എഴുത്തുകാരെ പ്രണയിക്കരുത്... അവർക്ക് ആരോടും പ്രണയമില്ല..! അക്ഷരങ്ങൾ കൊണ്ട് മായാജാലം തീർക്കുന്ന മാന്ത്രികർ മാത്രമാണവർ. ഇല്ലാത്തതിനെ ഉണ്ടെന്ന് തോന്നിപ്പിക്കും. ഉള്ളതിനെ ഇല്ലാത്തതായായി തോന്നിപ്പിക്കും. ഒടുവിൽ ജീവൻ തന്നെ കളയും. തോൽക്കാൻ മടിയില്ലാത്ത അവർ മരിച്ചു തോല്പ്പിക്കും. ഒരുപാട് ചോദ്യങ്ങൾക്കുള്ള ജീവനില്ലാത്ത ഉത്തരങ്ങൾ ഒടുവിൽ ആർക്കൊക്കെയോ ഭാരമാകും. എഴുത്തുകാരെ വർണ്ണിക്കരുത്. ഒരിക്കലും എഴുതാത്ത മോഹത്തേരിൽ സഞ്ചരിക്കുന്നവർ. എഴുത്തുകാർ നിങ്ങൾ പുറമെ മനസ്സിലാക്കുന്നത് പോലെയല്ല... ഇരുട്ടിന്റെ കണ്ണിനു കണ്ണട അണിയിക്കുന്നവരാണ്. കാറ്റിന്റെ ചെവിയിൽ കമ്മലിടുന്നവരാണ്.. മഞ്ഞുതുള്ളി കൊണ്ടു പൂക്കളം ഒരുക്കുന്നവരാണ്. ഒരു മുടി നാരു കൊണ്ട് ഹൃദയത്തിൽ നിന്നും മറ്റൊരു ഹൃദയത്തിലേക്ക് പാലം നിർമ്മിക്കുന്നവരാണ്. എഴുത്തുകാരെ പ്രണയിക്കരുത്. അവരുടെ കണ്ണിലേക്ക് നോക്കരുത്... അവരുടെ കൈകളിലേക്ക് മാത്രം നോക്കുക... വിരലുകൾ കോർത്തു വച്ചിരിക്കുന്നുണ്ടോ എന്ന് നോക്കുക... ഉണ്ടെങ്കിൽ അവരെ ഉപേക്ഷിച്ചു പോകുക... ഹൃദയ കവാടം എന്നോ ആർക്കോ മുന്നിൽ അടച്ചു നിൽക്കുന്നവരാണ്... അതിന്റെ താക്കോൽ മരുഭൂമിയിലേക്ക് വലിച്ചെറിഞ്ഞവരാണ്. ഇനിയാർക്കും കടന്നു വരാത്ത വിധം സ്വയം നിർമ്മിത കോട്ടയിൽ ജീവിക്കുന്നവരാണ്. അവരുടെ കണ്ണിൽ നോക്കരുത്... ചിരിയിൽ മയങ്ങരുത്... തീർച്ചയായും അവരെ പ്രണയിക്കരുത്... അവർക്കാരോടും പ്രണയമില്ല!! Kadappad #💭 Best Quotes #📋 കവിതകള്‍ #💌 പ്രണയം #💞 നിനക്കായ്