జీవిత భాగస్వామిని వెతుక్కోవద్దు... సమఉజ్జీని ఎన్నుకోండి! ❤️ కాలం మారింది... పరిస్థితులు మారాయి... వాటితో పాటు పెళ్లి గురించి ఆలోచించే విధానం కూడా మారింది. ఒకప్పుడు అమ్మాయిలు చదువుకుని, ఉద్యోగాలు చేసి, సొంత ఆదాయం సంపాదిస్తున్నా... పెళ్లి విషయంలో చాలా ఇబ్బందులు ఎదుర్కొన్నారు. "ఉద్యోగం చేస్తే మాట వినదేమో... అహంకారం ఉంటుందేమో... నన్ను డామినేట్ చేస్తుందేమో" అనే భయంతో, చదువు ఉన్నా ఉద్యోగం చేయని అమ్మాయినే వెతికి పెళ్లి చేసుకునే అబ్బాయిలు కూడా ఉండేవారు. మరికొందరు మాత్రం ఇద్దరి సంపాదనే కుటుంబానికి అవసరమని భావించి ఉద్యోగం చేసే అమ్మాయిని పెళ్లి చేసుకున్నారు. కానీ ఉద్యోగం చేయడమే కాదు,ఇంటి బాధ్యతలన్నీ కూడా ఆమె భుజాల మీదే పడేవి. బయట ఉద్యోగం, ఇంట్లో పని, కుటుంబ సభ్యుల సహకారం లేకపోవడం ఆమె ఆదాయం మొత్తం భర్త చేతిలో పెట్టి తన ఖర్చుల వరకు తీసుకోవటం.. ఇలా రెండు వైపులా పరుగులు తీస్తూ చాలామంది మహిళలు అలసిపోయారు. "ఈ పెళ్లి అవసరమా?" లేదా ఈ ఉద్యోగాలు ఎందుకు ఇంటిపట్టునే ఉండక అంటూ మళ్ళీ తిరిగి వంటింటికే అంకితం అయిపోయే స్థితికి వస్తుంది అనుకునే తరుణంలో.... షడన్ ఏమైందో ఎలా మార్పు చెందిందో కూడా తెలియటం లేదు కానీ మార్పు భయంకరంగా వచ్చింది... బహుశా ఆడపిల్లలు తక్కువగా ఉండటం కావచ్చు.. ఇప్పుడు పరిస్థితులు మరోవైపు మారుతున్నాయి. చాలా చోట్ల అమ్మాయికి కూడా జీవిత భాగస్వామిని ఎన్నుకునే అవకాశం పెరిగింది. ఇక్కడ కూడా ఒక ఆసక్తికరమైన విషయం కనిపిస్తోంది. ఒకప్పుడు కొందరు అబ్బాయిలు "మాట వినే అమ్మాయి" కోసం చూసినట్లే... ఇప్పుడు కొందరు అమ్మాయిలు కూడా "తనకంటే తక్కువ సంపాదించే, ఎక్కువగా ఎదురు చెప్పని, పూర్తిగా తన మీదే ఆధారపడే వ్యక్తి అయితే జీవితం ప్రశాంతంగా ఉంటుంది" అని అనుకోవడం కనిపిస్తోంది. కానీ సంబంధాలు ఆధిపత్యంతో కాదు... సమానత్వంతో నిలబడతాయి. ఎవరినైనా భయంతో, నియంత్రించాలనే ఉద్దేశం తో లేదా పూర్తిగా మన మాటే వినాలని ఆశించి ఎన్నుకుంటే... మొదట్లో అది సౌకర్యంగా అనిపించవచ్చు. కానీ కాలక్రమేణా అలాంటి సంబంధాల్లో గౌరవం, స్వేచ్ఛ, సహజమైన ఆనందం తగ్గిపోతాయి... మనల్ని ప్రశ్నించగలిగే వ్యక్తి, అవసరమైనప్పుడు మనతో విభేదించగలిగే వ్యక్తి, తప్పైతే చెప్పగలిగే వ్యక్తి... అలాంటి జీవిత భాగస్వామి ఉంటేనే ఇద్దరూ కలిసి ఎదుగుతారు. ఎప్పుడూ తల ఊపే వ్యక్తి కాదు... అవసరమైనప్పుడు "లేదు" అని చెప్పగలిగే వ్యక్తే నిజమైన తోడు. జీవితంలో ఆనందం అనేది ఒకరు గెలవడం, మరొకరు ఓడిపోవడంలో లేదు... ఇద్దరూ ఒకరినొకరు గౌరవించుకుంటూ ముందుకు సాగడంలో ఉంది. అందుకే... జీవిత భాగస్వామిని కాదు, సమఉజ్జీని ఎన్నుకోండి. ఆధిపత్యం కోసం కాదు... అనుబంధం కోసం బతకండి. గెలిచే సంబంధం కాదు... నిలిచే సంబంధాన్ని నిర్మించండి. అర్థమైన వాళ్లకు... అర్థమైనంత. 🙏🙏🙏🙏🙏🙏 #💗నా మనస్సు లోని మాట #నా అంతరంగం #నా ఆలోచనలు #😃మంచి మాటలు #తెలుసుకుందాం