#📰ఈరోజు అప్డేట్స్ #📰జాతీయం/అంతర్జాతీయం #🆕Current అప్డేట్స్📢 #🏛️పొలిటికల్ అప్డేట్స్ #🏛️రాజకీయాలు
కూతురి పెళ్లి కోసం దాచుకున్న రూ.2.50 లక్షలు స్వాహా చేసిన పోస్ట్ మాస్టర్..!
ఖాళీ వోచర్లపై సంతకాలు తీసుకుని పేద విధవరాలిని మోసం చేసిన ఘటన
గ్రీవెన్స్ సెల్లో బాధితురాలి ఫిర్యాదు – న్యాయం చేయాలంటూ వేడుకోలు
అల్లవరం మండలం - గోడిలంక గ్రామంలో ఓ పేద విధవరాలు తన కుమార్తె పెళ్లి కోసం కష్టపడి దాచుకున్న రూ.2,50,000 పొదుపు సొమ్ము మోసపూరితంగా మాయం అయిన ఘటన తీవ్ర కలకలం రేపుతోంది. స్థానిక సబ్ పోస్టాఫీసులో పనిచేస్తున్న పోస్ట్ మాస్టర్ వాసర్ల వెంకటేశ్వరరావు ఈ మోసానికి పాల్పడినట్లు బాధితురాలు ఇంజెటి అర్జమ్మ ఆరోపిస్తున్నారు.
నమ్మించి మోసం చేసిన పోస్టాఫీస్ సిబ్బంది
భర్త సత్యనారాయణ మరణంతో కుటుంబ బాధ్యతలన్నీ భుజాన వేసుకున్న అర్జమ్మ, కూలి పనులు చేస్తూ కుమార్తె వివాహం కోసం కొద్దికొద్దిగా డబ్బులు కూడబెట్టారు. ఆ మొత్తాన్ని కుమార్తె పేరుతో స్థానిక సబ్ పోస్టాఫీసులో జమ చేస్తూ వచ్చారు.
ప్రతి సంవత్సరం వడ్డీ నమోదు చేయిస్తానంటూ పోస్ట్ మాస్టర్ తమ ఇంటికి వ్యక్తిని పంపించి పాస్బుక్లు తెప్పించుకునేవారని, అదే సమయంలో అమాయకత్వాన్ని ఆసరాగా చేసుకుని కొన్ని ఖాళీ వోచర్లపై కుమార్తె చేత సంతకాలు చేయించుకున్నారని బాధితురాలు ఆరోపించారు.
పెళ్లి సమయానికి బయటపడిన అసలు విషయం
ఇటీవల కుమార్తె వివాహం ఖరారవడంతో ఖర్చుల కోసం డబ్బులు తీసుకునేందుకు అర్జమ్మ తన కుమార్తెతో కలిసి పోస్టాఫీసుకు వెళ్లారు. అయితే “పెద్ద మొత్తం కావడంతో హెడ్ పోస్టాఫీసు నుంచి డబ్బు రావాలి” అంటూ రోజులు గడిపారని తెలిపారు.
చివరకు గట్టిగా ప్రశ్నించగా, ఆ మొత్తం గతంలోనే రెండు మూడు దఫాలుగా విత్డ్రా అయ్యిందని, ఖాతా 2024లోనే క్లోజ్ అయిపోయిందని పోస్ట్ మాస్టర్ చెప్పినట్లు బాధితురాలు కన్నీటి పర్యంతమయ్యారు.
“దిక్కున్న చోట చెప్పుకో” అంటూ బెదిరింపులు..
తన కష్టార్జిత సొమ్ము ఎలా మాయం అయిందని ప్రశ్నించగా, “నీకు దిక్కున్న చోట చెప్పుకో… నన్ను ఎవరూ ఏమీ చేయలేరు” అంటూ పోస్ట్ మాస్టర్ బెదిరించినట్లు అర్జమ్మ వాపోయారు.
గ్రీవెన్స్ సెల్లో ఫిర్యాదు
ఈ ఘటనపై అమలాపురం హెడ్ పోస్టాఫీసులో ఇప్పటికే రాతపూర్వక ఫిర్యాదు చేసినప్పటికీ స్పందన లేకపోవడంతో, సోమవారం జిల్లా కేంద్రంలో నిర్వహించిన ప్రజా సమస్యల పరిష్కార వేదిక (గ్రీవెన్స్ సెల్)లో ప్రత్యేక అధికారికి మరోసారి ఫిర్యాదు చేశారు.
తన కుమార్తె పెళ్లి ఆగిపోయే పరిస్థితి నెలకొన్నదని, జిల్లా ఉన్నతాధికారులు తక్షణమే స్పందించి పూర్తి స్థాయి విచారణ జరిపి, సంబంధిత పోస్ట్ మాస్టర్పై కఠిన చర్యలు తీసుకోవడంతో పాటు తన రూ.2.50 లక్షల పొదుపు సొమ్ము తిరిగి ఇప్పించాలని బాధితురాలు వేడుకుంటున్నారు..
__________________________
డాక్టర్ బి.ఆర్.అంబేద్కర్ కోనసీమ జిల్లా :-
*శేఖర్✍️ న్యూస్ 📹 గ్రూప్స్* 4️⃣
👇 *వాట్సాప్ గ్రూప్ లింక్*👇
______________________✍️
*ఫాలో అవ్వండి.* & *సబ్ స్క్రైబ్ చేసుకోండి...👇*
౼౼౼౼౼౼౼౼౼౼౼౼౼౼౼౼౼౼౼
Follow this link to join my WhatsApp group: https://chat.whatsapp.com/2opEPGh68Zq0FMQqQWreQy?mode=gi_t
౼౼౼౼౼౼౼౼౼౼౼౼౼౼౼౼౼౼౼౼
