നിതാന്തം നിർമലം നിൻ പുഞ്ചിരി എന്റെ ആത്മപ്രശംസ അത്രയും ആദ്യന്തം നീ എന്ന അറിവ് എന്നുള്ളതായിരുന്നു ഒത്തിരിപ്പേർ എന്നെ ഉറ്റു നോക്കി എന്റെ കർമ്മങ്ങളിലത്രയും നിന്നെ അവർക്ക് ദർശിക്കാനായി അവർ ചോദിച്ചു ആരാണ് നീ നിത്യതേ നിന്നെ ഞാൻ എങ്ങനെ വാക്കുകളിൽ പകരും അറിയില്ല അറിയില്ലെന്നുര ചെയ്യവെ എന്നിൽ അവർ അവജ്ഞ ചൊരിഞ്ഞകന്നു അപ്പോഴും നിതാന്തം നിർമലം നീ പുഞ്ചിരിച്ചു നിന്റെ കഥകൾ ഞാൻ ഗീതങ്ങളാക്കി നിഗൂഢമെൻ ഹൃദയത്തിൽ നിറഞ്ഞ നിൻ ചൈതന്യം നിർഗമിച്ചു ആ ഗീതങ്ങൾ അനശ്വരതയെ തൊട്ടു അകന്നവർ അടിവച്ചടുത്തു വന്നു പറയൂ ഈ അനന്തതയുടെ അർത്ഥം എന്താണ് അവർ ചോദിക്കുന്നു നിത്യാനന്ദമേ നിന്നെ ഞാൻ എങ്ങനെ വാക്കുകൾ ആക്കും അറിയില്ല ആരറിവൂ ഈ അറിവിൻ അളവ് ചോദ്യങ്ങളെയ്തവർ പരിഹാസച്ചിരി ചൊരിഞ്ഞകന്നു അപ്പോഴും നിതാന്തം നിർമലം നീ പുഞ്ചിരിച്ചു #📝 ഞാൻ എഴുതിയ വരികൾ #💭 എന്റെ ചിന്തകള്‍ #❤ സ്നേഹം മാത്രം 🤗