#🔱 ಭಕ್ತಿ ಲೋಕ #ಶ್ರೀ ಲಲಿತಾ ತ್ರಿಪುರ ಸುಂದರಿ ನಮೋಸ್ತುತ್ತೆ #🙏🎵ಶ್ಲೋಕಗಳು!! ಶ್ರೀ ಲಲಿತಾ ಸಹಸ್ರನಾಮ ಶ್ಲೋಕ ಮತ್ತು ಅರ್ಥ:- 21-22 ಸರ್ವಾರುಣಾ ನವದ್ಯಾಂಗೀ ಸರ್ವಾಭರಣ ಭೂಷಿತಾ| ಶಿವಕಾಮೇಶ್ವರಾಂಕಸ್ಥಾ ಶಿವಾ ಸ್ವಾಧೀನವಲ್ಲಭಾ ||21|| ಜಗನ್ಮಾತೆಯ ವಸ್ತ್ರ ಆಭರಣ ಕುಸುಮ ಕಾಂತಿ ಇವೆಲ್ಲವೂ ಅರುಣಮಯವಾಗಿದೆ. ಸುಲಕ್ಷಣವಾದ ಅವಯವಗಳುಳ್ಳವಳು. ಸರ್ವಾಭರಣಗಳಿಂದ ಭೂಷಿತಳಾಗಿರುವವಳು. ಶಿವಕಾಮೇಶ್ವರನ ಮಡಿಲಲ್ಲಿ ಕುಳಿತಿರುವವಳು. ಪರಶಿವನ ಇಚ್ಛೆಯಾಗಿರುವವಳು (ಪ್ರತಿರೂಪಿಯಾಗಿರುವವಳು) ತನಗೆ ಅಧೀನನಾಗಿರುವ ಶಿವನನ್ನು ಪ್ರಿಯ ಪತಿಯಾಗಿ ಹೊಂದಿರುವವಳು. ಸುಮೇರು ಮಧ್ಯ ಶೃಂಗಸ್ಥಾ ಶ್ರೀಮನ್ನಗರ ನಾಯಿಕಾ | ಚಿಂತಾಮಣಿ ಗೃಹಾಂತಸ್ಥಾ ಪಂಚಬ್ರಹ್ಮಸನಸ್ಥಿತಾ ||22|| ಭಗವತಿಯು ಸುಮೇರು ಪರ್ವತದ ಮಧ್ಯ ಶೃಂಗದಲ್ಲಿ ಇರುವವಳು. ಶ್ರೀಮನ್ನ್ ನಗರದ ನಾಯಕಿ. ( ಶ್ರೀ ಚಕ್ರ ಎಂಬ ಅರ್ಥ ಬರುತ್ತದೆ) ಚಿಂತಿಸಿದ ವಸ್ತುಗಳನ್ನೆಲ್ಲ ಅನುಗ್ರಹಿಸುವ ಮಂತ್ರಗಳ ನಿರ್ಮಾಣ ಸ್ಥಾನವಾಗಿರುವ ಚಿಂತಾಮಣಿ ಗೃಹದಲ್ಲಿ ವಾಸಿಸುವವಳು. ಐದು ಬ್ರಹ್ಮರೇ ಆಸನವಾಗಿರುವ ಮಂಚದಲ್ಲಿ ಸ್ಥಿತವಾಗಿರುವವಳು. ( ಬ್ರಹ್ಮ -ವಿಷ್ಣು- ರುದ್ರ -ಈಶ್ವರ -ಸದಾಶಿವ) ವಂದನೆಗಳೊಂದಿಗೆ, ಆಶಾ ನಾಗಭೂಷಣ.