ന്യൂഡൽഹി: രാജ്യത്തെ വർധിച്ചുവരുന്ന വിലക്കയറ്റത്തിനെതിരെ കേന്ദ്രസർക്കാരിനെയും പ്രധാനമന്ത്രി നരേന്ദ്ര മോദിയെയും രൂക്ഷമായി വിമർശിച്ച് കോൺഗ്രസ് നേതാവ് രാഹുൽ ഗാന്ധി. “മോദി വിലക്കയറ്റ മനുഷ്യനായി മാറിയിരിക്കുകയാണ്. തവണകളായി ജനങ്ങളുടെ പോക്കറ്റടിക്കുകയാണ് കേന്ദ്രസർക്കാർ,” എന്നാണ് രാഹുൽ ഗാന്ധിയുടെ വിമർശനം. പാചകവാതകം, ഇന്ധനം, നിത്യോപയോഗ സാധനങ്ങൾ എന്നിവയുടെ വില വർധിച്ചതോടെ സാധാരണ ജനങ്ങൾ വലിയ സാമ്പത്തിക പ്രതിസന്ധിയിലാണെന്ന് അദ്ദേഹം ആരോപിച്ചു. വിലക്കയറ്റം കാരണം മധ്യവർഗ്ഗവും സാധാരണക്കാരും ദുരിതത്തിലായിരിക്കെ കേന്ദ്ര സർക്കാർ യാതൊരു ആശ്വാസ നടപടിയും സ്വീകരിക്കുന്നില്ലെന്നും രാഹുൽ ഗാന്ധി കുറ്റപ്പെടുത്തി. കേന്ദ്രത്തിന്റെ സാമ്പത്തിക നയങ്ങൾ കോർപ്പറേറ്റുകൾക്ക് അനുകൂലമാണെന്നും സാധാരണ ജനങ്ങളുടെ ജീവിതം കൂടുതൽ ദുസ്സഹമാക്കുന്നതാണെന്നും അദ്ദേഹം പറഞ്ഞു. തൊഴിലില്ലായ്മയും വിലക്കയറ്റവും രാജ്യത്തെ ഏറ്റവും വലിയ വെല്ലുവിളികളായി മാറിയിട്ടുണ്ടെന്നും കോൺഗ്രസ് നേതാവ് കൂട്ടിച്ചേർത്തു. ഇതിനിടെ രാഹുൽ ഗാന്ധിയുടെ പരാമർശത്തിന് ബിജെപി നേതാക്കളും മറുപടിയുമായി രംഗത്തെത്തി. രാജ്യത്തിന്റെ സാമ്പത്തിക വളർച്ചയും വികസന പ്രവർത്തനങ്ങളും പ്രതിപക്ഷം കാണുന്നില്ലെന്നാണ് ബിജെപിയുടെ പ്രതികരണം. #RahulGandhi #NarendraModi #PriceHike #Inflation #CostOfLiving #PoliticalNews #Congress #BJP #KeralaNews #IndiaPolitics #BreakingNews #MalayalamNews #TrendingNews #MalanaduTVIndia #NewsUpdate #MalanaduTV #malanadutvlive #🔴 എൽഡിഎഫ് #📰ബ്രേക്കിങ് ന്യൂസ് #🗳️ രാഷ്ട്രീയം #🔵 യുഡിഎഫ് #🔶 BJP