आदरणीय पवार साहेब काहीही चुकीचं बोलले नाहीत वारकरी संप्रदायात काही लोकांनी घुसखोरी केली आहे हे खरं आहे कशी ते समजून घेण्यासाठी हा लेख वाचा आणि आपल्या आजूबाजूला असं घडतंय का याचा स्वतःच्या मनाला प्रश्न विचारा. महाराष्ट्र ही संतांची भूमी आहे,जिथे "भेदाभेद भ्रम अमंगळ" हा विचार संस्कार म्हणून दिला गेला पण आज याच पवित्र वारकरी संप्रदायात 'राजकीय अजेंडा' घेऊन काही धर्मांध शक्तींनी शिरकाव केला आहे. हे लोक वारकरी वेशात आहेत,पण त्यांचे विचार मात्र संतांच्या विचारांशी विसंगत आहेत. वारकरी संप्रदाय हा 'लोकधर्म' आहे.संत तुकोबांनी शिकवले की अख्खं जग विष्णूचं रूप आहे.तिथे मुस्लिम भक्त संत शेख महंमद म्हणतात, "शेख महंमद अविंद, त्याचे हृदयी गोविंद".ही आमची परंपरा! पण आज काही स्वयंघोषित 'साधू' व्यासपीठावरून विशिष्ट धर्माचा द्वेष करायला चिथावत आहेत.हे लोक विठ्ठलाची भक्ती नाही,तर समाजात फूट पाडण्याचे राजकारण करत आहेत. वारकऱ्याचा आहार हा 'सात्विक' आणि 'समतेचा' असतो. वारीमध्ये पंगतीला बसल्यावर कोण कोणत्या जातीचा किंवा धर्माचा आहे, हे विचारले जात नाही; तिथे फक्त 'विठ्ठल' दिसतो. संत एकनाथांनी तहानेने व्याकुळ झालेल्या गाढवाला गंगेचे पाणी पाजले,यातच वारकऱ्याची दया आणि आहार-विहारातील शुद्धता दिसते.मात्र,आता संप्रदायात घुसलेले 'सनातनी' विचार अन्नावरून शुद्धता-अशुद्धतेचे स्तोम माजवत आहेत.अन्नातून माणुसकी ऐवजी 'तामसी अहंकार' पेरला जात आहे. वारकऱ्याच्या हातात टाळ असतो कारण त्याला ईश्वराचे गुणगान करायचे असते पण अलीकडे काही तरुण वारकऱ्यांच्या हातात टाळाऐवजी 'शस्त्रांचे' महत्त्व पटवून देण्याचे काम काही कट्टरपंथी करत आहेत.ज्या संप्रदायाने जगाला शांतीचा आणि 'पसायदानाचा' संदेश दिला,तिथे हिंसेला स्थान देणे हा संतांचा अपमान आहे. वारकरी संप्रदायाचा पाया 'ज्ञानेश्वरी' आहे आणि कळस 'तुकाराम गाथा' आहे.संतांनी 'मनुस्मृती' सारख्या कर्मकांडी विचारांना छेद देऊन स्त्रिया आणि शूद्रांसाठी भक्तीची दारे उघडली. संत चोखामेळा यांनी विठ्ठलाला पाहिले ते मंदिरातून नव्हे,तर अंतःकरणातून! आज मात्र काही लोक संप्रदायात पुन्हा 'कर्मकांड', 'पूजा-पाठ' आणि जुन्या प्रतिगामी विचारांना कुरवाळत आहेत.हे लोक वारकरी धर्माला पुन्हा 'ब्राह्मण्यवादाच्या' आणि 'सनातनी' चौकटीत नेऊन बसवण्याचा प्रयत्न करत आहेत. वारकरी कधीही सत्तेच्या पायरीवर झुकला नाही.छत्रपती शिवाजी महाराजांना गुरुस्थानी असलेले तुकोबा सत्तेपुढे नतमस्तक झाले नाहीत.पण आज काही महाराज राजकीय पक्षांच्या व्यासपीठावर बसून,त्यांच्यासाठी मते मागण्याचे काम करत आहेत.हा संप्रदायाचा नैतिक ऱ्हास आहे. कपाळाला बुक्का लावणारा किंवा गळ्यात माळ घालणारा प्रत्येक जण 'वारकरी' नसतो.जो माणसाचा द्वेष करायला शिकवतो,जो अन्नावरून माणसांत भेद करतो,जो संतांच्या ग्रंथांपेक्षा राजकीय विचारांना महत्त्व देतो तो माझ्या विठ्ठलाचा वारकरी असूच शकत नाही! #👌हृदयस्पर्शी फोटो #😏मतलबी दुनिया #🏛️राजकारण #👌प्रेरणादायी स्टेट्स #1️⃣महाराष्ट्र अपडेट्स