#🍲 ഭക്ഷണപ്രേമി *🌶️ ഇന്നത്തെ പാചകം 🍳* *കായവിൽ* +-----+------+----+--------+ ```അവൽ വിളയിച്ചത്, വരട്ടിയത് എന്നൊക്കെ കേട്ടിട്ടുണ്ടാവാം. കായവിൽ കഴിച്ചിട്ടുണ്ടോ?. പേരു പോലെ തന്നെ പഴുത്ത കായയും അവിലും ചേർത്ത് തയ്യാറാക്കുന്ന നാല് മണി പലഹാരമാണിത്. അവൽ വിളയിച്ചതും പഴം നുറുക്കം ഒരുമിച്ചതാണ് കായവിൽ. വളരെ കുറച്ച് ചേരുവകളും അതിലും കുറവ് സമയവും മതി. സ്കൂൾ വിട്ടെത്തുന്ന കുട്ടികൾക്ക് ഒരു തവണയെങ്കിലും ഇത് തയ്യാറാക്കി നൽകൂ, പാത്രം കാലിയാകുന്ന വഴി അറിയില്ല.``` _______________________ *ചേരുവകൾ* ______________________ _ശർക്കര - രണ്ട് ടേബിൾസ്പൂൺ_ _വെള്ളം - അര കപ്പ്_ _പഴം - 2 എണ്ണം_ _തേങ്ങ ചിരകിയത് - അര കപ്പ്_ _അവിൽ - 2 കപ്പ്_ _ഏലക്ക - 4 എണ്ണം_ _നെയ്യ് - ഒരു ടേബിൾ സ്പൂൺ_ _____________________ *തയ്യാറാക്കുന്ന വിധം* ____________________ ```ഒരു പാൻ അടുപ്പിൽ വച്ച് രണ്ട് ടേബിൾസ്പൂൺ ശർക്കര പൊടിച്ചതിലേക്ക് അൽപ്പം വെള്ളം ഒഴിച്ച് അലിയിച്ചെടുക്കുക. നന്നായി പഴുത്ത 2 നേന്ത്രപ്പഴം കട്ടികുറച്ച് വട്ടത്തിൽ അരിഞ്ഞതു ചേർത്തിളക്കുക. അൽപ്പം തേങ്ങ ചിരകിയതും, അവിലും, ഏലക്ക പൊടിച്ചതും ചേർത്തിളക്കി യോജിപ്പിക്കുക. നെയ്യ് കൂടി ചേർത്തിളക്കി അടുപ്പിൽ നിന്നും മാറ്റാം.``` +-------+-----+-----+--------+