#😱BF साठी पत्नीने पतीचा रचला हत्येचा कटk🗡️ पुन्हा एकदा सुंदर पत्नीनेच पतीला फसवलं ... बायको दिसायला सुंदर असण्यापेक्षा संस्कारी असायला हवी याचं हे उत्तम उदाहरण ..मध्य प्रदेशातील धार जिल्ह्यात घडलेली ही घटना ऐकून अंगावर शहारे येतात. ७ एप्रिल रोजी प्रियांकाने रडत-ओरडत घरात चोर शिरल्याचा बनाव केला आणि त्यांनी तिच्या पती देवकृष्ण यांची हत्या केल्याचं सांगितलं. सुरुवातीला सगळ्यांना हा प्रकार खराच वाटला.
मात्र, पोलिसांनी सखोल तपास सुरू केला तेव्हा धक्कादायक सत्य समोर आलं. प्रियांका स्वतःच या संपूर्ण कटाची सूत्रधार असल्याचं उघड झालं. तपासादरम्यान तिच्या मोबाईलमधील व्हॉट्सअॅप चॅट्स आणि इतर पुराव्यांमुळे संपूर्ण कट स्पष्ट झाला.
प्राथमिक माहितीनुसार, पतीच्या दिसण्यावरून दोघांमध्ये वारंवार वाद होत होते. तसेच, प्रियांकाचे दुसऱ्या व्यक्तीसोबत संबंध असल्याची बाबही समोर आली. याच कारणातून तिने आपल्या प्रियकरासोबत मिळून पतीच्या हत्येचा कट रचला. यासाठी सुमारे एक लाख रुपयांची सुपारी देण्यात आल्याची माहिती आहे.
घटनेनंतर संशय टाळण्यासाठी प्रियांकाने नाट्यमय पद्धतीने रडण्याचा बनाव केला, मात्र पोलिसांच्या तपासात तिचं खरं रूप उघड झालं. सध्या प्रियांका आणि तिचा प्रियकर कमलेश पोलिस कोठडीत असून, सुपारी घेणारा सुरेंद्र फरार असल्याची माहिती आहे.
या घटनेमुळे पुन्हा एकदा अशा प्रकारच्या गुन्ह्यांवर आणि नात्यांतील विश्वासावर चर्चा सुरू झाली आहे.
