INTIMATE LOVE 🫶🏻🤍 PART - 10 ✍🏻കരിമഷി അൻഷിക്ക് എങ്ങനേലും ഈ വള്ളിയിൽ നിന്ന് ഊരിപ്പോരാം എന്നായിരുന്നെങ്കിൽ, ഫൈസിക്ക് ആദിത്യ ആരാ എന്ന് കാണാനുള്ള തൊര ആയിരുന്നു... ഫമി ആണേൽ എങ്ങനെ തന്റെ നാടകത്തിന് ഒരു തിരശീലയിടാമെന്നും ആയിരുന്നു ചിന്ത... അങ്ങനെ യുവജനോത്സവം എത്തി... ഒരുപാട് സംഭവ വികസങ്ങൾക്ക് സാക്ഷിയാകാൻ വേണ്ടിയുള്ള ആ ദിവസം... മൂന്ന് ദിവസം ആയിട്ടായിരുന്നു അവരുടെ പരിപാടി നടക്കുന്നത്... അൻഷിയുടെ ഒപ്പന രണ്ടാമത്തെ ദിവസവും... ആദ്യത്തെ ദിവസം അൻഷിയും അവളുടെ ഫ്രണ്ട്സും കൂടി സ്കൂളിലേക്ക് കടക്കാൻ പോവുകയിരുന്നു.. അവരുടെ സ്കൂളിന് രണ്ട് ഗേറ്റ് ഉണ്ടായിരുന്നു... ആദ്യത്തെ ഗേറ്റ് കഴിഞ്ഞു അല്പം നടന്നല്ലായിരുന്നു മെയിൻ ഗേറ്റ് എത്തുന്നത്... ആദ്യത്തെ ഗേറ്റ് ന്റെ അവിടെ തന്നെ hss ലെ ചെണ്ടകൊട്ടുന്ന ചെക്കന്മാരുണ്ടായിരുന്നു... അവന്മാർ ചെണ്ട കൊട്ടുന്നേം നോക്കി നടന്ന അൻഷി അതിനടുത്തായി ഗേറ്റ് നോട് ചേർന്നുള്ള ചുവരിൽ ചാരി നിന്ന് ചെണ്ട കൊട്ടുന്ന നോക്കുന്ന ഒരാളെ കണ്ടതും അവളൊരു സംശയത്തോടെ അയാളെ നോക്കി... അപ്പൊ പെട്ടന്ന് എന്തോ ആലോചിച്ചെടുത്തതും അവളുടെ ഉള്ളിൽ ഒരു കൊള്ളിയാൻ മിന്നി... അവള് പെട്ടന്ന് അന്ന് ഫമിന്റെ കൂടെ ബസിൽ നിന്ന ചെക്കന്റെ രൂപം ഓർത്തെടുത്തു... മാസ്ക് വെച്ച ചുരുണ്ട മുടിയുള്ള കുഞ്ഞി കണ്ണുകളുള്ള അല്പം ഇരുണ്ട നിറമുള്ള അവനെ അവള് പെട്ടന്ന് ഓർത്തെടുത്തു.... 'പടച്ചോനെ അവൻ തന്നെ ഇവൻ... ' അവളൊരു ടെൻഷനോടെ അപ്പൊ തന്നെ അവിടന്ന് ഓടി പോകാൻ തുടങ്ങിയെങ്കിലും അവനു തന്നെ അറിയില്ലല്ലോ എന്ന ധൈര്യത്തിൽ അവള് മെല്ലെ നടന്ന് പോയി... സ്കൂളിലേക്ക് എത്തിയതും ഓഡിറ്ററിയത്തിൽ പിള്ളേരൊക്കെ വന്ന് തുടങ്ങുന്നേയുണ്ടായിരുന്നുളൂ... ആക്കൂട്ടത്തിൽ അവള് ഫമിയെ തിരക്കിയെങ്കിലും കണ്ടില്ലായിരുന്നു.... അങ്ങനെ അവള് ഒരു സ്ഥലത്തു നിന്നതും അവളുടെ ബാക്കിൽ എന്തോ സൗണ്ട് കേട്ട് അവള് ഞെട്ടിതിരിഞ്ഞു നോക്കി... അപ്പൊ തന്റെ പിറകിൽ ഒരാൾ വന്ന് ഡെസ്ക് കൊണ്ടിട്ടത് ആയിരുന്നു... അത് ഇട്ടിട്ട് അയാൾ നിവർന്നു നിന്നതും അവനെ കണ്ട് അവള് രണ്ടടി പിറകിലേക്ക് വെച്ച് പോയിരുന്നു... എന്നാൽ അവൻ അവളെയൊന്നും വക വെക്കാതെ വേറെ എങ്ങോട്ടൊ പോയതും അവൾക്ക് അതൊരു ആശ്വാസം ആയിരുന്നു... അവളും അവളുടെ ഫ്രണ്ട്സും ബാക്കിൽ തന്നെ ഇരുപ്പ് ഉറപ്പിച്ചു... ആദ്യത്തെ ദിവസം ആയത് കൊണ്ട് തന്നെ പാട്ടും കവിതയും ഒക്കെ ആയിരുന്നു... ഇവളുമാർക്ക് ആണേൽ അത് കെട്ടിട്ട് അവിടെ ഇരിക്കാനും തോന്നുന്നില്ല... "ഡീ ചാടിയാലാ..." അൻഷി മെല്ലെ അവളുടെ അടുത്തിരുന്ന കൂട്ടുകാരിയായ വീണയോട് പറഞ്ഞു... അപ്പോൾ അവളുടെ അടുത്തിരുന്ന മറ്റൊരു കൂട്ടുകാരിയായ ആവണി അത് കെട്ടിട്ട് അൻഷിയോട് " ആയിന് ഗേറ്റ് അടച്ച് അവര്... പിന്നെ എങ്ങനെ വെളിൽ പോവാനാണ്?? " ആവണി "അതൊക്കെ നമ്മക്ക് ബാക്കിലെ ഗ്രൗണ്ട് വഴി ചാടാം..." വീണ "അവളുമാരെ കൂടെ വിളിക്കാം..." അൻഷി തന്റെ പിറകിൽ ഇരിക്കുന്ന അവളുടെ ബാക്കി കൂട്ടുകാരികളെ നോക്കി വീണയോട് ചോദിച്ചു... "അത് വേണ്ട... ആള് കൂടിയാ പാമ്പ് ചാവില്ലെന്നാ... അതോണ്ട് നമ്മക്ക് മൂന്നിനും ടോയ്ലറ്റിൽ പോണെന്ന് പറഞ്ഞ് ആദ്യം ചാടാം..." വീണ ആവണിയോടും അൻഷിയോടുമായി പറഞ്ഞു... അങ്ങനെ പറഞ്ഞത് പോലെ തന്നെ അവളുമാർ ബാക്കിലെ ഗ്രൗണ്ടിലേക്ക് നടന്നു... പക്ഷെ ഗ്രൗണ്ടിന്റെ സൈഡിൽ ആയിരുന്നു male staff room അവിടെ എത്തിയതും അവരുടെ ശ്രീകാന്ത് സർ അവിടെ വാതിലിന്റെ അവിടെ നിൽപ്പുണ്ടായിരുന്നു... ഇവരെ കണ്ടപ്പോൾ തന്നെ അങ്ങേര് അവരെ അയാളെ അടുത്തേക്ക് മാടി വിളിപ്പിച്ചു... "എവിടെ പോവാ മൂന്നാളും കൂടെ?? " അയാൾ അല്പം കട്ടിയുള്ള സ്വരത്തോടെ ചോദിച്ചു... "അത്... ഞങ്ങള്... ആഹ്... ടോയ്‌ലെറ്റിലേക്ക് പോവാൻ വന്നതാ..." ആദ്യം അല്പം വിക്കി ആണേലും വീണ ബാക്കി എങ്ങനേലും പറഞ്ഞൊപ്പിച്ചു... "ആഹ് എന്തായാലും ഞാൻ നിങ്ങളെ ക്ലാസ്സിലെ ആരേലും നോക്കി നിൽക്കുവായിരുന്ന്... നിങ്ങളല്ലേ ഈ ബ്ലോക്കിലെ മുതിർന്ന കുട്ടികൾ..." "അതോണ്ട്..." അൻഷി "അതോണ്ട് നിങ്ങൾ മൂന്ന് പേരും വോളണ്ടിയർസ് ആവ്... ഇതാ ബാഡ്ജ്... " എന്ന് പറഞ്ഞ് കൊണ്ട് അങ്ങേര് ഒരു മൂന്ന് മഞ്ഞ നിരത്തിലുള്ള ബാഡ്ജ് അവർക്ക് കൊടുത്തു... "അതിന് ഇവിടെ സ്കൗട്ടും, ഗൈടും, JRC യും ഒക്കെയുണ്ടല്ലോ... പോരാത്തതിന് hss ലെ NSS ന്റെ പിള്ളേരും ഉണ്ട്... ഞങ്ങളെന്തിനാ പിന്നെ..." ആവണി മറ്റവളുമാരും അതിയെന്ന രീതീൽ അയാളെ നോക്കി... "നിങ്ങൾക്കെന്താ പറ്റൂലെന്നുണ്ടോ?? എങ്കിൽ ഞാൻ വേറെ ആരെയെങ്കിലും ഏൽപ്പിക്കാം..." "അയ്യോ അതുവേണ്ട... ഞങ്ങൾ തന്നെ നോക്കിക്കോളാം... അല്ലേടി..." വീണ ചാടിക്കേറി പറഞ്ഞിട്ട് അൻഷിയേം ആവണിയേം നോക്കിയൊന്ന് വെളുക്കനെ ചിരിച്ചിട്ട് ആ ബാഡ്ജും വാങ്ങി അവരേം കോണ്ട് പോയി... "നിനക്കെന്ത് വീണേ വയ്യേ... " നടക്കുന്നത് നിർത്തി വീണയെ തന്റെ നേർക്ക് നിർത്തിച്ചുകൊണ്ട് ആവണി ചോദിച്ചു... അൻഷിയും അത് ശെരി വെക്കുന്ന രീതിയിൽ അവളെ നോക്കി... "എടീ അടങ്... നമ്മൾ ഇപ്പൊ ഇത് വാങ്ങിയില്ലേൽ വേറാർക്കേലും അയാളിത് കൊടുക്കും... " "അത് നല്ലതല്ലേ..." ആവണി അത് പറഞ്ഞതും അൻഷിയും അത് ശെരി വെച്ചുകൊണ്ട് അവളെ നോക്കി... "പോടീ... വേറാർക്കേലും കൊടുത്താ അവര് നമ്മള ചാടാൻ സമ്മതിക്കൂല... നമ്മളെൽ ആണേൽ നമ്മക്ക് ഇഷ്ട്ടം ഉള്ളപ്പോ ചാടാലോ..." വീണ അത് പറഞ്ഞപ്പോ അൻഷിയും ആവണിയും അത് ശെരി വെച്ചു... അങ്ങനെ അവളുമാർ കറങ്ങി തിരിഞ്ഞു ഒടുക്കം പോയി ഓഡിറ്ററിയത്തിൽ നിന്നതും അവിടെ പാട്ടൊക്കെ തകൃതിയായി നടക്കുന്നുണ്ടായിരുന്നു... ഇവളുമാർ വോളന്റീർസ് ആയത് കൊണ്ട് ആരും അവരോട് സീറ്റിൽ പോയി ഇരിക്കാൻ പറയാഞ്ഞത് അവർക്കൊരു ആശ്വാസമായിരുന്നു... അങ്ങനെ ഒന്നല്ലാതെ അൻഷി hss ലെ ബോയ്സ് ഇരിക്കുന്ന സ്ഥലത്തേക്ക് നോക്കിയതും അവിടെ ഇരിക്കുന്ന ആളെ കണ്ട് അവള് ഞെട്ടി... തുടരും... #💞 പ്രണയകഥകൾ #📔 കഥ