*മൊട്ടയടിയ്ക്കുമോ അൻവര്‍? ആദ്യത്തെ യുഡിഎഫ് സ്ഥാനാര്‍ഥി, 'പിണറായിസവും മരുമോനിസവും' ഉയര്‍ത്തി പ്രചാരണം, യുഡിഎഫ് തരംഗത്തിലും വിജയമില്ല* 💢⭕💢⭕💢⭕💢⭕ കോഴിക്കോട്: സംസ്ഥാനമൊട്ടാകെ യുഡിഎഫ് തരംഗം ആഞ്ഞടിച്ചപ്പോഴും ആടിയുലഞ്ഞ് തോല്‍വിയേറ്റുവാങ്ങി ബേപ്പൂരിലെ സ്ഥാനാർഥി പി.വി. അൻവർ. സംസ്ഥാന രാഷ്ട്രീയത്തില്‍ പിണറായിസം, മരുമോനിസം എന്ന വാക്ക് സമ്മാനിച്ച്‌ യുഡിഎഫ് പ്രചാരണത്തില്‍ മുന്നില്‍ നിന്ന് നേതാവായിരുന്നു പി.വി. അൻവർ. കൈയിലുണ്ടായിരുന്ന നിലമ്പൂർ കിട്ടില്ലെന്നറിഞ്ഞതോടെ ബേപ്പൂരിലേക്ക് തട്ടകം മാറി. സ്ഥാനാർഥി തർക്കം മൂർച്ഛിച്ച സമയത്ത് തന്നെ യുഡിഎഫിന്റെ ആദ്യത്തെ അനൗദ്യോഗിക സ്ഥാനാർഥിയായിരുന്നു പി.വി. അൻവർ. എന്നാല്‍ ഫലം വന്നപ്പോള്‍ കോഴിക്കോട് മറ്റ് മണ്ഡലങ്ങള്‍ യുഡിഎഫ് തൂത്തുവാരിയെങ്കിലും മന്ത്രി റിയാസിന് മുന്നില്‍ അൻവർ അടിയറവ് പറഞ്ഞു. ജയിച്ചാല്‍ മന്ത്രിയെന്നായിരുന്നു അൻവറിന് സതീശൻ നല്‍കിയ വാഗ്ദാനം. രണ്ടാം എല്‍ഡിഎഫ് സർക്കാറിന്റെ അവസാന വർഷങ്ങളിലാണ് പി.വി. അൻവർ ഇടതുമായി ഉടക്കുന്നത്. അത്രയും കാലം കടന്നല്‍ രാജ എന്ന വിശേഷണവുമായി ഇടതുവൃത്തങ്ങളില്‍ വാണിരുന്ന അൻവർ പൊലീസിനെതിരെ വിമർശനമുന്നയിച്ച്‌ രംഗത്തെത്തി. പിന്നീട് പതിയെ സർക്കാറിനും പിണറായിക്കുമെതിരെ തിരിയുകയും പൂർണമായി എല്‍ഡിഎഫ് എതിർപാളയത്തിലെത്തുകയും ചെയ്തു. അതോടെ നിലമ്പൂർ എംഎല്‍എ സ്ഥാനം രാജിവെച്ച്‌ ഉപതെരഞ്ഞെടുപ്പിന് കളമൊരുക്കി. നിലമ്പൂരില്‍ യുഡിഎഫ് സ്ഥാനാർഥിയാകാത്തതോടെ സ്വതന്ത്രനായി മത്സരിക്കുകയും 20000ത്തിലേറെ വോട്ടുനേടി ഞെട്ടിക്കുകയും ചെയ്തു. അൻവർ ശക്തി തെളിയിച്ചതോടെ യുഡിഎഫിന് അവഗണിക്കാൻ കഴിയാത്ത സ്ഥിതിയായി. ഇതിനിടെ ആദ്യം ഡിഎംകെയില്‍ ചേക്കേറാൻ ശ്രമിച്ചെങ്കിലും അവർ കൈയൊഴിഞ്ഞു. പിന്നീട് തൃണമൂല്‍ കോണ്‍ഗ്രസില്‍ എത്തി. തൃണമൂല്‍ കോണ്‍ഗ്രസില്‍ സജീവമയിരിക്കുമ്പോഴാണ് സ്ഥാനാർഥിയായത്. പിന്നീട് തൃണമൂല്‍ കോണ്‍ഗ്രസും അൻവറിനെ കൈയൊഴിഞ്ഞു. ഇതിനിടെ ലീഗില്‍ പ്രവേശിക്കാനും ശ്രമം നടത്തി. എല്‍ഡിഎഫിന് മുൻതൂക്കമുള്ള ബേപ്പൂരില്‍ അൻവറിനെ നിർത്തിയുള്ള പരീക്ഷണത്തിന് യുഡിഎഫിലും എതിർപ്പുണ്ടായിരുന്നില്ല. അങ്ങനെ എതിർപ്പില്ലാതെ ആദ്യഘട്ടത്തില്‍ തന്നെ പ്രചാരണം തുടങ്ങാനും അൻവറിനായി. പിണറായിസം, മരുമോനിസം എന്നീ പ്രയോഗങ്ങള്‍ ആവർത്തിച്ചായിരുന്നു അൻവറിന്റെ പ്രചാരണം. എന്നാല്‍ ഫലം വന്നതോടെ, 7487 വോട്ടിന് അൻവർ അടിയറവ് പറഞ്ഞു. 💢⭕💢⭕💢⭕💢⭕ #NEWS TODAY💢💢💢 #ഇന്നത്തെ പ്രധാന വാർത്തകൾ #ഫ്ലാഷ് ന്യൂസ്‌ 📯📯📯 #അൻവർ മൊട്ടയടിക്കുമോ 😂