எலும்பு மஜ்ஜை எடிமா (BME) - 4 எலும்புநல்லியின் உட்கூறுகள் இயங்கியல் தன்மையுள்ளது. இது உயிர்க்கலம்சார், உயிர்க்கலம்சாரா உறுப்புகளைக் கொண்டுள்ளது. இது அகவையைச் சார்ந்து மாறுகிறது. அமைப்புக் காரணிகளைச் சார்ந்தும் மாறுகிறது. இது பேச்சு வழக்கில் இதில் உள்ள குருதியாக்கக் கலங்கள், கொழுப்புக் கலங்களைப் பொறுத்து மஞ்சள் சோறு சிவப்புச் சோறு எனப்படுவதுண்டு. இதுவரை சரியான எலும்புநல்லி இயங்கமைப்பும் ஒழுங்குமுறையும் அறியப்படவில்லை. உட்கூறுகளின் மாற்றம் வழக்கமான பொதுப்பாணிகளில் நிகழ்கிறது. எடுத்துகாட்டாக, புதிதாக பிறந்த குழந்தையின் எலும்பில் சிவப்புநல்லி அமைகிறது. இது அகவை முதிர முதிர மஞ்சள் நல்லியாக மாறுகிறது. வளர்ந்தவரில், சிவப்புநல்லி முதன்மையாக கூபகம், விலா நடுவெலும்பு, மண்டையோடு, விலாவெலும்புகள் முதுகுத்தண்டு, தோள்பட்டையெலும்பு போன்ற அச்சருகு எலும்புகளில் மட்டும் அமைகிறது. மேலும், தொடையெலும்பு, தோள்கட்டெலும்பு போன்ற நீளெலும்புகளின் நுனிகள், எலும்புகளின் வளர்முனைகள் ஆகியவற்றிலும் ஓரளவு மாறிமாறி அமைகின்றன. நாட்பட்ட உயிரகக்குறை (ஆக்சிஜன்குறை) நிலவும் சூழல்களில் மஞ்சள் நல்லி சிவப்பு நல்லியாக மாறி, சிவப்புக் குருதியாக்கக் கல உருவாக்க வீதத்த்தைக் கூட்டுகின்றன. நடுவில் முன்தண்டுவடக்கலங்கள், அதற்கடுத்து இரு இடைத்தண்டுவடக்கலங்கள், எலும்புநல்லிச் சாற்றின் பட்டைக்கலங்கள். உயிர்க்கல மட்டத்தில், எலும்புநல்லியின் முதன்மை பணியுறுப்பாக முன்னாக்க உயிர்க்கலங்கள் அமைகின்றன. இவை பின்னர் முதிர்வுற்று குருதிக்கலங்களாகவும் நிணநீர்க் கலங்களாகவும் மாறுகின்றன. எலும்பு நல்லி குருதியாக்க முகிழ்கலங்களையும் கொண்டுள்ளன; இவை பின்னர் குருதிச் சுற்றோட்டத்தில் காணும் மூவகைக் குருதிக் கலங்களாகின்றன. இவை, வெள்ளைக் குருதிக்கலங்கள், சிவப்புக் குருதிக்கலங்கள், சிறுதட்டுக் கலங்கள் என்பனவாகும். எலும்புநல்லியின் கருநிலை கலங்களில், அதன் முதன்மையான பணியாகிய குருதியாக்கத்தில் நேரடியாக பங்கேற்காத அனைத்து இணைப்பிழையங்களும் உள்ளன. இக்கருநிலைக்கலங்கள் மறைமுகமாக குருதியாக்கக் கலங்களை வேறுபடுத்தலில் நுண்சூழல் பின்னணியாக பங்கேற்கலாம் . எடுத்துகாட்டாக, இவை குழுவாக்கத் தூண்டல் காரணிகளை உருவாக்கி, அதன்வழியாக குருதியாக்கத்தில் கணிசமான பங்கேற்கலாம். எலும்புநல்லி கருக்கலங்களில் அமையும் கலவகைகள் கீழுள்ளவற்றை உள்ளடக்கும்: நாரிழை முகைகள் (வலைய இணைப்பிழையங்கள்) பேருண்கலங்கள், இவை சிவப்புக் குருதிக்கலங்களை (சிவப்பணுக்களை) குருதிமணிகளாக்க இரும்புச் சத்தை எடுத்துச் செல்லும்போது உருவாக்குகின்றன. நல்லிக் கொழுப்பு உயிர்க்கலங்கள் (கொழுப்புக்கலங்கள்) என்புமுகைகள் (தொகுத்தல் எலும்பு) என்புண் கலங்கள் (மீளுறிஞ்சு எலும்பு) எலும்புநல்லியின் கருக்கலங்கள் இடைமுகிழ் உயிர்க்கலங்களைக் கொண்டுள்ளன. இவை எலும்புநல்லி கருக்கலங்கள் எனவும் அழைக்கப்படுகின்றன. இவை பன்முகத் திறம் வாய்ந்த உயிர்க்கலங்கள் ஆகும். இவை வேறுபட்ட பலவகை உயிர்க்கலங்களாக மாறவல்லவை. இவற்றை உடலிலோ ஆய்வகத்திலோ வேறுபாடு வைக்கலாம். இவை எலும்புமுகைகளகவோ குருத்தெலும்புகளாகவோ தசை உயிக்கலங்களாகவோ நல்லிக் கொழுப்பு இணைப்பிழையங்களாகவோ பீட்டா வகை கணையத் திட்டு உயிர்க்கலங்களாகவோ வேறுபடலாம். சித்தர்கள் அருளிய பாரம்பரிய சித்த மருத்துவம் மூலம் குருவிடம் கற்றுக்கொண்ட பாரம்பரிய முறைப்படி மருந்துகள் செய்து வழங்கப்படும். “வைத்திய ரத்னா” *#டாக்டர்_இரா_கணபதி* B.E.,MBA.,RSMP.,DCSM.,TCHP பதிவு பெற்ற பாரம்பரிய சித்த மருத்துவர் *தமிழ்நாடு சித்த மருத்துவ மன்றம்* . *இந்திய அரசு தரச்சான்று மன்றம் (QUALITY COUNCIL OF INDIA - QCI)* . பதிவு எண்: CTTC/PrCB 005/TN 02. மாநில துணைத் தலைவர் *SOUTHERN BOARD OF TRADITIONAL SIDDHA MEDICINE* (SBTM) மேலாண்மை இயக்குநர்- *#பதினெண்_சித்தர்_சித்த_மருத்துவ_ஆராய்ச்சி_மையம்* 3,வட்டாட்சியர் அலுவலக சாலை தாராபுரம் (அஞ்சல்) - 638 656 திருப்பூர் மாவட்டம் *SINCE 29 YEARS (1997 – 2026)* http://www.siddharmedicine.in/ @ 9943909495, 9487553810, 04258-226495 #சித்த மருத்துவம்