📖നേർവായന എപ്പിസോഡ് : 1250 ഇന്നത്തെ വിഷയം: വിഗ്രഹാരാധനയിലേക്ക് നയിക്കൽ ▪️ ഭാഗം - 02 (അവസാന ഭാഗം) ✒️ശമീർ മദീനി ➖➖➖➖➖➖➖➖➖ 🔲തങ്ങൾ മോശക്കാരാണെന്നും അതിനാൽ അല്ലാഹുവിലേക്ക് അടുപ്പിക്കുവാനും അവന്റെ പക്കൽ ശുപാർശ ചെയ്യുവാനും ഇത്തരം ‘മഹത്തുക്കളായ’ ആളുകളെ കൂട്ടുപിടിച്ച് അവർക്ക് ആരാധനകൾ അർപ്പിക്കുന്നതിലൂടെ സാധ്യമാകും എന്നുമാണ് പിശാച് അവർക്ക് ബോധനം നൽകിയത്. അല്ലാഹു പറയുന്നു: “അല്ലാഹുവിന് പുറമെ, അവർക്ക് ഉപദ്രവമോ ഉപകാരമോ ചെയ്യാത്തതിനെ അവർ ആരാധിച്ചുകൊണ്ടിരിക്കുന്നു. ഇവർ (ആരാധ്യർ) അല്ലാഹുവിന്റെ അടുക്കൽ ഞങ്ങൾക്കുള്ള ശുപാർശക്കാരാണ് എന്ന് പറയുകയും ചെയ്യുന്നു. (നബിയേ,) പറയുക: ആകാശങ്ങളിലോ ഭൂമിയിലോ ഉള്ളതായി അല്ലാഹുവിനറിയാത്ത വല്ലകാര്യവും നിങ്ങളവന്ന് അറിയിച്ചു കൊടുക്കുകയാണോ? അല്ലാഹു അവർ പങ്കുചേർക്കുന്നതിൽനിന്നെല്ലാം എത്രയോ പരിശുദ്ധനും ഉന്നതനുമായിരിക്കുന്നു’’ (10:18). സൃഷ്ടികളോട് സമീപസ്ഥനും സർവശക്തനും കരുണാവാരിധിയും ഉത്തരം ചെയ്യാൻ സന്നദ്ധനുമായ സ്രഷ്ടാവിനെ വിട്ടാണ് ദുർബലരായ ഈ സൃഷ്ടികളെ ആരാധ്യന്മാരായി അവർ സ്വീകരിച്ചിരിക്കുന്നത് എന്ന കാര്യം എത്രമാത്രം വിരോധാഭാസമാണ്! പക്ഷേ, മഹാഭൂരിപക്ഷവും ആ യാഥാർഥ്യം കാണാതെ പോകുന്നു അഥവാ പിശാച് അവരെ വിസ്മരിപ്പിക്കുന്നു. അല്ലാഹു പറയുന്നത് കാണുക: “നിങ്ങളുടെ രക്ഷിതാവ് പറഞ്ഞിരിക്കുന്നു: നിങ്ങൾ എന്നോട് പ്രാർഥിക്കൂ ഞാൻ നിങ്ങൾക്ക് ഉത്തരം നൽകാം. എന്നെ ആരാധിക്കാതെ അഹങ്കാരം നടിക്കുന്നവരാരോ അവർ വഴിയെ നിന്ദ്യരായിക്കൊണ്ട് നരകത്തിൽ പ്രവേശിക്കുന്നതാണ്; തീർച്ച’’ (40:60). “അഥവാ, കഷ്ടപ്പെട്ടവൻ വിളിച്ചു പ്രാർഥിച്ചാൽ അവനു ഉത്തരം നൽകുകയും വിഷമം നീക്കിക്കൊടുക്കുകയും നിങ്ങളെ ഭൂമിയിൽ പ്രതിനിധികളാക്കുകയും ചെയ്യുന്നവനോ (അതല്ല, അവരുടെ ദൈവങ്ങളോ?) അല്ലാഹുവോടൊപ്പം വേറെ വല്ല ദൈവവുമുണ്ടോ? കുറച്ച് മാത്രമെ നിങ്ങൾ ആലോചിച്ച് മനസ്സിലാക്കുന്നുള്ളൂ’’ (27:62). ➖➖➖➖➖➖➖➖ Join Our WhatsApp Group: https://qr1.be/4M9V ➖➖➖➖➖➖➖➖ “നിന്നോട് എന്റെ ദാസൻമാർ എന്നെപ്പറ്റി ചോദിച്ചാൽ ഞാൻ (അവർക്ക് ഏറ്റവും) അടുത്തുള്ളവനാകുന്നു (എന്ന് പറയുക). പ്രാർഥിക്കുന്നവൻ എന്നെ വിളിച്ച് പ്രാർഥിച്ചാൽ ഞാൻ ആ പ്രാർഥനയ്ക്ക് ഉത്തരം നൽകുന്നതാണ്. അതുകൊണ്ട് എന്റെ ആഹ്വാനം അവർ സ്വീകരിക്കുകയും എന്നിൽ അവർ വിശ്വസിക്കുകയും ചെയ്യട്ടെ. അവർ നേർവഴി പ്രാപിക്കുവാൻ വേണ്ടിയാണിത്’’ (2:186). മനുഷ്യ ചരിത്രത്തിൽ വ്യത്യസ്ത സമൂഹങ്ങളിൽ വിഗ്രഹാരാധന കടന്നുവന്ന വിവിധ സംഭവങ്ങൾ വിവരിക്കുന്ന പല റിപ്പോർട്ടുകളും പണ്ഡിതന്മാർ ഉദ്ധരിക്കുന്നുണ്ട്. (ഉദാഹരണത്തിന് ഇബ്‌നുൽ ജൗസി (റഹി)യുടെ തൽബീസു ഇബ്‌ലീസ് പേജ് 68,69). ➖➖➖➖➖➖➖➖ Like Our Thread page: https://www.threads.net/@wisdom_media_channel ➖➖➖➖➖➖➖➖ എങ്ങനെയെല്ലാമാണ് പിശാ ച് മനുഷ്യനെ ബഹുദൈവാരാധനയിലേക്ക് തെളിച്ചു കൊണ്ടുപോകുന്ന തെന്ന് വ്യക്തമാക്കുന്ന ചിത്രം അതിൽനിന്ന് മനസ്സിലാക്കാൻ കഴിയും. ഒറ്റയടിക്ക് ഒരാളെ ബഹുദൈവാരാധകനാക്കി മാറ്റാൻ കഴിയില്ല. അതിനാൽ പടിപടിയായി പലപല തന്ത്രങ്ങളിലൂടെയാണ് ഏറ്റവും വലിയ അപരാധമായ ബഹുദൈവാരാധനയിലേക്ക് ഒരു മനുഷ്യനെ പിശാച് കൊണ്ടെത്തിക്കുന്നത്. ➖➖➖➖➖➖➖ Like Our Twitter: https://twitter.com/WisdomMedia_ ➖➖➖➖➖➖➖➖ അതിലൂടെ അയാൾക്ക് സ്വർഗം നിഷിദ്ധമാക്കുവാനും നരകം അനിവാര്യമാക്കുവാനും സാധിക്കുന്നു. ബഹുദൈവാരാധന എന്ന പൊറുക്കപ്പെടാത്ത അപരാധം പേറുന്നതിലൂടെ സകലമാന സൽകർമങ്ങളും തകർന്നു പോവുകയും ചെയ്യുന്നു. അതിലൂടെ പിശാച് തന്റെ ദൗത്യം പൂർത്തീകരിച്ച സന്തോഷത്തിലാ യിരിക്കും. അതിനാൽ കൃത്യമായി പഠിച്ചറിഞ്ഞ് വിശ്വാസരംഗങ്ങളിൽ പുഴുക്കുത്തുകൾ കടന്നുവരാതെ സൂക്ഷിക്കുക. അല്ലാഹു അനുഗ്രഹിക്കട്ടെ! ➖➖➖➖➖➖➖➖ Compiled by Wisdom IT wing WhatsApp:9633882244 Source:https://www.nerpatham.com #WisdomGlobalTV #WisdomIslam #wisdommedia