#🌍నా తెలంగాణ #📰ఈరోజు అప్‌డేట్స్ #🏛️పొలిటికల్ అప్‌డేట్స్ #kcr #BRS party నేడే కేసీఆర్‌ ప్రజా ఆశీర్వాద సభ ✊🏻 విప్లవోద్యమ స్ఫూర్తి నేలపై గులాబీ బహిరంగ సభ 💥 🎯 హోరెత్తుతున్న ‘కేసీఆర్‌ రావాలి.. రేవంత్‌ పోవాలి’ నినాదం ♦️ 2006లో ఉద్యమ దశ, దిశ మార్చిన భారీ ధూంధాం 📢 సమరశంఖం పూరించనున్న బీఆర్‌ఎస్‌ అధినేత 🔸 ఆసక్తిగా ఎదురుచూస్తున్న తెలంగాణ ప్రజానీకం 📌 బీఆర్‌ఎస్‌లో చేరనున్న మాజీమంత్రి జీవన్‌రెడ్డి. ఆయన వెంట వందల మంది అనుచరులు కూడా.. 📣 గులాబీమయమైన పట్టణం.. భారీ ఏర్పాట్లు చేసిన పార్టీ శేణులు ఐదు దశాబ్దాల క్రితం.. రగల్‌జెండా నీడలో లక్షలాది రైతుకూలీల జైత్రయాత్రతో జంగ్‌ నడిపింది జగిత్యాల. అరుణారుణ అరణ్య భారతానికి దిక్సూచిగా నిలిచింది. పాతికేండ్ల క్రితం.. తెలంగాణ ఇగ రాదనుకొని నిస్పృహ మేఘం కమ్మినప్పుడు, సింహగర్జన సభతో పర్జన్యశంఖం పూరించింది కరీంనగర్‌ గడ్డ. గల్లీ నుంచి ఢిల్లీదాకా కాంగ్రెస్‌ కుట్రలపై కత్తిమొనై మెరిసింది. ఉద్యమమైనా, ఉపఎన్నికైనా ‘దేఖ్‌లేంగే’ అని బరిగీసి కొట్లాడింది. ఎన్నిక ఏదైనా గుండెను చీల్చి, ప్రజాకాంక్షను పట్టి చూపించింది. ఆత్మగౌరవ పతాకను ఆకాశమంత ఎత్తున నిలిపింది. ఇప్పుడు అదే ఆత్మగౌరవం కోసం మరోసారి తొడగొడుతున్నది జగిత్యాల. కాంగ్రెస్‌ దుష్టపాలనకు చరమగీతం పాడేందుకు దగాపడిన జనమంతా దండు కడ్తున్నరు. ‘అధికార’ అణచివేతలను దాటుకొని, రాజకీయ రణగర్జనకు రంగం సిద్ధమైంది. నేడు జగిత్యాలలో బీఆర్‌ఎస్‌ ప్రజా ఆశీర్వాద సభ. కేసీఆర్‌ రాక కోసం, మాట కోసం ఎదురుచూస్తున్నది తెలంగాణ. రేవంత్‌రెడ్డి అనుసరిస్తున్న తీరు, కాంగ్రెస్‌ ప్రభుత్వ వైఫల్యాలను సహించలేక సీనియర్‌ నాయకుడు, మాజీ మంత్రి జీవన్‌రెడ్డి ఆ పార్టీకి గుడ్‌బై చెప్పి, సోమవారం బీఆర్‌ఎస్‌లో చేరుతున్నారు. ఆయన ఇప్పటికే ‘కేసీఆర్‌ రావాలి.. రేవంత్‌రెడ్డి పోవాలి’ అనే నినాదాన్ని తెరపైకి తీసుకొచ్చారు. ఇప్పుడదే నినాదం ఊరూవాడల్లో మార్మోగుతున్నది.