिवाजी महाराजांच्या मुलखात लुटालूट करणे हा असल्याने त्याने गलबतामधून खांदेरीवर तोफांचा मारा सुरू केला. खांदेरीवरील मराठ्यांनीही त्याला चोख प्रत्युत्तर दिले. त्याचबरोबर सिद्दीने खांदेरीवर हल्ला करण्यासाठी इंग्रजांशीही बोलणे लावले. ‎ ‎📜 १६ नोव्हेंबर इ.स.१७१३ ‎कान्होजी आंग्रे आणि शाहू राजे (पहिले) यांच्यामध्ये १६ नोव्हेंबर १७१३ रोजी तह झाला. सातारकर छत्रपतींची कोकणची जहागीर मोगलांपासून सुरक्षित राखण्याची जबाबदारी छत्रपती पहिले राजाराम यांनी सिधोजी घोरपडे यांचेवर सोपविली होती, परंतु हे जोखमीचे काम घोरपडे पार पाडू शकले नाही आणि पुढे ही जवाबदारी कान्होजींवर आली. ‎ ‎📜 १६ नोव्हेंबर इ.स.१८५२ ‎महात्मा फुले यांनी अस्पृश्यांनाही शाळेत प्रवेश ‎देण्यास सुरुवात केले हे लक्षात येताच लहुजींनी महार,मातंग वस्तीमध्ये जाऊन तेथील मुलांना फुलेंच्या शाळेत पाठविण्यासही प्रयत्न सुरु केले. अस्पृश्य समाजासाठी शैक्षणिक कार्य केल्याबद्दल शिक्षण खात्याने १६ नोव्हेंबर १८५२ रोजी फुलेंचा सत्कार केला, त्या ‎समारंभास लहूजी वस्ताद जातीने हजर होते. ‎ ‎📜 १६ नोव्हेंबर इ.स.१९१५ ‎गदर पार्टीचे सदस्य आणि लाहोर कटातील क्रांतिकारक विष्णू गणेश पिंगळे यांच्यासह ७ जणांना फाशी देण्यात आले. ‎ ‎*≈≈≈≈≈≈≈≈≈≈≈≈≈≈≈≈≈≈≈≈* ‎*आपल्या राजा शिवछत्रपती Whatsapp समुहामध्ये सामील होण्यासाठी खाली दिलेल्या लिंकवर क्लिक करून आपले नाव आणि पत्ता सांगा आपल्याला समुहामध्ये सामील केले जाईल..*👇👇 ‎*♠️ अजय सोनवणे* ‎https://wa.me//918605494249 #🙏आई एकविरा 🙏 #☘️हर हर महादेव🙏🏼 #🚩शिवराय #🙏शिवदिनविशेष📜 #🚩छत्रपती संभाजी महाराज स्टेटस🙏 ‎*≈≈≈≈≈≈≈≈≈≈≈≈≈≈≈≈≈≈≈≈≈* ‎*WhatsApp ग्रुप लिंक* ‎*།། राजा शिवछत्रपती །། इतिहास माझ्या राज्याचा समुह क्र.०१* ‎https://chat.whatsapp.com/EBOf3f2DDie3q5GrvcKYNA ‎ ‎*།། राजा शिवछत्रपती །། इतिहास माझ्या राज्याचा समुह क्र.०२* ‎https://chat.whatsapp.com/F0OcXttE6x1LrWYF9eqWdb ‎*≈≈≈≈≈≈≈≈≈≈≈≈≈≈≈≈≈≈≈≈≈≈* ‎*-----------☆★۩۞۩★☆-----------* ‎*राजा शिवछत्रपती, इतिहास माझ्या राज्याचा* ‎*महाराष्ट्र राज्य* ‎*-----------☆★۩۞۩★☆-----------* ‎*जय जगदंब जय जिजाऊ* ‎  *जय शिवराय जय शंभूराजे* ‎           *जय गडकोट* ‎       *!! हर हर महादेव !!* ‎