Wisdom Media
703 views •
📖നേർവായന
എപ്പിസോഡ് : 1252
ഇന്നത്തെ വിഷയം:
ശിരോവസ്ത്രം: നീതി തോൽക്കുന്നു!
▪️ ഭാഗം - 02
(അവസാന ഭാഗം)
✒️വിൻസന്റ് വെലൂക്കാരൻ ആന്റണി
➖➖➖➖➖➖➖➖➖
🔲തിന്മ ചെയ്യിച്ച് അനേകരെ ദൈവത്തിൽ നിന്നകറ്റുന്നതിനും അനേകർക്ക് മനോവിഷമം ഉണ്ടാക്കുന്ന തിനും തങ്ങളുടെ പ്രവൃത്തി കാരണമായിരിക്കുന്നു എന്നു കണ്ടപ്പോൾ അവർക്ക് ചാരിതാർഥ്യം തോന്നിയിരിക്കും. ചാരിതാർഥ്യം? അതെ! സാത്താന്റെ ദാസന്മാർക്ക്, ഒരു തിന്മയെ സൃഷ്ടിക്കുന്നതിലാണ് ചാരിതാർഥ്യം അനുഭവപ്പെടുക. ഒരു തിന്മയെ കാണുമ്പോൾ നടുങ്ങുന്നവരുടെയല്ല; പിന്നെയോ, അതു കണ്ടിട്ട് ആർത്താർത്തു പൊട്ടിച്ചിരിക്കുന്നവരുടെയാണ് ഈ ലോകം! സ്നേഹശൂന്യതയിൽ ആനന്ദിക്കുന്നവരുടെ ലോകം.
തങ്ങളുടെ മതനിയമം പാലിക്കാനായി, സ്കൂൾ അധികാരികളോട് യാചിക്കാനും വാദിക്കാനും പൊതുസമൂഹത്തോട് പിന്തുണ വാങ്ങാനുമൊക്കെ വിദ്യാർഥിനിയുടെ രക്ഷിതാക്കൾ ശ്രമിച്ചുനോക്കി. എന്നാൽ ഇത്; ദൈവം പിശാചിനെ ഏൽപിച്ച ലോകമാണ്. ഇത് തിന്മയുടെ ലോകക്രമമാണ്.
ഇവിടെ നീതി പരിഹാസ്യമായി പരാജയപ്പെട്ടു. അധികാരികൾ നീതിക്കൊപ്പം നിന്നില്ല. കോടതികളിൽ നീതി പ്രവർത്തിച്ചില്ല. പത്രങ്ങൾ നീതിക്കായി നിലനിന്നില്ല. നീതിയെന്തെന്നു പൊതുജനവും മനസ്സിലാക്കിയില്ല. ദൈവഹിതത്തെ ധിക്കരിച്ച സന്യാസിനികൾക്കും പുരോഹിതന്മാർക്കും, ലോകം പിന്തുണ കൊടുത്തു
➖➖➖➖➖➖➖➖
Join Our WhatsApp Group:
https://qr1.be/4M9V
➖➖➖➖➖➖➖➖
പത്രങ്ങളും ചാനലുകളും അവരെ ന്യായീകരിച്ചു. രാഷ്ട്രീയക്കാർ ശരിയെ പ്രതിരോധിക്കാൻ ഒരുമിച്ചു. ഭരണകൂടം പൊട്ടൻകളി കാഴ്ചവെച്ചു കളം മാറി. നീതിക്കായി നിലവിളിച്ചവരെ ഭീകരവാദികളായി മുദ്രകുത്തി. അവരെ ഭീഷണിപ്പെടുത്തി ഒഴിവാക്കി. വിഷയത്തിലെ ന്യായമെന്തെന്നു വിവരിക്കാനായി ഞാനൊരു ലേഖനം എഴുതിയപ്പോൾ, എനിക്കും അനുഭവപ്പെട്ടത് കടുത്ത പ്രതിരോധം മാത്രം. ഇത് ദൈവം ആഹ്വാനം ചെയ്തിരിക്കുന്ന നന്മയിൽ നിന്നും തിന്മയിലേക്കുള്ള നവോത്ഥാനത്തിന്റെ അവസാന കാലഘട്ടമാണ്. അധാർമികമായ ഏതൊരു കാര്യത്തെയും ഭരണകൂടങ്ങൾ ഉയർത്തിപ്പിടിച്ചു കൊണ്ടു വരുന്നത് നവോത്ഥാനമെന്ന പേരെഴുത്തോടെ ആയിരിക്കും.
➖➖➖➖➖➖➖➖
Join Our Telegram:
https://t.me/DailyNervazhi
➖➖➖➖➖➖➖➖
നവോത്ഥാനമെന്നാൽ നഗ്നതാ പ്രദർശനമെന്നും ദൈവനിരാസമെന്നും തുറന്ന ധിക്കാരമെന്നും മാതാപിതാക്കളുടെ നിയന്ത്രണങ്ങളിൽനിന്നുള്ള വിടുതലെന്നും ലൈംഗിക അരാജകത്വമെന്നും അങ്ങനെയങ്ങനെയുള്ള സർവസ്വാതന്ത്ര്യമെന്നും ആധുനിക കാലത്തെ ജനങ്ങൾ ധരിച്ചിരിക്കുന്നു.
➖➖➖➖➖➖➖➖
Join Our Facebook Group:
https://www.facebook.com/WisdomMediaChannel/
➖➖➖➖➖➖➖➖
അങ്ങനെയൊരു പുനർ ഉയിർത്തെഴുന്നേൽപ്പിനായി ജനം കൊതിച്ചു കാത്തുനിൽക്കുന്നു. ആയതിനാൽ അവർക്ക് ശിരോവസ്ത്രം വേണ്ടേ വേണ്ട. ശിരോവസ്ത്രം ആവശ്യപ്പെടുമ്പോഴല്ല; നിങ്ങൾ അതിലേക്ക് തുപ്പാൻ തയ്യാറാകുമ്പോഴാണ് നിങ്ങൾ സമൂഹത്തിൽ അംഗീകരിക്കപ്പെടുന്നത്. അപ്പോഴാണ് നിങ്ങൾക്ക് സ്നേഹം ലഭിക്കുന്നത്. അപ്പോഴാണ് നിങ്ങൾക്ക് പ്രോത്സാഹനം ലഭിക്കുന്നത്. അപ്പോഴാണ് നിങ്ങൾക്ക് അധികാരം ലഭിക്കുന്നത്. അപ്പോഴാണ് നിങ്ങൾക്ക് പ്രശസ്തി ലഭിക്കുന്നത്.
ശിരോവസ്ത്രത്തെ തള്ളിപ്പറഞ്ഞ സന്ന്യാസിനി, ഈ ലോകത്തിൽ സമ്മാനിതയാണ്. അവർക്ക് ആലയമുണ്ട്. അധികാരമുണ്ട്. തിന്മയുടെ എല്ലാ ശക്തികളുടെയും പിന്തുണ അവർക്കുണ്ട്. അവരെ പോലെയുള്ള അനേകരെ സംരക്ഷിക്കാനായി സാത്താൻ ദൈവസമൂഹങ്ങളെന്ന കപടനാമങ്ങളിൽ ഈ ലോകത്തിൽ അനേകം സഭകൾ ഉണ്ടാക്കിയിട്ടിട്ടുണ്ട്. അവിടങ്ങളിൽ നിന്നും നമ്മൾ നീതി പ്രതീക്ഷിക്കരുത്.... ദൈവഹിതമല്ലോ എന്ന വിവേകചിന്തയാൽ, മാന്യമായി വസ്ത്രം ധരിക്കാൻ ആഗ്രഹിച്ച്, അതിനായി അധികാരികളോട് അപേക്ഷിച്ച്, അനുമതി ലഭിക്കാതെ അവഹേളിതയായ പാവം പൈതലാളിനും അവളുടെ രക്ഷിതാക്കൾക്കും എന്റെ ഐക്യദാർഢ്യം.’’
➖➖➖➖➖➖➖➖
Compiled by
Wisdom IT wing
WhatsApp:9633882244
Source:https://www.nerpatham.com
#wisdommedia #WisdomGlobalTV #WisdomIslam
7 likes
13 shares
