गरमागरम थालीपीठ आणि त्यावर लोण्याचा गोळा म्हणजे अगदी मन तृप्त करणारा पदार्थ 😍 फ्रिजमध्ये थोडी मेथी आणि पालक शिल्लक होता. “याचं काय करायचं?” असा विचार करताना लगेच थालीपीठ आठवलं 😊 मग पटकन भाजणी पीठ काढली आणि तयार झाले मस्त पौष्टिक मेथी-पालक थालीपीठ! साहित्य : * २ कप थालीपीठ भाजणी * १ कप बारीक चिरलेली मेथी * १ कप बारीक चिरलेला पालक * १ कांदा बारीक चिरलेला * १ गाजर किसून * २ हिरव्या मिरच्या * ५-६ लसूण पाकळ्या * १ टीस्पून जिरे * १ चमचा ओले खोबरे बारीक तुकडे केलेले ( South मध्ये घालतात, अप्रतिम चव येते) * ½ टीस्पून हळद * १ टीस्पून लाल तिखट * मीठ चवीनुसार * थोडे तीळ (ऐच्छिक) ( माझ्याकडे संपले होते मी स्किप केले) तुम्ही आवर्जून घाला * चिली फ्लेक्स आणि ऑर्गेनो * पाणी आवश्यकतेनुसार * भाजण्यासाठी तेल / तूप कृती : 1. एका मोठ्या परातीत भाजणी पीठ घ्या. 2. त्यात मेथी, पालक, कांदा, गाजर घाला , मिक्सर मध्ये हिरवी मिरची, लसूण, जिरे, ओले खोबरे चांगले वाटून घ्या.. परातीत हे मिश्रण घ्या आणि हळद, तिखट, मीठ , चिली फ्लेक्स, ओरिगैनो घाला. 3. थोडे थोडे पाणी घालत मऊसर पीठ भिजवा. 4. तवा गरम करा. सुती कापड घेऊन (मी इथे पार्चमेंट पेपर वापरला आहे) किंवा केळीच्या पानावर हाताने थालीपीठ थापा. 5. मध्ये छोटे छिद्र करा आणि तव्यावर सोडा. 6. बाजूने तेल किंवा तूप घालून दोन्ही बाजूंनी छान खरपूस भाजून घ्या. लोणी, दही, लसूण चटणी किंवा घरच्या लोणच्यासोबत खूपच छान लागते. छोटासा टिप : मेथीची कडवट चव कमी हवी असेल तर चिरलेली मेथी थोड्या मिठात ५ मिनिटे ठेवून नंतर वापरा 😊 #😋आम्ही खादाडी🥧