#🙏प्रेरणादायक / सुविचार #🙏श्री स्वामी समर्थ📿 #🙏 प्रेरणादायक बॅनर #🙏श्री गुरुदेव दत्त💐 #🙏भक्ती सुविचार📝 अनेक वेळा ऐकतो मला दत्तमहाराजांची अनुभूती झाली किंवा गुरूंनी दर्शन दिलं पण ही अनुभूती म्हणजे नेमकी काय गोष्ट आहे? नेहमीच ती डोळ्यांनी पाहिलेलं दर्शन असतं का? की ती फक्त स्वप्नात आलेली जाणीव असते? दत्तमहाराजांची अनुभूती कशी कशी असू शकते? श्री दत्तरूप त्यांचं सगुण-साकार दर्शन कधी कधी भक्तांना दत्तमहाराज स्वप्नात, ध्यानात, किंवा प्रत्यक्ष दर्शनात माणसाच्या रूपात, साधूच्या स्वरूपात, किंवा आपल्याला माहीत नसलेल्या व्यक्तीच्या रूपात दिसतात. समजा आपल्याला एखाद्या संकटाच्या वेळी अचानक कोणीतरी येऊन मदत करतो आणि मग नंतर तो व्यक्ती दिसतच नाही तर नकळत आपण देवाचे आभार मानतो आणि म्हणतो दत्तगुरूंनी दर्शन दिलं. कधी कधी दत्तमहाराज स्वप्नात येऊन एखादा सल्ला, इशारा किंवा आश्वासन देत असतात याची अनुभूती आपल्याला येतच असते एखाद्या अडचणीत त्यांनी स्वप्नात येऊन दिलासा देणे म्हणजे एक प्रकारचं दत्ताचं अनुभूतीमूलक दर्शनच आहे हे खरय. कधी कोणतेही शब्द, स्वप्न नसतानाही प्रार्थनेनंतर मनात जे समाधान, शांती आणि निश्चितता वाटते, तीही एक दत्त गुरूंची अनुभूतीच असते. दत्तमहाराज आपल्या भक्तांच्या हाकेला ओ देतात – कधी रुपात, कधी रूपाशिवाय. त्यांची अनुभूती ही त्यांच्या कृपेवर आणि आपल्या भक्तीवर अवलंबून असते. कोणत्या रूपात ते भेटतील, हे आपण ठरवत नाही पण त्यांचं अस्तित्व आपण मनाने 'अनुभवतो' त्यालाच अनुभूती म्हणतात. गुरुदेव दत्त •| दत्तरुप