*- 27 - 04 - 2026 -* *കണ്ണൂരില്‍ വീട്ടമ്മയ്ക്കും മലപ്പുറത്ത് പതിനാറുകാരിക്കും പാമ്പ് കടിയേറ്റു : സംസ്ഥാനത്ത് ഇന്നലെ മാത്രം പാമ്പ് കടിയേറ്റത് 17 പേര്‍ക്ക്* കണ്ണൂര്‍: സംസ്ഥാനത്ത് രണ്ടാള്‍ക്ക് കൂടി പാമ്പുകടിയേറ്റു. കണ്ണൂരില്‍ വീട്ടമ്മയ്ക്കും മലപ്പുറത്ത് 16കാരിക്കുമാണ് കടിയേറ്റത്. കണ്ണൂരില്‍ പട്ടുവം കുന്നരു സ്വദേശി നമ്പറാന്‍ നാരായണിക്കാണ് പാമ്പുകടിയേറ്റത്. വീട്ടിനടുത്ത വിറകുപുരയില്‍ വച്ച് ഉച്ചയ്ക്ക് 3 30 ഓടെയാണ് പാമ്പുകടിയേറ്റത്. നിലവില്‍ പരിയാരം മെഡിക്കല്‍ കോളേജില്‍ ചികിത്സയിലാണ് നാരായണി. മലപ്പുറം ഇന്‍കല്‍ സിറ്റിക്ക് സമീപം താമസിക്കുന്ന ഹാരിസ് - സാജിദ ദമ്പതികളുടെ മകള്‍ ശബ്ഹക്കാണ് പാമ്പ് കടിയേറ്റത്. കുട്ടി താമസിക്കുന്ന ഫ്‌ലാറ്റിന് സമീപത്ത് വെച്ചാണ് കടിയേറ്റത്. പാമ്പിനെ പിടികൂടി. ഇതോടെ സംസ്ഥാനത്ത് ഇന്നലെ പാമ്പുകടിയേറ്റവരുടെ എണ്ണം 17 ആയി. ഇന്നലെ മാത്രം രണ്ട് പേരാണ് പാമ്പ് കടിയേറ്റ് മരിച്ചത്. കണ്ണൂരിലും ഇടുക്കിയിലും ആണ് പാമ്പ് കടിയേറ്റുള്ള മരണങ്ങള്‍ റിപ്പോര്‍ട്ട് ചെയ്തത്. ഇടുക്കി കാഞ്ഞാറില്‍ എഴുപത്തിയഞ്ചുകാരിയായ വിശാലാക്ഷിയാണ് മരിച്ചത്. കണ്ണൂര്‍ മുതുകടയില്‍ മരിച്ച നഫീസയ്ക്ക് വെള്ളിയാഴ്ചയാണ് പാമ്പ് കടിയേറ്റത്. സംസ്ഥാനത്ത് ഇന്നലേ മാത്രം പതിനേഴ് പേര്‍ക്ക് പാമ്പ് കടിയേറ്റെന്നാണ് 108 ആംബുലന്‍സ് സര്‍വീസിന്റെ കണക്കുകള്‍ പറയുന്നത്. കൊല്ലത്ത് യുവാവിന് പാമ്പുകടിയേറ്റു. ചുരുട്ട വിഭാഗത്തിലുള്ള പാമ്പാണ് രാമന്‍കുളങ്ങര സ്വദേശി സുദേവനെ കടിച്ചത്. കൊച്ചി ചെറായിയില്‍ എത്തിയ വിനോദസഞ്ചാരിയായ യുവതിക്കും പാമ്പുകടിയേറ്റു. കോയമ്പത്തൂര്‍ സ്വദേശി ശര്‍മിള നിലവില്‍ ചികിത്സയിലാണ് ________________________________ #ഇന്നത്തെ പ്രധാന വാർത്തകൾ #NEWS TODAY💢💢💢 #ഫ്ലാഷ് ന്യൂസ്‌ 📯📯📯 #പാമ്പ്‌ കടി