मेथी ही पालेभाजी बहुगुणी आहे. नुसती भाजी खायला काही जणांना आवडत नाही. मग असे पराठे केले कि आवडिने खातात. मेथी पराठा रेसिपी खालील प्रमाणे 3 कप गव्हाचे पीठ, 2 कप मेथी, 1/2 कप दही, 1 कांदा, 4/5 हिरव्या मिरच्या, 7/8 लसणाच्या पाकळ्या, 1 टीस्पून तीळ, 1 टीस्पून धने पावडर, 1/2 टीस्पून जीरे पावडर, 1/2 टीस्पून लाल तिखट, 1/4 चमचा हळद, 1/2 टीस्पून ओवा, चवीनुसार मीठ, 1 टेबलस्पून तेल, तूप किंवा बटर वरून लावण्यासाठी. एका परातीत किंवा मोठ्या बाऊलमध्ये गव्हाचे पीठ घ्या. मेथी स्वच्छ धुवून निथळत ठेवावी. दही घ्यावे. कांदा, मिरची, लसूण मिक्सरमध्ये किंवा चाॅपरमध्ये बारीक करून घ्यावे. एका ताटात सर्व मसाले घ्या, मीठ घ्या.वाटीत तेल घ्या आता पिठामध्ये मसाले, कांदा, दही घालून मिक्स करावे त्यात मेथी घालून हाताने चांगले एकजीव करून पीठ मळुन घ्यावे. गरजेप्रमाणे थोडे थोडे पाणी घालून मळावे. वरून तेल घालून मळुन दहा मिनिटे झाकून ठेवावे. आता छोटे गोळे करून घ्यावे. गोळा पिठामध्ये घोळवून चपातीप्रमाणे गोलाकार लाटून घ्यावे. तवा गरम करून त्यावर पराठा दोन्ही बाजूने ऊलटपालट करून भाजून घ्यावा. वरून तेल, तूप, बटर जे हवे ते लावावे. दही, चटणी लोणच सोबत सर्व्ह करावे. #😋आम्ही खादाडी🥧