"శ్రీ సత్య దేవుని దివ్య కళ్యాణం" శ్రీ పరాభవ నామ సంవత్సరం వైశాఖమాసం శుక్లపక్షం ఏకాదశి తేదీ 27-4-2026 సోమవారం సాయంత్రం అన్నవరం క్షేత్రంలో రత్నగిరి కొండపై శ్రీఅనంతలక్ష్మీ సత్యవతి దేవి సమేత శ్రీవీరవెంకటసత్యనారాయణ స్వామి వారి వార్షిక దివ్య కళ్యాణ మహోత్సవం మహా వైభవంగా నిర్వహిస్తున్నారు. శ్రీ అనంతలక్ష్మి సత్యవతి సమేత శ్రీవీరవెంకట సత్యనారాయణ స్వామికి 5 రోజుల పాటు (పంచాహ్నిక దీక్ష) జరిగే ఈ కళ్యాణాన్ని చూడటానికి దేశ విదేశాల నుండి భక్తులు తరలివస్తారు. స్వామివారి భక్తులందరూ చూసి తరించవచ్చు. స్మార్తాగమరీతిలో, ఆపస్తంబ సూత్రరీత్యా ఈ కళ్యాణం జరుగుతుంది. స్వామివారి కళ్యాణం, రథోత్సవం, చక్రస్నానం, మరియు పుష్పయాగం. ఈ ఉత్సవాలు స్వామివారికి, అమ్మవారికి చేసే వివాహ మహోత్సవంగా భావిస్తారు ఆదివారం. సాయంత్రం 4 గంట లకు ప్రధానాలయం వద్ద అనివేటి మండపంలో స్వామి, అమ్మవార్లను పెండ్లికుమారుడు, పెండ్లి కుమార్తెలను చేసే కార్యక్రమం శాస్త్రోక్తంగా జరుగుతుంది. రాత్రి 7 గంటలకు ఎదుర్కోలు ఉత్సవం జరుగుతుంది. స్వామి, అమ్మవార్ల తరపున పండితులు, అర్చకులు, పురోహితుల బృందం రెండు వర్గాలుగా ఉండి కల్యాణమూర్తుల కీర్తిప్రతిష్టలు, గుణగణాలు, వంశాల విశిష్టత కీర్తిస్తూ , ఒకరి గురించి ఒకరు ఉన్నవి లేనిపోనివి మాటలతో సరదాగా సాగుతుంది. రాత్రి 9 గంటలకు పెళ్లి పెద్దలు సీతారాముల వారికి వెండి ఆంజనేయ వాహనంపై ఆశీనులను చేసి గ్రామోత్సవం నిర్వహిస్తారు. 27న రాత్రి కల్యాణం జరగడానికి ముందుగా స్వామి వారిని గరుడ వాహనం పైన, అమ్మవారిని గజ వాహనం పైన, శ్రీ సీతారాములవారిని పల్లకీలో ఉంచి గ్రామోత్సవం నిర్వహిస్తారు. 28వ తేదీన ప్రధాన ప్రవేశ స్థాలిపాక హోమాలు, అరుంధతి నక్షత్ర దర్శనం, రావణ వాహన సేవ కార్యక్రమాలు నిర్వహిస్తారు. 29 వ తేదీన పండిత సదస్యం, పొన్నవాహన సేవ కార్యక్రమాలు నిర్వహిస్తారు. 30 వ తేదీన వనవిహారోత్సవం, రథోత్సవం కార్యక్రమాలు నిర్వహిస్తారు. మే 1 తేదీనాడు స్వామివారికి శ్రీచక్రస్నానం కార్యక్రమాలు నిర్వహిస్తారు. మే 2 తేదీ నాడు శ్రీపుష్పయోగం కార్యక్రమాలు నిర్వహిస్తారు. #తెలుసుకుందాం #అన్నవరం సత్యనారాయణ మూర్తి స్వామి #అన్నవరం