#😱પ્લેન ક્રેશમાં 12 લોકોના મોત, અમેરિકાના મિઝોરી રાજ્યમાં રવિવારે એક દર્દનાક ઘટના ઘટી હતી. સ્કાયડાઇવિંગ માટે ઉડાન ભરનારું એક નાનું વિમાન ટેકઓફ થયાની થોડી જ વારમાં ક્રેશ થઈ ગયું હતું. આ અકસ્માત એટલો ભયાનક હતો કે વિમાનમાં સવાર તમામ 12 લોકોના મોત નીપજ્યા હતા. મિઝોરી સ્ટેટ હાઇવે પેટ્રોલના જણાવ્યા અનુસાર, આ અકસ્માત બટલર મેમોરિયલ એરપોર્ટ પાસે થયો હતો. બટલર શહેર કેન્સાસ સિટીથી લગભગ 60 માઇલ દક્ષિણમાં આવેલું છે. પ્રાથમિક અહેવાલોમાં જણાવવામાં આવ્યું છે કે વિમાનમાં હાજર તમામ લોકો માર્યા ગયા છે.બેટ્સ કાઉન્ટી ઇમરજન્સી મેનેજમેન્ટના પ્રવક્તાએ સ્થાનિક ટીવી ચેનલ ફોક્સ-4ને જણાવ્યું કે, મૃતકોમાં 11 સ્કાયડાઇવર અને વિમાનના પાયલોટનો સમાવેશ થાય છે. આ તમામ લોકો સ્કાયડાઇવિંગ મિશન પર હતા અને વિમાન ઉડાન ભર્યા પછી નિર્ધારિત ઊંચાઈ પર પહોંચવાનું હતું, પરંતુ તે પહેલા જ આ અકસ્માત સર્જાયો હતો.અમેરિકન ફેડરલ એવિએશન એડમિનિસ્ટ્રેશન (FAA)ના જણાવ્યા અનુસાર, દુર્ઘટનાગ્રસ્ત વિમાન પેસિફિક એરોસ્પેસ P-750 મોડલનું હતું. આ વિમાન રવિવારે સવારે લગભગ 11:35 વાગ્યે બટલર મેમોરિયલ એરપોર્ટ પરથી ઉડાન ભરી રહ્યું હતું. FAAએ જણાવ્યું કે અકસ્માત સમયે એર ટ્રાફિક કંટ્રોલની કોઈ સેવા ઉપલબ્ધ નહોતી. જો કે, અકસ્માતનું અસલી કારણ હજુ સામે નથી આવ્યું.FAAએ જણાવ્યું છે કે, હવે આ અકસ્માતની મુખ્ય તપાસ નેશનલ ટ્રાન્સપોર્ટેશન સેફ્ટી બોર્ડ (NTSB) કરશે. તપાસ એજન્સીઓ એ શોધવાનો પ્રયાસ કરી રહી છે કે વિમાનમાં કોઈ ટેકનિકલ ખામી હતી, હવામાનની કોઈ ભૂમિકા હતી કે પછી અકસ્માત પાછળ અન્ય કોઈ કારણ હતું. હાલમાં અકસ્માત સ્થળને સીલ કરી દેવામાં આવ્યું છે અને કાટમાળની તપાસ કરવામાં આવી રહી છે. #🔥 બિગ અપડેટ્સ #📽 લેટેસ્ટ અપડેટ વીડિયો #📽 CCTV વીડિયો #🌏 વિદેશની અપડેટ્સ