💕ZAYANARA 💕 ഭാഗം :2 ✍🏻Thasnieeem 🌷🌷🌷 ദുബായിലെ ഈ ആർട്ട് ഗാലറിയിലെ ഓരോ സെക്കൻഡും എന്നെ വല്ലാതെ ശ്വാസം മുട്ടിക്കുകയാണ്. ഗ്ലാസ് ഭിത്തികൾക്ക് അപ്പുറം ബുർജ് ഖലീഫയുടെ വെളിച്ചം മിന്നുന്നുണ്ട്. പക്ഷേ എന്റെ ഉള്ളിൽ തെളിയുന്നത് പാലക്കാടുള്ള എന്റെയാ  വലിയ തറവാടും അവിടുത്തെ ഓരോ ദിനങ്ങളുമാണ്. അഞ്ച് വർഷംത്തിന് ശേഷം സയാൻ ഹൈദർ എന്ന ആ പേര് എന്റെ കാതിൽ മുഴങ്ങുമ്പോൾ ഇന്നും ഞാനറിയാതെ തന്നെ എന്റെ കൈകാലുകൾ വല്ലാതെ വിറയ്ക്കും.ഹൃദയമിടിപ്പും പരിധിയിൽ കൂടുതൽ ഉയരും. ​ഇന്ന് ഞാൻ ഈ ഗാലറിയിലെ ഏറ്റവും വലിയ പെയിന്ററാണ്. പക്ഷേ അന്ന്... എന്റെ 18-ാം വയസ്സിൽ... ഞാൻ വെറുമൊരു സാധാരണ പെൺകുട്ടിയായിരുന്നു. സ്വപ്നം മാത്രം കാണുന്ന അത് നേടിയെടുക്കാൻ ശ്രമിക്കാത്ത ഒരു പൊട്ടിപ്പെണ്ണ്... അന്നൊരു ശനിയാഴ്ച ദിവസമായിരുന്നു. കർട്ടൻക്കുള്ളിലൂടെ മുഖത്തേക്ക് തട്ടിയ സൂര്യപ്രകാശം മുഖത്തേക്ക് പതിച്ചതോടെ ഞാൻ മെല്ലെ കണ്ണുതുറന്നു. മുറിയിൽ എന്റെ പ്രിയപ്പെട്ട ലാവെൻഡർ പെർഫ്യൂമിന്റെ മണം തങ്ങിനിൽക്കുന്നുണ്ട്. എന്തോ അതിന്റെ ഗന്ധമെനിക്ക് വല്ലാത്തൊരു പോസെറ്റീവ് എനർജിയാണ് നൽകുക. പതിവുപോലെ,എഴുന്നേറ്റ ഉടനെതന്നെ ഞാൻ, ബെഡിനരികിലായി സെറ്റ് ചെയ്തിട്ടുള്ള ചെറിയ ടേബിളിന്റെ മുകളിൽ നിന്നും എന്റെ സ്കെച്ച് ബുക്ക് കൈയിൽ എടുത്തു. അന്ന് മനസ്സ് നിറഞ്ഞ സന്തോഷമായിരുന്നു എന്നിൽ നിറഞ്ഞു നിന്നിരുന്നത്. അതിനൊരു കാരണവുമുണ്ട്, അതെന്താണെന്ന് വച്ചാൽ പാലക്കാടിലെ പ്രശസ്തമായ 'റോയൽ അക്കാദമി ഓഫ് ഫൈൻ ആർട്‌സ്' കോളേജിൽ എനിക്ക് അഡ്മിഷൻ കിട്ടിയിരുന്നു! ഡിഗ്രി 1st ഇയർ വിഷ്വൽ ആർട്‌സ് ആൻഡ് ഡിസൈനിംഗ് ഡിപ്പാർട്ട്‌മെന്റിലായിട്ട്.  പെട്ടന്നുതന്നെ കുളിച്ച് പല്ലൊക്കെ തേച്ച് മുകളിൽ നിന്നും താഴേക്കുള്ള സ്റ്റെപ്സ് ഇറങ്ങി, ​താഴെ ഹാളിൽ നിന്ന് ഉപ്പ സാൻ ഹാഷിമിന്റെയും ഉമ്മ മറിയം സാനിന്റെയും സംസാരങ്ങൾ കേൾക്കാമായിരുന്നു. ഞാൻ വേഗം അവരുടെ അടുത്തേക്ക് ചെന്നു. ഉമ്മ എനിക്കായി സ്പെഷ്യൽ ബ്രേക്ക്ഫാസ്റ്റ് ഒരുക്കിയിരുന്നു.എന്താണെന്നറിയോ... നല്ല ആവി പറക്കുന്ന 3 നല്ല വെളുത്ത പാലപ്പവും തേങ്ങാപ്പാൽ മണക്കുന്ന നല്ല ചിക്കൻ സ്റ്റ്യൂവും. ഞാനതിന്റെ ഓരോ പീസും ആസ്വദിച്ചു കഴിച്ചു. "മോളേ, പർച്ചേസിംഗിന് പോകാൻ സെറ ഇപ്പോൾ എത്തുമെന്ന് പറഞ്ഞു,നിന്റെ ഫോണിലേക്ക് വിളിച്ചിട്ട് കിട്ടാത്തോണ്ട് എന്നെ വിളിച്ച് പറഞ്ഞതാ. " ഉമ്മ ഓർമ്മിപ്പിച്ചു. അള്ളോഹ്..., ഞാൻ ഫോൺ ഉറങ്ങാൻ നേരം സ്വിച്ച്ഡ് ഓഫ്‌ ചെയ്തിരുന്ന കാര്യം ആകെ മറന്നു.ഒരു പത്തിരുപത് പ്രാവശ്യമെങ്കിലും അവളെന്റെ ഫോണിലേക്ക് വിളിച്ചോക്കിയിട്ടുണ്ടാവും.ഇന്ന് ആ പെണ്ണെന്നെ കൊല്ലും🥲.... ഭക്ഷണം കഴിഞ്ഞു വെപ്രാളത്തിൽ ഞാൻ മുറിയിലേക്ക് ഓടി. കോളേജിൽ ചേരുന്നതിന് മുൻപുള്ള ആ പർച്ചേസിംഗ് എനിക്ക് അത്രയ്ക്കും സ്പെഷ്യൽ ആയിരുന്നു. അതുകൊണ്ടുതന്നെ ഞാൻ ഒരു പീച്ച് കളറിൽ ഉള്ള ഒരു ഡിസൈനർ കുർത്തയും  അതിനു മാച്ചിങ് ആയിട്ട് വെളുത്ത നിറത്തിലുള്ള ബോർഡറുകൾ ഉള്ള വൈറ്റ് പലാസോ പാന്റ്സുമായിരുന്നു ധരിച്ചിരുന്നത്. ബാക്കിയുള്ള വസ്ത്രങ്ങളെക്കാളും  ഒരു പ്രത്യേക സ്റ്റാൻഡേർഡ് ലുക്ക് എനിക്ക് നൽകുന്നത് പലാസോ ആണെന്ന് എനിക്ക് പലപ്പോഴും തോന്നിയിട്ടുണ്ട്.അതുകൊണ്ടാണ് ഈ വേഷവും. കൂടാതെ ​അതിനോടൊക്കെ നല്ല രീതിയിൽ മാച്ച് ആകുന്ന ഒരു ഷാൾ കൂടെ എടുത്ത് തലയിലൂടെ ഭംഗിയായി ചുറ്റി. ഞാൻ സ്വയം പുകഴ്ത്തുകയാണെന്ന് തോന്നരുത് 😌എന്റെ ഇളം കാപ്പി നിറത്തിലുള്ള കണ്ണുകൾക്ക് ആ ഷാൾ ഒരു പ്രത്യേക ഭംഗി നൽകിയിരുന്നതായി എനിക്ക് തോന്നി. ഇനി എന്റെ ആഭരണങ്ങൾ... കാതിൽ ചെറിയ ഒറ്റക്കല്ല് പതിപ്പിച്ച സ്റ്റഡ്, കയ്യിൽ ഉപ്പ എനിക്ക് പത്താം ക്ലാസ്സിൽ സമ്മാനിച്ച പഴയ ഒരു സ്വർണ്ണ വള തന്നെ.ഞാൻ 10ത്തിൽ പഠിക്കുമ്പോൾ അത്യാവശ്യം നല്ലരീതിക്ക് ഡുണ്ടുമണി ആയിരുന്നു.ഇപ്പോഴും അതെ തടി തന്നെ ആയതുകൊണ്ട് എനിക്കാ വള കറക്റ്റ് പാകവും, എന്റെ ageന് എന്റെ weight പക്കാ മാച്ചും തന്നെയാണ്. എന്തൊക്കെ ആയാലും ഹയ്റ്റ് കുറച്ച് കുറവാണ്. എന്നെ അടക്കാകുരുവി എന്നൊക്കെയാണ് ക്ലാസ്സിലുള്ളവരൊക്കെ വിളിച്ചിരുന്നത് 😭കണ്ണിൽ ബ്ലഡ്‌ ഇല്ലാത്ത തെണ്ടികൾ. ഇനി നമുക്ക് വിഷയത്തിലേക്ക് തിരിച്ചുവരാം.., കഴുത്തിൽ വളരെ നേരിയൊരു സ്വർണ്ണ മാലയും. ഓവർ ആയിട്ടുള്ള മേക്കപ്പ് എനിക്കിഷ്ടമില്ല, അതുകൊണ്ട് അല്പം ഐലൈനറും ന്യൂഡ് ഷേഡ് ലിപ്സ്റ്റിക്കും മാത്രം ഇട്ടു. എന്റെ ഫോണും എടുത്ത് ഞാൻ താഴേക്ക് നടന്നു. അപ്പോഴേക്കും ​മുറ്റത്ത് നിന്നും ഹോൺ ശബ്ദം കേട്ടു. സെറ എത്തിയതിന്റെയാണത്. പെട്ടന്നുതന്നെ ഉമ്മാനോടും ഉപ്പാനോടും യാത്ര പറഞ്ഞുകൊണ്ട് സെറയുടെ അടുത്തേക്കൊടി.... അവളുടെ ഇന്നത്തെ വേഷം എന്നെ അത്ഭുതപ്പെടുത്തി. അവൾ ഒരു ലാവെൻഡർ  നിറത്തിലുള്ള ഫ്ലോറൽ പ്രിന്റഡ് കുർത്തിയും വൈറ്റ് പലോസാ പാൻ്റ്‌സുമാണ് ധരിച്ചിരുന്നത്. മുടി പകുതി ക്ലിപ്പിട്ട് ബാക്കി അഴിച്ചിട്ടിരുന്നു. കഴുത്തിൽ ഒരു ചെറിയ സിൽവർ കുരിശുമാല തിളങ്ങുന്നുണ്ടായിരുന്നു. അവൾക്ക് വല്ലാത്തൊരു പോസിറ്റീവ് വൈബ് ആയിരുന്നു അന്ന്. സാധാരണ കാറിലാണ് ഞങ്ങൾ പോകാറുള്ളത്, പക്ഷേ അന്ന് അവൾ വന്നത് അവളുടെ പ്രിയപ്പെട്ട മിന്റ് ഗ്രീൻ കളർ സ്കൂട്ടിയിലായിരുന്നു. ​"ഇനാറ, ഇന്ന് നമുക്ക് ഈ നല്ല കാറ്റൊക്കെ ആസ്വദിച്ചു കറങ്ങാം," സെറ കുസൃതിയോടെ പറഞ്ഞു. ​ഞാൻ അവളുടെ പുറകിൽ കയറി. പാലക്കാടിലെ  ചെറിയ റോഡുകളിലൂടെ, അതുപോലെതന്നെ സൈഡിലെ നെൽ വയലുകളിൽ നിന്നുള്ള ഇളം തെന്നലിന്റെ സ്പർശനവുമേറ്റ് ഞങ്ങൾ യാത്ര തിരിച്ചു. റോഡ് സൈഡിൽ നിന്നിരുന്ന വാകമരങ്ങളുടെ നിഴലും പൂക്കളും റോഡിനുമീതെ പതിച്ചിരുന്നു. അതുപോലെതന്നെ കാറ്റിൽ പെട്ട് കൊഴിയുന്ന ചില വാകപൂക്കൾ ഞങ്ങളുടെ മേലേക്കും വീണിരുന്നു. ഞങ്ങളുടെ ലക്ഷ്യമെന്നത് പാലക്കാടിലെ ഏറ്റവും വലിയ എലൈറ്റ് മാളായ 'ദ ഹൈലാൻഡ് മാൾ' ആയിരുന്നു.അത്യാവശ്യം ദൂരം യാത്ര ചെയ്യാനുണ്ട് അങ്ങോട്ട് എത്താൻ. ​"സെറ, സൂക്ഷിച്ചു വണ്ടി ഓടിക്കണേ,പിന്നെ എനിക്ക് ഡ്രസ്സുകൾ ഒരുപാട് വാങ്ങാനുണ്ട്. അതൊക്കെ കോളേജിലേക്ക് പോവുമ്പോൾ ഇട്ടുതീർക്കാനുള്ളതാ..." ഞാൻ അവളുടെ തോളിൽ പതിയെ അടിച്ചുകൊണ്ട് പറഞ്ഞു. ഇനാറ, നീ വല്ലാതെ ഗ്ലോ ആവുന്നുണ്ടല്ലോ... ഇനി ഫൈൻ ആർട്‌സിലെ ആൺപിള്ളേരൊക്കെ നിന്നെ കണ്ടു ഫ്ലാറ്റ് ആവുമല്ലോ," സെറ കുസൃതിയോടെ പറഞ്ഞു. ​"നീ ഒന്ന് നിർത്തുന്നുണ്ടോ സെറ? നമുക്ക് കോളേജിലേക്ക് വേണ്ട മെറ്റീരിയൽസും പുതിയ ഡ്രസ്സുകളും എടുത്ത് വേഗം തിരിച്ചു വീട്ടിലെത്താൻ ഉള്ളതാ," ഞാനവൾക്ക് ചിരിച്ചുകൊണ്ട് മറുപടി നൽകി. ​"നീ പേടിക്കാതെ മോളേ. ഞാൻ നേരെ ശ്രദ്ധിച്ചു ഓടിച്ചോളാം. ആ പിന്നേയ്..., നിന്റെ ഡിപ്പാർട്ട്‌മെന്റിൽ സയാൻ ഹൈദർ എന്നൊരു ഹീറോ ഉണ്ടെന്ന് കേട്ടു.അവന്റെ വീട് ആ മാളിന്റെ അടുത്തെങ്ങാണ്ടോ ആണ്. എന്തായാലും അവനെ നമുക്ക് ഇന്ന് മാളിൽ എവിടെയെങ്കിലും കാണാൻ പറ്റുമോ എന്ന് നോക്കാം. കിട്ടിയാൽ നമുക്കതൊരു നേത്ര ദർശനവും ആവും.," അവൾ ചിരിച്ചുകൊണ്ട് പറഞ്ഞു. സയാൻ എന്ന പേര് ഞാൻ അന്ന് ആദ്യമായാണ് കേൾക്കുന്നത് തന്നെ . 🌷🌷🌷 മാളിലേക്ക് അവർ കയറി. സെറ ഓരോ ഭാഗത്തേക്കും പോയി ഇനാറ അതുപോലെ അവൾക്കും ചേരുന്ന ഡ്രസ്സുകൾ നോക്കാൻ തുടങ്ങി.  ഒടുവിൽ അവർ മാളിലെ സെക്കൻഡ് ഫ്ലോറിലുള്ള പ്രീമിയം ആർട്ട് മെറ്റീരിയൽ സെക്ഷന്റെ മുന്നിലെത്തി. 🌷🌷🌷 ഞങ്ങൾ നേരെ പോയത് സെക്കൻഡ് ഫ്ലോറിലുള്ള ഒരു പ്രീമിയം ലാവെൻഡർ കളക്ഷൻ സെക്ഷനിലേക്കാണ്. അവിടെ നിന്നും എന്റെ റൂമിലേക്ക് വേണ്ടിയുള്ള എയർ ഫ്രഷ്നറുകളും പെർഫ്യൂമുകളും നോക്കുകയായിരുന്നു ഞങ്ങൾ. ​ഷെൽഫിലെ ഏറ്റവും മുകളിലത്തെ തട്ടിൽ ഇരുന്നിരുന്ന ഒരു പ്രത്യേക 'ലിമിറ്റഡ് എഡിഷൻ' ലാവെൻഡർ പെർഫ്യൂം ബോട്ടിൽ എനിക്ക് വല്ലാതെ ഇഷ്ടപ്പെട്ടു. അത് എടുക്കാൻ വേണ്ടി ഞാൻ കൈ നീട്ടി. എന്നാൽ അതേ നിമിഷം തന്നെ മറ്റൊരു കൈയും ആ കുപ്പി ലക്ഷ്യമാക്കി നീണ്ടു വന്നു. ഞങ്ങൾ ​രണ്ടുപേരുടെയും കൈകൾ ആ കുപ്പിക്ക് മുകളിൽ വെച്ച് ഒന്നായി. അവന്റ കയ്യുടെ ​ആ തണുത്ത സ്പർശനമേറ്റപ്പോൾ പെട്ടന്ന് എന്റെ ശരീരത്തിലൂടെ ഒരു മിന്നൽ പിണർ പാഞ്ഞുപോയി. ഞാൻ പതുക്കെ തലയുയർത്തി നോക്കി.ന്റെ സാറേ ചുറ്റും ഉള്ളതൊന്നും കാണാൻ പറ്റാത്ത ഫീലായിരുന്നു അപ്പോൾ.കറുത്ത സിൽക്ക് ഷർട്ടും നീല ജീൻസും ധരിച്ച ഒരു അടാറ് മൊഞ്ചൻ . അവന്റെ ആ ഹേസൽ കണ്ണുകൾ കണ്ടതും എന്റെ ശ്വാസം ഒരു നിമിഷം നിലച്ചുപോയത് പോലെ തോന്നി. ആ കണ്ണുകളിൽ കണ്ണെടുക്കാതെ നോക്കാൻ തോന്നിപ്പിക്കുന്ന രീതിയിൽ വല്ലാത്തൊരു വശ്യതയുണ്ടായിരുന്നു.... അവൻ പതുക്കെ ആ കുപ്പി എനിക്ക് നേരെ നീട്ടി ഒരു കുസൃതിച്ചിരിയോടെ എന്റെയരികിൽ നിന്നും നടന്നു നീങ്ങിയപ്പോഴാണ് എന്റെ ശ്വാസമെനിക്ക് തിരിച്ചുകിട്ടിയത്. ​അപ്പോഴേക്കും സെറ എന്റെ അടുത്തേക്ക് വന്നു. അവളുടെ മുഖത്ത് വല്ലാത്തൊരു അത്ഭുതവും ആകാംക്ഷയും ഉണ്ടായിരുന്നു. ​"ഇനാറ... നീ.. നീയവനെ കണ്ടോ? അതാരുന്നെന്ന് നിനക്കറിയാമോ?" സെറ എന്റെ തോളിൽ പിടിച്ചു കുലുക്കി. ഇല്ല സെറ.... അവനാരാണ് ? നമ്മുടെ കോളേജിലാണോ. അവൻ പഠിക്കുന്നത്.?" ഞാൻ പതുക്കെയവളോട് ചോദിച്ചു. എന്റെ ഉള്ളിലെ വിറയൽ അപ്പോഴും മാറിയിരുന്നില്ല. ​സെറ തന്റെ സ്കൂട്ടറിന്റെ കീ കയ്യിലിട്ടു കറക്കിക്കൊണ്ട് എന്നെ അടുത്തുള്ള ഒരു കഫേയിലേക്ക് കൂട്ടിക്കൊണ്ടുപോയി. "വാ, നിനക്ക് ഞാൻ പറഞ്ഞുതരാം.. അതാരാണെന്നൊക്കെ." ​ഞങ്ങൾ ആ കഫേയിലെ വെൽവെറ്റ് സോഫയിൽ ഇരുന്നു. സെറ അവളുടെ ഫോൺ ടേബിളിൽ വെച്ച് ഗൗരവത്തിൽ എന്നെ നോക്കി. "എടി മോളേ..., ആ പോയവൻ അതാണ്,സയാൻ ഹൈദർ. നമ്മുടെ റോയൽ അക്കാദമിയിലെ ഫൈൻ ആർട്‌സ് ഡിപ്പാർട്ട്‌മെന്റിലെ ഫൈനൽ ഇയർ സ്റ്റുഡന്റ് ആണവൻ. പിന്നെ വെറുമൊരു സ്റ്റുഡന്റ് മാത്രമല്ല അവൻ, ആ കോളേജിന്റെ തന്നെ നെടുംതൂണാണവൻ. അതായത് മനസ്സിലാവുന്ന ഭാഷയിൽ പറഞ്ഞാൽ വലിയൊരു ബിസിനസ്സ് സാമ്രാജ്യത്തിന്റെ ഏക അവകാശി. പക്ഷേ അതൊന്നുമല്ല അവന്റെ ഹൈലൈറ്റ്." ​സെറ അല്പം കൂടി മുന്നോട്ട് ആഞ്ഞിരുന്നു. " അവനൊരു ജീനിയസ് ആണ് ഇനാറ. അവന്റെ പെയിന്റിംഗുകൾക്ക് ഇന്റർനാഷണൽ ലെവലിൽ വരെ അവാർഡുകൾ കിട്ടിയിട്ടുണ്ട്. പക്ഷേ അവൻ അല്പം അപകടകാരിയാണ്. അവനധികം  ആരോടും സംസാരിക്കില്ല, ആരോടും കൂട്ടുകൂടില്ല. ആ ഹേസൽ കണ്ണുകളിൽ നോക്കാൻ പോലും പലർക്കും പേടിയാണ്. കോളേജിലെ പെൺകുട്ടികൾക്കിടയിൽ അവൻ ഒരു ഹീറോ ആണ്. എല്ലാവർക്കും അവനോട്‌ ആരാധനയും ഇഷ്ടമാണ്, പക്ഷേ ആരും അവന്റെ അടുത്തേക്ക് പോകാൻ ധൈര്യപ്പെടില്ല." ​സെറയുടെ വാക്കുകൾ കേട്ടപ്പോൾ എന്റെ ഉള്ളിൽ എന്തോ ഒരു ഭയം തോന്നി. " അപ്പോൾ അവൻ അത്ര പവർഫുൾ ആണോ?" ​"പവർഫുൾ എന്നല്ല മോളേ, അവൻ ഒരു വാശിക്കാരന്റെ പോലെയാണ്. സയാൻ ഹൈദർ എന്തെങ്കിലും ഒന്ന് തീരുമാനിച്ചാൽ അത് അവൻ നേടിയിരിക്കും. അത് ഒരു പെയിന്റിംഗ് ആയാലും... ഇനി ഒരാളുടെ ജീവിതം ആയാലും. നീ ഭാഗ്യവതിയാണ്, കാരണം സാധാരണ ഗതിയിൽ അവൻ ആരോടും ഇങ്ങനെ സംസാരിക്കാറില്ല. അവൻ നിന്നെ നോക്കി ചിരിച്ചുവെങ്കിൽ,ആ പെർഫ്യൂം കുപ്പിക്ക് വേണ്ടി അവൻ കൈ നീട്ടിയതും നിന്നെ നോക്കി ചിരിച്ചതും നീ നിസ്സാരമായി കാണണ്ട. ഒരുപക്ഷേ സയാൻ ഹൈദറിന്റെ ലിസ്റ്റിൽ നീ കയറിക്കഴിഞ്ഞു, അത് വരാനിരിക്കുന്ന വലിയ എന്തിന്റെയോ തുടക്കമാണ്." കഫേയിലെ ആ കോൾഡ് കോഫി കുടിക്കുമ്പോഴും എന്റെ ഉള്ളിലെ വിറയൽ മാറിയിരുന്നില്ല. ആ ഹേസൽ കണ്ണുകൾ എന്നെ നോക്കി ചിരിച്ചത് ഇപ്പോഴും കൺ മുന്നിലിങ്ങനെ ലൈവ് ആയി കാണുന്നത് പോലെ തോന്നുന്നു. ​"അല്ല സെറ, ഒരു ഡൌട്ട് ... നീ എങ്ങനെയാണ് ഇതൊക്കെ ഇത്ര കൃത്യമായി അറിഞ്ഞത്? നമ്മൾ ഇതുവരെ കോളേജിൽ പോയിട്ട് പോലുമില്ലല്ലോ," ഞാൻ അത്ഭുതത്തോടെ ചോദിച്ചു. ​സെറ തന്റെ ഫോൺ  അൺലോക്ക് ചെയ്ത് ഇൻസ്റ്റാഗ്രാം തുറന്നു. അതിൽ നിന്നും അവളെനിക്ക് ഒരു പ്രൊഫൈൽ  കാണിച്ചുതന്നു. 'Zayan Haider' വെരിഫൈഡ് പ്രൊഫൈൽ. ലക്ഷക്കണക്കിന് ഫോളോവേഴ്‌സ്, പക്ഷേ അവനങ്ങോട്ട് ഫോളോ ചെയ്യുന്നത് വെറും പൂജ്യം പേരെ🥲. ​"ഇനാറ, നീ ഇത് ഏത് ലോകത്താണ് ജീവിക്കുന്നത്? നമ്മുടെ റോയൽ അക്കാദമിയുടെ വെബ്‌സൈറ്റും ഇൻസ്റ്റാഗ്രാം പേജും തുറന്നുനോക്കിയാൽ ആദ്യം കാണുന്ന പേര് സയാന്റേതാണ്. കഴിഞ്ഞ മൂന്ന് വർഷമായി കോളേജിലെ എല്ലാ ആർട്ട് ഫെസ്റ്റിലും ഒന്നാമൻ അവനാണ്. പിന്നെ എന്റെ കസിൻ കെവിൻ അവിടെ തേർഡ് ഇയർ ഗ്രാഫിക് ഡിസൈനിംഗ് ആണ്. അവൻ വഴിയാണ് ഞാൻ ഈ സയാൻ പുരാണം മുഴുവൻ കേട്ടറിഞ്ഞത്," സെറ ഒരു കണ്ണിറുക്കി പറഞ്ഞു. ​സെറ അല്പം കൂടി ഗൗരവത്തിൽ തുടർന്നു. "കെവിൻ പറഞ്ഞത് സയാൻ ഒരു സാധാരണ ബിസിനസ്സ് ഫാമിലിയിലെ കുട്ടിയല്ല എന്നാണ്. അവന്റെ വാപ്പച്ചി ഹൈദർ അലി ദുബായിലെ വലിയൊരു കൺസ്ട്രക്ഷൻ ഗ്രൂപ്പിന്റെ ഉടമസ്ഥനാണ്.സയാൻ ഇവിടെ പഠിക്കുന്നത് അവന്റെ പാഷൻ കൊണ്ടാണ്. പക്ഷേ കോളേജിൽ അവൻ ശരിക്കുമൊരു  സിംഹത്തെപ്പോലെയാണ്. അവൻ ഒരു വാക്ക് പോലും മിണ്ടാതെ നിന്നെ നോക്കിയെങ്കിൽ, അതിനർത്ഥം നീ അവന്റെ കണ്ണിൽ പെട്ടുപോയി എന്നാണ്. ഇനി നിനക്ക് അവനിൽ നിന്ന് രക്ഷപ്പെടാൻ ബുദ്ധിമുട്ടായിരിക്കും. ആരും അവന്റെ വഴിയിൽ തടസ്സമായി നിൽക്കില്ല. പ്രൊഫസർമാർക്ക് പോലും അവനെ വലിയ ബഹുമാനമാണ്. അവന്റെ ഒരു പെയിന്റിംഗ് കഴിഞ്ഞ മാസം ലണ്ടനിലെ ഒരു ഗാലറിയിൽ വിറ്റുപോയത് കോടികൾക്കാണെന്നാ കെവിൻ പറഞ്ഞത്....! ​എന്റെയുള്ളിൽ ഒരു തരം ഭയം കൂടിക്കൂടി വന്നു. "കോടികളോ? എന്നിട്ടാണോ അവൻ ഇത്ര സിമ്പിൾ ആയി ഇവിടെ നടക്കുന്നത്?" ​"അതാണ് അവന്റെ സ്റ്റൈൽ ഇനാറ. അഹങ്കാരമില്ല, പക്ഷേ വല്ലാത്തൊരു പവർ'അവന്റെ ഓരോ ചുവടിലുമുണ്ട്. ഒറ്റ നോട്ടത്തിൽ തന്നെ അത് നമുക്ക് മനസ്സിലാക്കാൻ കഴിയാവുന്നതേയുള്ളു... പക്ഷേ ഒരു കാര്യമുണ്ട്..., സയാൻ ഇന്നുവരെ ഒരു പെൺകുട്ടിയോടും ഇങ്ങനെ അടുത്തുപോയി നിന്നിട്ടില്ല. ​സെറയുടെ ഈ വാക്കുകൾ കേട്ടപ്പോൾ എനിക്ക് വല്ലാത്തൊരു അസ്വസ്ഥത തോന്നി. ഞങ്ങൾ  കഫേയിൽ നിന്നിറങ്ങി അവളുടെ സ്കൂട്ടിക്ക് അടുത്തേക്ക് നടന്നു. വെയിലേറ്റ് അവളുടെ സിൽവർ കുരിശുമാല വല്ലാതെ തിളങ്ങുന്നുണ്ട്. ​"വാ ഇനാറ, നമുക്ക് വേഗം വീട്ടിൽ പോകാം. നിന്റെ ഈ പീച്ച് കുർത്തയും ആ ലാവെൻഡർ പെർഫ്യൂമും പിന്നെ ആ ഇളം കാപ്പികണ്ണുകളും ഇനി സയാന്റെ ഓർമ്മയിൽ എപ്പോഴും ഉണ്ടാവും, " സെറ സ്കൂട്ടി സ്റ്റാർട്ട് ചെയ്തു പറഞ്ഞു. ​ഞാൻ അവളുടെ പുറകിൽ ഇരുന്നു. കാറ്റ് എന്റെ ഷാളിനെ ചെറുതായി പറത്തികൊണ്ടിരുന്നു. പക്ഷേ അപ്പോഴും എന്റെ മനസ്സ് മാളിലെ ആ ആർട്ട് സെക്ഷനിൽ തന്നെയായിരുന്നു. വീട്ടിലെത്തിയിട്ടും എന്റെ ഉള്ളിൽ ആ ഹേസൽ കണ്ണുകളായിരുന്നു. രാത്രി ഉറങ്ങാൻ കിടന്നപ്പോളും ആ കണ്ണുകൾ തന്നെയാണ് എന്റെ മനസ്സിൽ തെളിഞ്ഞുനിന്നത്.എന്താണ് റബ്ബേ എനിക്ക് പറ്റിയത്... ആദ്യമായിട്ടാണ് എനിക്ക് ഇങ്ങനെയൊരു അനുഭവം ഉണ്ടാവുന്നത് തന്നെ. (തുടരും...) #📝 ഞാൻ എഴുതിയ വരികൾ #💞 പ്രണയകഥകൾ #📙 നോവൽ