#😪અમદાવાદ પ્લેન ક્રેશની પહેલી વરસી🙏, દરરોજની જેમ એ દિવસે પણ બપોરે આકાશ તેની માતા માટે ટિફિન લઈને ઘરથી થોડેક દૂર બી. જે. મેડિકલની મેસની બહાર રોડ પર આવેલી ચાની કીટલીએ આવ્યો હતો. માતાએ જમી લીધું'તું અને પછી આકાશ સામેની સાઈડ ઝાડના છાંયામાં સૂઈ ગયો હતો. જોતજોતામાં આભમાંથી અમદાવાદથી લંડન જતું એર ઈન્ડિયાનું AI171 પ્લેન ક્રેશ થઈને ધડાકાભેર મેસની બિલ્ડિંગ પર પડ્યું અને આગ લાગી ગઈ. એટલું જ નહીં પ્લેનનું પાંખિયું રોડની સામેની સાઈડ સૂતેલા આકાશ પર પડ્યું અને..., અમદાવાદમાં થયેલી પ્લેન ક્રેશની ગોઝારી ઘટનાને આજે એક વર્ષ પૂરું થયું, ત્યારે ગુજરાત સમાચાર ડિજિટલની ટીમે તેમના ઘરની મુલાકાત લીધી હતી. માસૂમ મૃતક આકાશના માતા સીતા બહેન સાથે વાતચીત કરી હતી. ત્યારે તેઓ ચોધાર આંસૂએ દીકરાને યાદ કરી રહ્યા હતા અને કહેતાં હતા કે, 'મારો દીકરો કહેતો કે, મમ્મી, હું ભણી-ગણીને આગળ નીકળીશ અને તમને બેઠા બેઠા ખવડાવીશ.' અમદાવાદ પ્લેન ક્રેશની ભયાનક દુર્ઘટનાને આજે એક વર્ષ પૂર્ણ થયું છે. AAIBના સંભવિત વચગાળાના અથવા અંતિમ રિપોર્ટથી દુર્ઘટના સાથે જોડાયેલા અનેક મહત્વપૂર્ણ રહસ્યો પરથી પડદો ઊંચકાશે તેવી આશા છે. અમદાવાદમાં સર્જાયેલી એર ઈન્ડિયાની A-171 ફ્લાઈટની ભયાનક દુર્ઘટનાને આજે એક વર્ષ પૂર્ણ થઈ રહ્યું છે. ત્યારે એરક્રાફ્ટ એક્સિડન્ટ ઇન્વેસ્ટિગેશન બ્યુરો (AAIB) બુધવારે આ અકસ્માત અંગેનો વચગાળાનો અથવા અંતિમ તપાસ અહેવાલ જાહેર કરે તેવી શક્યતા છે. ઉડ્ડયન ક્ષેત્રના નિષ્ણાતો માને છે કે આ અહેવાલ દુર્ઘટના સાથે જોડાયેલા કેટલાક સૌથી મહત્ત્વપૂર્ણ અને ચર્ચાસ્પદ પ્રશ્નોના જવાબ આપી શકે છે.સૌથી મોટો પ્રશ્ન એ છે કે ટેકઓફ બાદ ગણતરીની સેકન્ડોમાં વિમાનનાં બંને એન્જિનની ફ્યૂઅલ કટઓફ સ્વિચ 'રન' સ્થિતિમાંથી 'કટઓફ' સ્થિતિમાં કેવી રીતે ખસી અને બંને એન્જિનમાં ઈંધણનો પુરવઠો કેમ બંધ થઈ ગયો. ઈન્ટરનેશનલ સિવિલ એવિયેશન ઓર્ગેનાઈઝેશન (ICAO)ના નિયમો અનુસાર જો કોઈ દુર્ઘટનાનો અંતિમ અહેવાલ 12 મહિનામાં જાહેર ન થઈ શકે તો સંબંધિત દેશે દુર્ઘટનાની વર્ષગાંઠે તપાસની પ્રગતિ અને સલામતી સંબંધિત મુદ્દાઓ દર્શાવતું જાહેર નિવેદન બહાર પાડવું જરૂરી હોય છે.અહેવાલમાં કોકપિટમાં થયેલી ટૂંકી વાતચીતનો પણ ઉલ્લેખ હતો, જેમાં એક પાઇલટે બીજા પાઇલટને પૂછ્યું હતું કે તેણે ફ્યૂઅલ કેમ બંધ કર્યું, જ્યારે સામના પાઇલટે એવું કોઈ પગલું ભર્યું ન હોવાનું જણાવ્યું હતું. આ ખુલાસા બાદ દુર્ઘટનાનાં કારણોને લઈને બે અલગ અલગ થિયરી સામે આવી હતી. એક થિયરી અનુસાર સ્વિચ માનવીય હસ્તક્ષેપના કારણે ખસી હોઈ શકે, જ્યારે બીજી થિયરીમાં કોઈ ટેકનિકલ ખામીના કારણે આખો ઘટનાક્રમ સર્જાયો હોવાનું માનવામાં આવે છે.નિષ્ણાતોનું માનવું છે કે જો AAIB ICAOનાં ધોરણો અનુસાર વચગાળાનો અહેવાલ પણ જાહેર કરશે તો તેમાં બ્લેક બોક્સમાંથી પ્રાપ્ત થયેલી મહત્ત્વપૂર્ણ માહિતીનો સમાવેશ થઈ શકે છે. દુર્ઘટના બાદ એક મહિના પછી જાહેર કરાયેલા પ્રાથમિક અહેવાલમાં ખુલાસો થયો હતો કે ટેકઓફ બાદ સેકન્ડોમાં જ બંને એન્જિનની ફ્યૂઅલ કંટ્રોલ સ્વિચ 'રન'માંથી 'કટઓફ' સ્થિતિમાં પહોંચી ગઈ હતી, જેના કારણે બંને એન્જિનમાં ઈંધણનો પુરવઠો બંધ થઈ ગયો હતો. #🔥 બિગ અપડેટ્સ #🗞️ ગુજરાત અપડેટ્સ #👀 વાયરલ સ્ટોરી અપડેટ 🎬 #📜 સ્પેશ્યલ સ્ટોરી