പുട്ടും പഴവും തമ്മിൽ പരിശുദ്ധമായൊരു പ്രേമമാണെന്ന് ഇത്രനാൾ കണക്കാക്കിയ മണ്ടന്മാരെ... നിങ്ങളോടൊരു ചെറു കഥ പറയാം... പ്രത്യക്ഷത്തിൽ സ്വന്തമെന്ന് നമ്മൾ കരുതുന്ന ആരും...ഒന്നും... പരോക്ഷമായി പരസ്പരം സ്വന്തമായിരിക്കണം എന്നില്ല... പുട്ടും പഴവും തമ്മിൽ കുഴപ്പമില്ലാത്തൊരു സൗഹൃദമോ വളരെ കാഷ്വൽ ആയൊരു സിറ്റുവേഷൻഷിപ്പോ മാത്രമേ ഉള്ളു.. അപ്പോൾ തോന്നും പപ്പടമാണ് പുട്ടിന്റെ യഥാർത്ഥ കാമുകിയെന്ന്.. കടലക്കറി വന്നൊന്ന് കണ്ണിറുക്കി കാണിച്ചാൽ ഈ എരണം കെട്ട സാധനം അതിനേം വിളിച്ചു തടി തപ്പും... പപ്പടം വെറും സൈഡ്.. പാവം കടല..ഓരോരോ മണിയിലും പുട്ടിനോടുള്ള സ്നേഹം കൊത്തിവച്ച് ഇവനാണെന്റെ ജീവന്റെ പാതിയെന്ന് തെറ്റിദ്ധരിച്ച് പുട്ടിന്റെ ഓരോരോ തരിയിലും അലിഞ്ഞു ചേരും.. ചാടി ചാടി നടന്ന് ജീവിതം ആഘോഷിക്കുന്ന പുട്ടുണ്ടോ എവിടെയെങ്കിലും ഒന്ന് ഉറച്ചു നിൽക്കുന്നു.. ചിക്കൻ, ബീഫ്, പോർക്കിന്റെ ചാറ്.. ഒരിക്കെ ചിക്കൻ കറിയുടെ ചെസ്റ്റ് പീസിൽ തല വച്ച് കിടക്കുന്ന പുട്ടിനെ കടല കൈയ്യോടെ പൊക്കിയതാണ്.. കൊട്ടിയൂർ എ.സി. റെസ്‌റ്റോറിന്റെ ചില്ലിട്ട വാതിലിൽ കൂടെ ഒരുനോക്ക് കണ്ടതേയുള്ളൂ.. കടലക്കുഞ്ഞിന്റെ ചങ്ക് തകർന്നു പോയി.. തല ചുറ്റി... കണങ്കാലും അടിവയറും കണക്കിന് വേദനിച്ചു.. ഇത്ര നാളും തന്റെ പാതിയെന്ന് കരുതിയൊരുത്തൻ വേറേതോ പൈസക്കാരിയുടെ നെഞ്ചിൽ... ഛെ.. എന്തെങ്കിലും പറയാൻ പറ്റുമോ.. അവരൊക്കെ വലിയ വലിയ ആൾക്കാരല്ലേ.. തലേന്ന് വെള്ളത്തിലിട്ടാൽ പിറ്റന്നാളത്തേക്ക് കുതിരാൻ പാകത്തിന് കഠിന ഹൃദയമുള്ള താനും വെട്ടിക്കൂട്ടി കറിയാക്കിയാൽ ഒന്നരമണിക്കൂറിൽ ഒരുങ്ങി വരുന്ന ചിക്കേച്ചിയും തമ്മിൽ അജഗജാന്തരം വ്യത്യാസമുണ്ടെന്ന് കടല സ്വയം തിരിച്ചറിഞ്ഞു.. അവർക്കൊക്കെ അമേരിക്കൻ കെ.എഫ്.സി യിൽ അടക്കം പിടിപാടുണ്ട്.. താനോ.. വറീത് ചേട്ടന്റെ ചായക്കടയിൽ തലേന്ന് മിച്ചം വന്നാൽ പിറ്റേന്ന് ചൂടാക്കി കൊടുക്കാൻ പാകത്തിന് ദരിദ്ര.. റെസ്റ്റോറന്റിൽ കേറി പുട്ടിന്റെ കരണം നോക്കി ഒരെണ്ണം പൊട്ടിച്ച് വിളിച്ചിറക്കി കൊണ്ട് വരണം എന്നൊക്കെയുണ്ട്.. പക്ഷെ കടലയ്ക്ക് ധൈര്യമില്ല.. എല്ലാരുടെയും മുന്നിൽ വച്ച് പുട്ടെന്നെ വേണ്ടെന്ന് പറഞ്ഞാലോ.. സാരമില്ല..പുട്ടിനു നല്ലൊരു ജീവിതം കിട്ടട്ടെ.. നിറകണ്ണുകളോടെ കടലപ്പെണ്ണ് പുട്ടിനെ ചിക്കനു വിട്ടു കൊടുത്തു. തൊട്ടടുത്ത നിമിഷം വയനാട് റൂട്ട് ഓർഡിനറി ബസിനു തല വച്ച് ചത്താലോ എന്ന് വരെ വിചാരിച്ചു... പെണ്ണിനെ കണ്ടതും ബസ് നിർത്തി.. വിരഹത്തിന്റെ വേദനയിൽ സ്ഥിരത നഷ്ട്ടപ്പെട്ട കടല ബസിലേക്ക് പാഞ്ഞു കയറി.. എങ്ങോട്ടേക്ക് പോണം എന്ന് പോലുമറിയാതെ.. ആകെ കാലിയുണ്ടായിരുന്ന സീറ്റിൽ വെള്ളേപ്പത്തിന്റെ അടുത്ത് പോയി ഇരുന്നു.. കടലയ്ക്ക് ആരോടെങ്കിലും സംസാരിക്കണം.. ഇല്ലെങ്കിൽ അതിന് ഭ്രാന്ത് പിടിക്കും... മനസ്സിൽ നിറയെ പുട്ട്.. വെള്ളേപ്പേട്ടാ.. എനിക്കീ ബസിൽ യാത്ര സൗജന്യമാണ്... അത്കൊണ്ട് ചേട്ടന്റെ ടിക്കറ്റ് ഞാനെടുക്കാം.. അങ്ങനെയാണ് വെള്ളേപ്പവും കടലക്കറിയും തമ്മിൽ പ്രേമത്തിലാകുന്നത്.. പിന്നീടുള്ള കാലം അവര് സുഖമായി ജീവിച്ചു... ഇടയ്ക്ക് രണ്ട് കുഞ്ഞുങ്ങൾക്ക് ജന്മം നൽകി.. മൂത്തത് പാലപ്പം.. ഇളയത് കള്ളേപ്പം.... പാലപ്പത്തിനെ പച്ചക്കറിക്കുറുമയ്ക്ക് കെട്ടിച്ചു കൊടുത്തു.. അവൾക്ക് വലിയ പഠിപ്പൊന്നുമില്ല.. കള്ളേപ്പം പുറത്തൊക്കെ പോയി പഠിച്ചതാണ്.. അവൾക്ക് കേളകത്തെ ചിക്കൻ കറിയുമായി ഒരാലോചന വന്നു... അതങ്ങ് നടത്തി.. വയസാം കാലത്തും പുട്ടിനെ പറ്റിയൊന്ന് ഓർക്കുക കൂടി ചെയ്യാതെ കടലയമ്മ വെള്ളേപ്പത്തിനൊപ്പം സുഖമായി കഴിയുന്നു... ഇതാണ് പറയുന്നത് ചേരേണ്ടത് തമ്മിലേ ചേരൂ.. അതുകൊണ്ട് ഒരിക്കലും നടക്കാത്ത പ്രേമത്തിൽ കുരുങ്ങിക്കിടക്കുന്ന എന്റെ പൊന്ന് കടലക്കുഞ്ഞുങ്ങളെ... നിങ്ങളെ വേണ്ടാത്ത പുട്ടിന്റെ പുറകെ അലഞ്ഞ് സമയം കളയാതെ നിങ്ങളുടെ വെള്ളേപ്പത്തിന് വേണ്ടി കാത്തിരിക്ക്.. ആരും ആരുടേയും സ്വന്തമല്ലെന്ന് മനസ്സിരുത്തി അങ്ങ് വിശ്വസിക്ക്.. ഒരു ടെയിൽ എൻഡ് കൂടി ഉണ്ട്.. അന്ന് കടലയെ കരയിച്ച പുട്ടിനു ഒരിക്കലും ഒരിണയിൽ ഉറച്ചു നിൽക്കാൻ കഴിഞ്ഞില്ല.. ബീഫിന്റെ കുരുമുളകും തേങ്ങാക്കൊത്തും കണ്ടപ്പോൾ അവൻ ചിക്കനേയും പറ്റിച്ചു!! ബീഫ് പഴംപൊരിക്കൊപ്പം അവിഹിതമുണ്ടാക്കാൻ പോയപ്പോൾ പുട്ട് വീണ്ടും ചിക്കനുമായി പാച്ച്അപ്പ്‌ ആയി.. ഇടയ്ക്ക് മട്ടൺ കറിക്കൊപ്പം ഡേറ്റിങ്.. പന്നിക്കൊപ്പം അപഥ സഞ്ചാരം.. ബഹുഭാര്യയുള്ള പുട്ടപ്പൻ!! ഇത്രയും വായിച്ചവരോട് ഒരു സത്യം പറയാം.. എ. സി. റെസ്റ്റോറന്റിൽ പുട്ടുമില്ല.. ഇവിടെ അങ്ങനെ ഒരു പെണ്ണുമില്ല..! #🙋‍♀️ എൻ്റെ സ്റ്റാറ്റസുകൾ #📔 കഥ #📔 കഥ #📖 കുട്ടി കഥകൾ #📖 കുട്ടി കഥകൾ ഇപ്പോൾ തോന്നിയ കാര്യം #💞 നിനക്കായ് #💭 എന്റെ ചിന്തകള്‍