സഖാക്കളേ, നമ്മുടെ പാർട്ടി വീണ്ടും അതികാരത്തിൽ കയറാൻ പോവുകയാണ്. ഇപ്പോഴാണ് നാം ചിന്തിച്ച് തുടങ്ങേണ്ടത് ഒരുപാട് സാധാരണക്കാരുടെയും ലക്ഷക്കണക്കിന് പാർട്ടി മെമ്പർമാരുടെയും, പാർട്ടിയെ ജീവനായി കാണുന്ന അതിലേറെ അനുഭാവികളുടെയും പ്രതീക്ഷയാണ് സിപിഐഎം എന്ന പ്രസ്ഥാനം. അത് നശിച്ചുപോകരുത്; കാരണം ഇന്ത്യയിൽ സാധാരണക്കാരന് പ്രതീക്ഷ അർപിക്കാവാൻ CPIM ന് പകരം മറ്റൊന്നില്ല. എന്നാൽ പാർട്ടിയുടെ രക്തം കുടിച്ച് വളർന്ന ചില അട്ടകൾ, പാർട്ടിയുടെ ആശയവും ആദർശവും മറന്നുകൊണ്ടിരിക്കുന്ന കാലഘട്ടത്തിലൂടെയാണ് നാം കടന്നുപോകുന്നത്. ജി. സുധാകരൻ, പി. കെ. ശശി, ടി. കെ. ഗോവിന്ദൻ, കുഞ്ഞിക്കണ്ണൻ, ഐശാ പോറ്റി എന്നിവർ റ്റെപ്പെട്ടവരല്ല. എത്രയോ കാലം പാർട്ടിയെ നയിച്ച നേതാക്കളാണ്. അവർ പാർട്ടിയിൽ ഉണ്ടായിരുന്ന കാലത്ത് നാം അവരെ ബഹുമാനത്തോടെയും അഭിമാനത്തോടെയും കണ്ടിരുന്നു. എന്നാൽ പാർട്ടി വിട്ട ശേഷം അവരെ രൂക്ഷമായി അധിക്ഷേപിക്കുന്നത് കൊണ്ട് മാത്രം പാർട്ടിയെ ബാധിച്ച ഈ രോഗത്തിൽ നിന്നും രക്ഷപ്പെടുമോ? ഇല്ല എന്നതാണ് എന്റെ അഭിപ്രായം. അവർ ഏത് സ്ഥാനങ്ങൾ കൊതിച്ചാണോ പാർട്ടി വിട്ടത്, ഇന്ന് ആ സ്ഥാനങ്ങളിൽ ഇരിക്കുന്നവർ ആ സ്ഥാനം ലഭിച്ചില്ലെങ്കിൽ അവരും പുറത്തേക്ക് പോകില്ലെന്ന് ആരാണ് ഉറപ്പിക്കുന്നത്? അതുകൊണ്ട് തന്നെ പാർട്ടിയെ ബാധിച്ചിരിക്കുന്ന ഈ വിഷം നീക്കാൻ വ്യക്തമായ തീരുമാനങ്ങൾ പാർട്ടി സ്വീകരിക്കണം. പാർട്ടിയിൽ അടിമുടി അന്വേഷണം നടത്തണം. അധികാരലോഭം മൂത്തവരെ ശുദ്ധീകരിക്കണം. ഗ്രൂപ്പുകൾ ഉണ്ടാക്കി അധികാരത്തിലെത്താൻ ശ്രമിക്കുന്നവരെ തിരിച്ചറിഞ്ഞ് പുറത്താക്കണം. രണ്ട് കാലാവധി (two-term) എന്ന തീരുമാനം യാതൊരു വിട്ടുവീഴ്ചയും കൂടാതെ നടപ്പിലാക്കണം. അതിനാൽ ഒരു മണ്ഡലം പോലും നഷ്ടപ്പെടില്ല. അങ്ങനെ നഷ്ടപ്പെട്ടാൽ, വ്യക്തിപ്രഭാവം പാർട്ടിയേക്കാൾ മുകളിലായി എന്നത് സമ്മതിക്കേണ്ടി വരും. ഈ പാർട്ടിയിൽ വ്യക്തികൾ പാർട്ടിക്കു മുകളിലായാൽ പിന്നെ നമ്മുടെ പാർട്ടിയുടെ പ്രസക്തി എന്താണ്? സ്ഥാനാർത്ഥികളെ തിരഞ്ഞെടുക്കുമ്പോൾ കഴിവും പ്രാപ്തിയും ഉള്ളവർക്കാണ് മുൻഗണന നൽകേണ്ടത്. പാർട്ടിയിലെ സീനിയോറിറ്റിയോ നേതാക്കളുടെ കുടുംബബന്ധമോ മാനദണ്ഡമാകരുത്. അതേ സമയം, കഴിവുള്ള ഒരാൾ നേതാവിന്റെ ബന്ധുവാണെന്ന കാരണത്താൽ അവരെ തള്ളുകയും പാടില്ല. പക്ഷേ, സമാന കഴിവുള്ള മറ്റൊരാൾ ഉണ്ടെങ്കിൽ, അവർക്കാണ് മുൻഗണന നൽകേണ്ടത്. അധികാരലോഭം കൊണ്ട് പ്രവർത്തിക്കുന്നത് ഒരിക്കലും പ്രോത്സാഹിപ്പിക്കരുത്. അതിനാൽ അതിൽ നിരാശപ്പെടേണ്ടതുമില്ല. ജനകീയ ജനാധിപത്യ വിപ്ലവം വിജയിപ്പിക്കുക എന്ന ലക്ഷ്യത്തോടെ പ്രവർത്തിക്കുന്നവർക്കാണ് ഈ പാർട്ടിയിൽ സ്ഥാനം. വ്യക്തിപരമായ നേട്ടങ്ങൾക്കായി വരുന്നവർ തുടരുന്നിടത്തോളം കാലം പാർട്ടി തകർന്നുകൊണ്ടിരിക്കും. നമ്മുടെ മുന്നിലുള്ള ഉദാഹരണങ്ങളാണ് ബംഗാളും ത്രിപുരയും. ഒരു നിമിഷം കൊണ്ട് തന്നെ നാം അവിടെ ഒന്നുമല്ലാതായി. അതിന് പ്രധാന കാരണം നേതാക്കൾ ആശയആദർശങ്ങളിൽ നിന്നും അണികളിൽ നിന്നും അകന്നു പോയതാണ്. എന്നാൽ ആദർശധീരരായ നേതാക്കളെ അണികൾ എന്നും ഹൃദയത്തോട് ചേർത്തുപിടിച്ചിട്ടുണ്ട്. ഇന്ത്യയിലെ ജനാധിപത്യവും മതേതരത്വവും വിശ്വസിക്കുന്നവർക്കുള്ള ബദലായി ഇടതുപക്ഷം നിലനിൽക്കുന്നതുപോലെ തന്നെ നമ്മുടെ പാർട്ടിയും ഇന്ത്യയിലെ മറ്റു പാർട്ടികൾക്ക് ശക്തമായ ഒരു ബദലായി മാറണം. വലതുപക്ഷ പാർട്ടികളുടെ പ്രവർത്തനങ്ങൾ അനുകരിക്കാൻ വേണ്ടിയല്ല, അവയ്ക്ക് ഒരു വ്യത്യസ്തമായ മാതൃക കാട്ടാൻ വേണ്ടിയാണ് നാം. അതായത് ജനപ്രതിനിധികളായാൽ 45,000 രൂപയുടെ കണ്ണടയും അനാവശ്യ വിദേശ പര്യാടനവും നടത്തുന്നതല്ല മാതൃക എന്ന് നമ്മുടെ ലക്ഷ്യം — നമ്മുടെ ചുറ്റുപാടിലുള്ള സാധാരണക്കാരന് ഏറ്റവും നല്ല ജീവിത സാഹചര്യങ്ങൾ ഒരുക്കുക എന്നതാണ്. ലഭിക്കുന്ന ആനുകൂല്യങ്ങൾ പരമാവധി ഉപയോഗപ്പെടുത്തുക എന്നത് കമ്മ്യൂണിസ്റ്റുകാർക്ക് യോചിച്ചതല്ല. പാർട്ടി എന്താണെന്ന അടിസ്ഥാനബോധം ബ്രാഞ്ച് സെക്രട്ടറി മുതൽ ഉയർന്ന തലങ്ങളിലേക്കുള്ള എല്ലാവർക്കും ഉണ്ടായിരിക്കണം. ചില മണ്ഡലങ്ങൾ നേടാനായി നടത്തിയ അടവുനയം വഴി പാർട്ടിയിൽ വന്നവർ പിന്നീട് സീറ്റ് നിഷേധിക്കുമ്പോൾ പാർട്ടി വിട്ടുപോയാൽ, അതിലൂടെ എന്താണ് പാർട്ടിക്കുണ്ടാവുന്ന നേട്ടം ? അത് ‘പഞ്ചാബി ഹൗസ്’ സിനിമയിലെ “ഫയൽമാൻ തോറ്റേ” എന്ന് പറയാനുള്ള കഥ മാത്രം ബാക്കി വയ്ക്കുന്നു. ആശയപരമായോ സംഘാടനപരമായോ നമുക്ക് ഒന്നും നേടാനാകുന്നില്ല. അതുകൊണ്ട് പാർട്ടി വിദ്യാഭ്യാസവും ബോധവുമുള്ളവരെ മാത്രമേ ജനപ്രതിനിധികളാക്കാവൂ. അവർ തോൽക്കേണ്ടി വന്നാലും അതിനെ അംഗീകരിക്കണം. കാരണം നമ്മുടെ പ്രധാന ലക്ഷ്യം പാർലമെന്ററി ജനാധിപത്യമല്ലല്ലോ. ഇനിയെങ്കിലും പാർട്ടിയെ ബാധിച്ചിരിക്കുന്ന അധികാരകൊതി എന്ന ഈ രോഗം പൂർണമായും നീക്കം ചെയ്തില്ലെങ്കിൽ, പാർട്ടിയുടെ ഭാവി അപകടത്തിലാണ്. ഇത് നടപ്പിലാക്കാൻ ഇന്ന് പാർട്ടിയുടെ നേതൃത്വത്തിലും മറ്റു ജനപ്രതിനിധി സ്ഥാനങ്ങളിലും ഇരിക്കുന്നവർക്ക് ഇതിൽ വലിയ താല്പര്യം കാണാനിടയില്ല. എന്നാൽ ഒരുപാട് ധീര സഖാക്കളുടെ ജീവിതവും രക്തസാക്ഷിത്വവും ചേർന്നാണ് ഈ പാർട്ടി വളർന്നത്. അതിനാൽ ഈ പാർട്ടിയെ നശിപ്പിക്കാൻ പാർട്ടിയെ സ്‌നേഹിക്കുന്ന നമ്മൾ അനുവദിക്കരുത്. പാർട്ടി തന്നെ പാർട്ടിക്കുള്ളിലെ ഈ വിഷം കഴുകിക്കളയും എന്ന ശുഭപ്രതീക്ഷയോടെ… സാഹിദ് കക്കോടി #🔴 എൽഡിഎഫ് #💪 സഖാവ് പിണറായി #🟥 സിപിഐ #💪🏻 സിപിഐഎം