*🌊🕉️ సముద్రాభిషేక స్తంభేశ్వర మహిమ 🕉️🌊* 🍃🌹కార్తికేయుడు ఇక్కడి శివలింగాన్ని పూజించి సర్వదోషాల నుంచి విముక్తుడయ్యాడు...!! *🙏🌹స్తంభేశ్వర ఆలయం 🌹🙏* 🍃🌹ఈ ఆలయం గుజరాత్‌లోని వడోదరా నుంచి సుమారు 50 కిలోమీటర్ల దూరంలోని కవికంబోయి గ్రామంలో ఉంది. అక్కడి అరేబియా సముద్ర తీరంలో ఉన్న ఈ ఆలయం గురించి స్కందపురాణంలో కూడా ప్రసక్తి ఉందని ఆలయ నిర్వాహకులు చెబుతున్నారు. 🍃🌹శివుని కుమారుడైన కార్తికేయుడు తారకాసురుడు అనే రాక్షసుని సంహరించిన విషయం తెలిసిందే. తారకాసురుడు లోకకంటకుడే కావచ్చు, కానీ అతను మహాశివభక్తుడు. అలాంటి శివభక్తుని తన చేతులతో సంహరించినందుకు కార్తికేయుడు పశ్చాత్తాపంతో కుమిలిపోయాడు. తాను చేసిన పనికి ప్రాయశ్చిత్తం చేసుకోవాలని తపించాడు. 🍃🌹కార్తికేయుని దుఃఖాన్ని గమనించిన విష్ణుమూర్తి ‘శివభక్తుని పట్ల జరిగిన అపచారం శివపూజతోనే తొలగిపోతుంది’ అని సూచించాడు. అప్పుడు కార్తికేయుడు దేవతల శిల్పి అయిన విశ్వకర్మ చేత మూడు శివలింగాలను తయారుచేయించి వాటిని పూజించాడు. వాటిలో ఒక శివలింగమే స్తంభేశ్వర ఆలయంలోని మూలవిరాట్టు. 🍃🌹అలలకు అనుగుణంగా… స్తంభేశ్వర ఆలయంలోని శివలింగం ప్రాచీనమైనదే అయినా, దీని చుట్టూ ఉన్న ఆలయ నిర్మాణం సుమారు 150 ఏళ్ల క్రితం జరిగింది. సాధారణంగా కనిపించే ఈ ఆలయం అద్భుత నిర్మాణం కాకపోయినా, దీనికి సంబంధించిన స్థలపురాణం వల్ల వేలాదిమంది భక్తులు ఇక్కడికి చేరుకుంటారు. 🍃🌹సముద్రపు అలలకు అనుగుణంగా ఈ ఆలయం కనిపించడం ప్రధాన విశేషం. అలలు తగ్గినప్పుడు ఆలయం కొద్దికొద్దిగా బయటపడుతూ చివరికి భక్తులు లోపలికి వెళ్లే అవకాశం లభిస్తుంది. మళ్లీ అదే విధంగా నెమ్మదిగా సముద్రంలోకి మునిగిపోతుంది. 🍃🌹ఆలయం పూర్తిగా బయటకు రావడం నుంచి మళ్లీ సముద్రగర్భంలోకి వెళ్లిపోవడం వరకూ ఈ దృశ్యాన్ని గమనించేందుకు భక్తులు ఉదయం నుంచి సాయంత్రం వరకు తీరం వద్ద వేచి ఉంటారు. చంద్రుని కళల ప్రకారం ప్రతిరోజూ ఆలయం దర్శనం మారుతూ ఉంటుంది. 🍃🌹అమావాస్య, పౌర్ణమి రోజులలో సముద్రపు అలలు ఎక్కువగా ఉండడం వల్ల శివుని దర్శనం కోసం కొంత ఎక్కువసేపు వేచి ఉండాల్సి ఉంటుంది. 🍃🌹ఈ ఆలయం ఇలా నిర్మించబడిందా, లేక కాలక్రమేణా ఈ విధంగా మారిందా అన్నది స్పష్టంగా చెప్పలేం. అయితే శివుడు అభిషేకప్రియుడు కాబట్టి సముద్రుడే ప్రతిరోజూ ఆయనకు అభిషేకం చేస్తున్నాడని భావించవచ్చు. 🍃🌹ఈ ఆలయం సమీపంలోనే మహీ నది అరేబియా సముద్రంలో కలవడం మరో విశేషం. ఆ సంగమ ప్రాంతంలో స్నానాలు చేసి స్తంభేశ్వరుని దర్శించుకోవడానికి వేలాదిమంది భక్తులు వస్తుంటారు. 🍃🌹శివపుత్రుడైన కార్తికేయుడు ఇక్కడి శివలింగాన్ని పూజించి సర్వదోషాల నుంచి విముక్తుడైనట్లే, ఈ లింగాన్ని దర్శించినవారు కూడా తెలిసీ తెలియక చేసిన పాపాల నుంచి విముక్తి పొందుతారని భక్తుల నమ్మకం. 🙏🙏🕉️🙏🙏🕉️🙏🙏🕉️🙏🙏 ___________________________________________ HARI 🙏✍🏻 ___________________________________________ #🌅శుభోదయం #భక్తి -జ్ఞానం-ఆధ్యాత్మికత #ఆధ్యాత్మిక జ్ఞానామృతం #🛕శివాలయ దర్శనం #🙏ఓం నమః శివాయ🙏ૐ