#🙏गुरु महिमा😇 #🙏श्री गुरुदेव दत्त💐 #😇भक्ती स्टेट्स #💐संत महंत🙏

#🙏गुरु महिमा😇 #🙏श्री गुरुदेव दत्त💐 #😇भक्ती स्टेट्स #💐संत महंत🙏

मूल होऊन भगवंतापाशी जावे. या जगात कर्माशिवाय कोण राहतो ? पण कर्म यथासांग होत नाही याचे कारण, आपण कर्म कशाकरिता करतो याची जाणीवच होत नाही आपल्याला. अधिष्ठानाशिवाय कर्म साधत नाही. मालक पाठीशी असला की कर्म करणाऱ्याला जोर येतो. काही चांगली कर्ममार्गी माणसे भक्तिमार्गी लोकांना नावे ठेवतात. भक्तिभावाने जो राहतो तो दुसऱ्याला नावे ठेवीत नाही. 'मी कोण' हे जाणायला ज्ञान आणि भक्ति लागतेच. तसेच, 'ब्रह्म सत्यं जगन्मिथ्या' म्हटले तरी त्याचा अनुभव येण्यासाठी कर्म करावेच लागते. उपासना भगवंताला ओळखून करावी. लहान मूल आईकडे डोळे करून मुकाट्याने दूध पिते, त्याप्रमाणे समर्थांसारख्यांनी जे सांगितले ते आम्ही निमूटपणे करावे. डोळे मिटून जितके काम होईल, अंधश्रद्धेने जे होईल, ते अभिमानाने, ज्ञानाचे डोळे उघडे ठेवूनही नाही होणार. मूल होऊन भगवंताला ओळखावे. याला अडचण एकच असते; माझे 'शहाणपण' आड येते. भक्त मुलांसारखे वागतात देव त्यांचे लाड पुरवितो. कुणी असे म्हणतील की, "भगवंताची आणि आमची ओळख नाही, तर त्याची आम्ही कशी पूजा करावी ?" "त्याला ओळखल्या शिवाय मी भजन करणार नाही" असे म्हणणे वेडेपणाचेच आहे. भगवंताला पुष्कळ मार्गांनी ओळखता येईल. पांडुरंगाकडे जाण्यासाठी काही मार्ग आधी आक्रमणे जरूर आहे. संतांनी अखंड जागृत राहण्याचा मार्ग सांगितला; तो असा की, देहाने प्रपंच करा, पण मन भगवंताच्या ठिकाणी अर्पण करा. मन भगवंताच्या ठिकाणी स्थिर झाल्याशिवाय इतर काहीही करून उपयोग नाही. ध्येय सत्य असल्याखेरीज चित्ताची स्थिरता होत नाही. पण सत्य अशा ध्येयावर अगोदर पूर्ण श्रद्धा पाहिजे. प्रपंचात जशी प्रेमाची गरज आहे तशी परमार्थात श्रद्धा पाहिजे. 'देव माझा आहे' असे म्हणण्या‍ऐवजी 'मी देवाचा आहे' असे म्हणावे, म्हणजे श्रद्धा उत्पन्न होते. समुद्राचा तरंग असतो, तरंगाचा समुद्र असतो असे नव्हे समाधानात निश्चितपणा असेल तर त्यात समाधान आहे; म्हणून साधन श्रद्धेने करीत जावे. जशी श्रद्धा तशी फळे. आपण भगवंताच्या स्मरणात निर्धास्त असावे. प्रपंचात कधीच धीर सोडू नये. ज्याप्रमाणे मुंग्यांची राणी जागेवरून हलवली की तिच्यामागे असणाऱ्या हजारो मुंग्या तिच्याबरोबर नाहीशा होतात, त्याचप्रमाणे एक देहबुद्धी काढून टाकली, की आपल्या मनात उठणारे हजारो संकल्प नाहीसे होतात. या देहबुद्धीच्या पलीकडे गेल्यावर जे ज्ञान होते त्यालाच आत्मज्ञान म्हणतात. असे आत्मज्ञान झाल्यावर जे पूर्ण समाधान मिळते तेच खरे भगवंताचे दर्शन होय. #💐संत महंत🙏 #😇भक्ती स्टेट्स #🙏श्री गुरुदेव दत्त💐 #🙏गुरु महिमा😇

परमार्थात गुप्ततेची जरूरी असते. वासनेच्या तावडीतून सुटणे फार कठीण आहे. कारण वासनेच्या पोटीच प्राणी जन्माला येत असतो. त्या वासनेला जिंकणे, म्हणजे आपण मरून जाण्या‍इतके कठीण आहे. वासनेच्या पोटी जन्म, आणि जन्मानंतर अहंकार, ह्या जोडप्यापोटी कामक्रोधादि विकार जन्माला येतात. या जोडप्याचे वैशिष्ट्य असे की, त्यामध्ये बायको नवर्‍यापेक्षा वडील असते; कारण आधी वासना, आणि त्यातून पुढे अहंकार. भगवंताजवळ 'वास' ठेवला तरच वासना नष्ट होते. प्रपंच मुळात चांगलाही नाही आणि वाईटही नाही. प्रपंचातली वासना बाहेर काढणे, याचेच नाव परमार्थ. प्रपंचात प्रसिद्धीची जरूरी वाटते. त्याच्या उलट परमार्थात गुप्ततेची जरूरी लागते. समजा, एखाद्या बाईने दागिने हवेत म्हणून नवर्‍याजवळ हट्ट धरला, आणि नवर्‍याने तिला हवे असलेले सर्व दागिने देण्याचे कबूल केले; पण अट अशी घातली की, जेव्हा दागिने अंगावर घालायचे असतील त्या वेळी ते घालून खोलीची दार-खिडक्या बंद करून आत बसले पाहिजे. अशी अट पाळून कोणती बाई दागिने घालायला कबूल होईल ? कारण दागिने लोकांनी पाहण्यातच तिला समाधान आहे. ही झाली प्रपंचातली रीत. परमार्थात याच्या उलट गुप्ततेची गरज आहे. आपली साधना कोणाच्याही नजरेत न येईल अशी खबरदारी घ्यावी; कारण परमार्थाला दृष्ट फार लवकर लागते. ती केवळ इतर लोकांचीच लागते असे नसून, आपली स्वतःचीसुद्धा लागण्याचा फार संभव असतो. म्हणून परमार्थात गुप्तता असावी; आणि आपल्या हातून जे साधन होते आहे, ते सद्‍गुरू किंवा परमात्मा यांच्या कृपेनेच माझ्याकडून करवून घेतले जात आहे, ही जाणीव ठेवावी. आजारी माणसाने नुसते पडून राहावे, पण औषध मात्र नियमाने घ्यावे. बाकीच्या गोष्टी इतर लोक करतात; औषध मात्र आपण स्वतःच घेतले पाहिजे. एखादा मोठा राजा जरी झाला तरी कडू औषध दासीला देऊन काही त्याचा रोग बरा होत नाही. त्याचप्रमाणे, परमार्थात भगवंताचे स्मरण ठेवण्याचे काम आपल्या स्वतःलाच करायला पाहिजे. उगीच कुणाच्या नादी लागू नये. परमार्थ म्हणजे काय करायला पाहिजे हे नीट समजावून घ्या आणि मग त्या मार्गाने जा. कोणाला फसू नका, कारण स्वतः फसणे हे जगाला फसविण्या‍इतकेच पाप आहे. ज्याच्या प्रपंचात पाठीराखा परमात्मा आहे, त्याचा तो प्रपंचच परमार्थ होतो. उलट ज्याचा पाठिराखा अभिमान आहे, त्याचा परमार्थदेखील प्रपंचच म्हटला पाहिजे.,,, #🙏गुरु महिमा😇 #🙏श्री गुरुदेव दत्त💐 #😇भक्ती स्टेट्स #💐संत महंत🙏

परमार्थात अभिमान आड येतो. शास्त्रात दोन गोष्टी सांगितल्या आहेत; इहलोक आणि परलोक कसे साधावेत हे दोन्ही स्पष्ट केले आहे. परंतु आपण प्रपंच तडीचा आणि परमार्थ सवडीचा मानतो. या दोन्ही गोष्टींत जाणत्याची संगत लागते. परलोक साधून देणार्‍याला सद्‍गुरु म्हणतात. जो मनुष्य आपल्याला कळत नाही हे कबूल करतो, त्यालाच सद्‍गुरुकडे जाण्याचा रस्ता मोकळा होतो. आपण भगवंताला शरण जात नाही, कारण आपला अभिमान या शरण जाण्याच्या आड येतो. गंमत अशी की, व्यवहारात सुद्धा आम्ही अभिमान सोडून, ज्याला जे समजते त्याच्याकडे जातो. इहलोक अनुभवाचा आणि परलोक अनुमानाचा, अशी आपली कल्पना असते. पण इहलोकाचा अनुभव दुःखाचा येतो तरी तो आम्ही सोडत नाही, मग 'परमार्थाचा अनुभव नाही म्हणून मी तो करीत नाही' हे म्हणणे लबाडीचे आहे. 'प्रपंचात आम्ही काही पाप करीत नाही, मग परमार्थ तरी दुसरा कोणता राहिला ?' असे काहीजण विचारतात. प्रपंच सचोटीचा असला, तरी त्यात अभिमान असेल तर तो परमार्थ होणार नाही. 'राम कर्ता' म्हटल्याशिवाय, म्हणजेच अभिमान सोडल्याशिवाय, परमार्थ नाही साधणार. 'मी देही' म्हणू लागलो यात अभिमान आला. देहबुद्धीला कारण म्हणजे वासना. वासना हे सर्वांचे मूळ आहे. ' जय सदगुरू,, #💐संत महंत🙏 #😇भक्ती स्टेट्स #🙏श्री गुरुदेव दत्त💐 #🙏गुरु महिमा😇

‼️🙏 जय गुरुदेव 🙏‼️ सद्गुरू वाचुनी देव नाही दुजा | गुरुपुत्र वोजा जाणे खुण || गुरु कर्मधर्म गुरु निजवर्म | गुरु पुर्ण ब्रम्ह अनादिचा || अनादिचा ठेवा सद्गुरू सोयरा | जेणे ब्रम्ह हिरा दाखविला || जनी वनी माझा सद्गुरू समर्थ | निजानंद चोख गुरु कृपे | सद्गुरू गोविदनाथ निरंजन | स्वानंद सुखधन देवनाथ || ‼️🙏 दंडवत प्रणाम 🙏 ‼️ #🙏गुरु महिमा😇 #🙏श्री गुरुदेव दत्त💐 #😇भक्ती स्टेट्स #💐संत महंत🙏

‼️🙏 जय गुरुदेव 🙏‼️ दसविये द्वारी वोहट पडिला | नेणता पै गेला पाहावया || अवचिती वाट सांपडली पंथे | ब्रम्हनाम तेथे आले हाता || ज्ञानदेवा गीती निशाणी नाम | समाधी संजिवनी तारक हरी || ‼️🙏 दंडवत प्रणाम 🙏‼️ #💐संत महंत🙏 #😇भक्ती स्टेट्स #🙏श्री गुरुदेव दत्त💐 #🙏गुरु महिमा😇 🌲🌹 शुभ रात्री 🌹🌲

‼️🙏 जय गुरुदेव 🙏‼️ संतांची जो निंदा करितो जो चांडाळ | प्रत्यक्ष अमंगळ हीन याती || तयाच्या विटाळा घ्यावे प्रायश्चित्त | आणिक दुजी मात नाही नाही || तयाचे वचन नायकावे कानी | हो का ब्रम्हज्ञानी पुर्ण ज्ञाता || एका जनार्दनी ऐसे जे पामर | भोगिती अघोर रवरव नरक || ‼️🙏 दंडवत प्रणाम 🙏 ‼️ 🌲🌹 शुभ रात्री 🌹 🌲 #🙏गुरु महिमा😇 #🙏श्री गुरुदेव दत्त💐 #😇भक्ती स्टेट्स #💐संत महंत🙏

‼️🙏 जय गुरुदेव 🙏‼️ आपुल्या स्वहिता वाचेला उच्चार | आळस न करा क्षणभरी || जाईल हा देह वाऊगाचि | आभ्रीची छाया जयापरी || असार साराचे नका पडू भरी | सार तेचि धरी हरिनाम || चोखा म्हणे नाम हाचि मंत्र सुगम | नको आन श्रम जाय वाया || ‼️🙏 दंडवत प्रणाम 🙏‼️ 🌲🌹 शुभ सकाळ 🌹🌲 #💐संत महंत🙏 #😇भक्ती स्टेट्स #🙏श्री गुरुदेव दत्त💐 #🙏गुरु महिमा😇

‼️🙏 जय गुरुदेव 🙏‼️ नाशिवंत सकळीक | शाश्वत माझा नायक || बरवे मजला कळले | पुर्वपुण्य ते फळले || प्रपंच अवघा दु:खरुप | सुखरूप आत्मस्वरूप || स्वरुपी रमल्या भय नाही | एका जनार्दनाचे पायी || ‼️🙏 दंडवत प्रणाम 🙏‼️ 🌲🌹 शुभ सकाळ 🌹🌲 #🙏गुरु महिमा😇 #🙏श्री गुरुदेव दत्त💐 #😇भक्ती स्टेट्स #💐संत महंत🙏